شركة أورا للتطوير العقاري (ORA Developers) صاحبها رجل الأعمال نجيب ساويرس، وهو مؤسسها ورئيس مجلس إدارتها ورئيسها التنفيذي، وبيدير أورا مصر هيثم عبد العظيم. ولو بتدور على شقة أو فيلا في زيد ايست ZED East أو زيد ويست ZED West أو سولانا، فانت بتشتري من أورا.
في الصفحة دي هتعرف أرقام الشركة المعلنة، ومشاريعها الحالية وأسعار البداية فيها حسب المتاح من المطور في نوفمبر 2026، وإيه اللي لازم تراجعه قبل ما تحجز.
نبذة عن شركة أورا للتطوير العقاري
أورا شركة تطوير عقاري بدأت باسم Gemini Global Development، وبعدين اتعرفت باسم أورا (ORA Developers) من 2018. الشركة شغالة في أكتر من دولة: مصر، والإمارات، والعراق، وباكستان، وقبرص، وجرينادا، واليونان.
في مصر أورا بتطور مشاريع سكنية متكاملة في القاهرة الجديدة والشيخ زايد، ومشاريع مصايف في الساحل الشمالي، ومعاها شركة إدارة تابعة ليها هي أورا لإدارة الممتلكات (Ora Property Management) اللي بتدير خدمات الشقق المخدومة زي ليفورا تاور.
مين صاحب شركة أورا؟ ومين بيديرها في مصر؟
نجيب ساويرس: مؤسس أورا ورئيس مجلس إدارتها ورئيسها التنفيذي.
هيثم عبد العظيم: الرئيس التنفيذي لأورا مصر.
أورا في أرقام
مبيعات 2023 في مصر: حوالي 55 مليار جنيه.
إجمالي المبيعات في مصر لحد سبتمبر 2024: حوالي 145 مليار جنيه على مدار 6 سنين.
مبيعات النص الأول من 2025: حوالي 26 مليار جنيه.
خطة استثمارات أعلنتها الشركة في سبتمبر 2025: حوالي 131 مليار جنيه.
الأرقام دي معلنة من الشركة وبتوضح حجمها، لكنها مش بديل عن مراجعة عقد وحدتك وميعاد تسليمها.
التسليمات والمقاولين والتمويل
زيد ويست الشيخ زايد: أورا بدأت تسليم الوحدات في ديسمبر 2023.
زيد ايست التجمع: بدأ تسليم مرحلة Sage في أبريل 2026.
المقاولين: أوراسكوم للإنشاءات في زيد ويست وسيلفر ساندس، وأوراسكوم والرواد وريدكون في زيد ايست.
التمويل: قرض مشترك بـ 7 مليار جنيه لزيد ايست (سبتمبر 2024)، وتمويل من البنك الأهلي المصري بـ 3 مليار جنيه لسولانا الشيخ زايد (نوفمبر 2025).
مشاريع أورا في مصر وأسعارها من المطور
الأسعار دي أقل سعر متاح من المطور في كل مشروع في نوفمبر 2026، وبتتغير مع كل طرح، فاتأكد منها مع فريق المبيعات قبل الحجز.
| المشروع | المكان | يبدأ من | السداد |
|---|---|---|---|
| زيد ويست | الشيخ زايد | 6,400,000 جنيه | من 2.5% مقدم، 10 سنين |
| زيد ايست | القاهرة الجديدة | 8,900,000 جنيه | 5% مقدم، 10 سنين |
| ليفورا تاور | زيد ايست | 13,500,000 جنيه | 5% مقدم، 10 سنين |
| سولانا ايست | التجمع الخامس | 13,900,000 جنيه | 5% مقدم، 8 سنين |
| سولانا ويست | الشيخ زايد الجديدة | 15,800,000 جنيه | 5% مقدم، 10 سنين |
ولأسعار مشاريع الساحل الشمالي (سيلفر ساندس، سيلفر باي، سيلفر ووك، سيلفر تاون) شوف صفحة كل مشروع.
1- زيد ايست التجمع ZED East
زيد ايست كمبوند على حوالي 360 فدان في آخر التسعين الجنوبي، و80% من مساحته مساحات خضراء وبحيرات، وجواه نادي زيد الرياضي. المتاح من المطور حاليًا في 3 مراحل:
كلوب ريزيدنس: شقق متشطبة من استوديو 65 متر بـ 8.9 مليون جنيه.
ليفورا تاور: برج شقق مخدومة بتديره أورا لإدارة الممتلكات، شقة غرفة 64 متر من 13.5 مليون جنيه.
ذا إيميرالد كولكشن: دوبلكس وتاون هاوس وفيلات.
2- زيد ويست الشيخ زايد ZED West
زيد ويست على حوالي 165 فدان في قلب الشيخ زايد حوالين زيد بارك، والتسليم فيه بدأ من ديسمبر 2023. المتاح من المطور حاليًا في ذا فيلدج فيوز (استوديو 51 متر من 6.4 مليون جنيه) وبارك سايد ريزيدنس بمقدم 2.5%.
3- سولانا ايست التجمع الخامس Solana East
سولانا ايست على حوالي 170 فدان على التسعين الجنوبي قريب من هايد بارك وميفيدا. المتاح من المطور شقق متشطبة من غرفة 99 متر بـ 13.9 مليون جنيه، وتاون هاوس وتوين هاوس وفيلات، بمقدم 5% وتقسيط 8 سنين. وفي المشروع كمان جارد إن للشقق المخدومة وميديكا للعيادات.
4- سولانا الشيخ زايد Solana West
سولانا ويست في الشيخ زايد الجديدة بين محور الضبعة والدائري الأوسطي. المتاح من المطور شقق متشطبة من 15.8 مليون جنيه، وفيلات ذا سولوز بمقدم 2.5%.
5- مشاريع أورا في الساحل الشمالي
سيلفر ساندس في سيدي حنيش عند الكيلو 243، وفيه حوالي 5,600 وحدة. ومن مشاريع أورا في الساحل كمان سيلفر باي وسيلفر ووك وسيلفر تاون. ولمعرفة الأسعار والمتاح في كل مرحلة كلم فريق سيفا.
ليه تشتري من أورا؟
سابقة تسليم: زيد ويست اتسلم من 2023 ومرحلة Sage في زيد ايست اتسلمت في 2026، فتقدر تشوف شغل الشركة على الأرض قبل ما تشتري.
وحدات متشطبة: المتاح من المطور حاليًا في مشاريع القاهرة والجيزة متشطب.
إدارة بعد الاستلام: أورا لإدارة الممتلكات بتقدم خدمات تشغيل وتأجير في المراحل المخدومة زي ليفورا.
تقسيط طويل: لحد 10 سنين في زيد ايست وزيد ويست وسولانا ويست.
قبل ما تحجز مع أورا خد بالك من
قارن سعر المتر بالمشاريع المحيطة قبل ما تقرر، وفي صفحة كل مشروع هتلاقي مقارنة بالمشاريع اللي جنبه.
المتاح حاليًا تسليم 2030، يعني هتدفع أقساط سنين قبل ما تسكن أو تأجر.
في أنظمة الـ 5% الأقساط بتغطي 90% من السعر، والـ 5% الباقية ميعادها بيتحدد مع المطور، فاسأل عليها قبل التعاقد.
وديعة الصيانة بتتدفع فوق سعر الوحدة ونسبتها بتختلف من مرحلة للتانية (مثلًا 8% في سولانا ايست وذا فيلدج فيوز و10% في بارك سايد).
احجز وحدتك في مشاريع أورا مع سيفا
فريق سيفا يقدر يقارنلك بين الوحدات المتاحة من أورا في كل مشروع حسب ميزانيتك، ويوضحلك المقدم والقسط وميعاد الاستلام لكل وحدة. كلمنا على واتساب وهنبعتلك المتاح حاليًا.