سيدي عبد الرحمن

سيدي عبد الرحمن من أهم وأرقى مناطق الساحل الشمالي في مصر، وبتقع في موقع مميز على طريق إسكندرية – مطروح، وبتجمع بين جمال الطبيعة وسهولة الوصول، كمان المنطقة معروفة بشواطئها من أنقى وأجمل شواطئ البحر المتوسط، وبالمياه الفيروزية الصافية والرمال البيضاء الناعمة، وده اللي خلّاها واحدة من أكتر الوجهات جذبًا للمصايف والاستثمار في نفس الوقت.

اللي بيميز سيدي عبد الرحمن مش بس جمالها، لكن كمان التخطيط الحديث والمشاريع الضخمة اللي اتعملت فيها، ووجود كبار المطورين العقاريين اللي قدموا مجتمعات متكاملة فيها كل الخدمات من شواطئ خاصة، ومطاعم، ومناطق ترفيهية، لحد الخدمات اليومية اللي بتخلي الإقامة فيها مريحة طول الصيف.

وفي المقال ده هنتكلم عن كل التفاصيل اللي محتاج تعرفها عن سيدي عبد الرحمن، بداية من موقعها ومميزاتها، مرورًا بأهم المشاريع الموجودة فيها، ووصولًا لأسعار الوحدات وفرص الاستثمار في 2026.

نبذة عن سيدي عبد الرحمن

سيدي عبد الرحمن واحدة من أهم المناطق الساحلية على البحر الأبيض المتوسط، وبتقع في الساحل الشمالي الغربي لمصر، واسمها راجع لولي صالح اتسمّت المنطقة باسمه من زمان، وده بيديها طابع تاريخي بسيط جنب جمالها الطبيعي.

اللي بيميزها عن باقي مناطق الساحل إنها جمعت بين أكتر من عنصر في مكان واحد زي مياه صافية بلون فيروزي، ورمال بيضاء ناعمة، وموقع قريب نسبيًا من القاهرة والإسكندرية، ومعاه بنية تحتية قوية ومشاريع سياحية متطورة.

وعشان كده، سيدي عبد الرحمن مبقتش مجرد مكان للمصيف بس، لكنها بقيت واحدة من أهم مناطق الاستثمار العقاري في مصر حاليًا.

موقع سيدي عبد الرحمن الساحل الشمالي

سيدي عبد الرحمن بتقع على الطريق الساحلي الدولي (إسكندرية – مرسى مطروح)، وبتبدأ تقريبًا من الكيلو 120 لحد الكيلو 155، مع اختلاف بسيط حسب التقسيمات، وموقعها ده بيخليها في منتصف الطريق تقريبًا بين الإسكندرية ومرسى مطروح، ودي المسافات بالأرقام: 

• من الإسكندرية: بتبعد بحوالي 130–132 كيلومتر.
• من العلمين الجديدة: على بعد حوالي 30 كيلومتر.
• من مرسى مطروح: حوالي 190 كيلومتر.
• من القاهرة: حوالي 280–290 كيلومتر يعني حوالي  3ساعات بالسيارة.

سيدي عبد الرحمن تبع محافظة إيه ومركز إيه؟

المنطقة تبع محافظة مطروح ووفق التقسيم الإداري قرية سيدي عبد الرحمن تابعة للوحدة المحلية لمركز العلمين وبتخدم المناطق والمنتجعات حواليها، وعدد السكان الدائمين بيوصل لحوالي 4,000 نسمة، والمنطقة كمان معروفة بانتشار مزارع الزيتون والتين والنخيل حواليها، وده بيديها طابع طبيعي مميز جنب الشاطئ.

خريطة سيدي عبد الرحمن

سيدي عبد الرحمن بتقع في منطقة مميزة جدًا على الساحل الشمالي، ولو حابب تتخيل موقعها بسهولة، تقدر تقسمه كده:

• من ناحية الشرق: بتبدأ من حدود مدينة العلمين الجديدة ومطار العلمين.
• من ناحية الغرب: بتمتد لحد اتجاه رأس الحكمة وطريق مرسى مطروح.
• من ناحية الشمال: بتطل مباشرة على البحر والأبيض المتوسط وخليج سيدي عبد الرحمن
• من ناحية الجنوب: بيحدها طريق وادي النطرون – العلمين (محور الضبعة) اللي بيربطها بالقاهرة

توزيع أهم القرى على الطريق

المنطقة متقسمة على شكل كيلوهات على الطريق الساحلي، وأشهر القرى فيها بتيجي بالترتيب كده:

• الكيلو 124: قرية هاسيندا باي.
• الكيلو 126: هتلاقي مراسي.
• الكيلو 133: هتلاقي قرية ستيلا سيدي عبد الرحمن – لافيستا كاسكادا.
• الكيلو 136: هتلاقي قرية أمواج.
• الكيلو 142: هتلاقي تلال الساحل.

الطرق والمحاور القريبة من سيدي عبد الرحمن

1. طريق الضبعة: وده بيربط القاهرة بالساحل الشمالي مباشرة، وبيعدّي على منطقة الضبعة، وبيعتبر من أهم الطرق اللي بتسهل الوصول للمنطقة من داخل مصر.
2. الطريق الساحلي الدولي (إسكندرية – مطروح): وهو الطريق الرئيسي الموازي للبحر، وكل قرى ومشاريع سيدي عبد الرحمن موجودة عليه أو قريبة منه، وتم تطويره وتوسيعه بشكل كبير.
3. مدينة العلمين الجديدة: وبتبعد حوالي 30 كيلومتر، وبتوفر قرب من مطار العلمين الدولي والخدمات والمشاريع الكبرى، وده بيزود من قيمة الموقع.
4. طريق وادي النطرون – العلمين: وده طريق صحراوي سريع بيختصر المسافة من القاهرة وبيوفر وقت كبير مقارنة بطريق إسكندرية، وبيوصل للساحل بشكل مباشر.
5. محور روض الفرج: وبيربط القاهرة بطريق الضبعة ووادي النطرون، وبيسهل الوصول للساحل من قلب العاصمة في وقت أقل.

المسافة من القاهرة ومرسى مطروح لسيدي عبد الرحمن

المسافة من القاهرة لسيدي عبد الرحمن بتوصل لحوالي 288 – 310 كيلومتر حسب الطريق فلو: 

• عن طريق وادي النطرون – العلمين: المسافة هتكون حوالي 2.5 – 3 ساعات (في حالة عدم وجود زحمة).
• عن طريق الإسكندرية: هتبقى حوالي 3 – 3.5 ساعة حسب الزحمة.

أما المسافة بين سيدي عبد الرحمن ومرسى مطروح بتكون حوالي 190 كيلومتر، والوقت المستغرق للوصول بيكون حوالي ساعتين ونص بالسيارة.

مساحة سيدي عبد الرحمن ووحداتها

1- مساحة القرية الأم

قرية سيدي عبد الرحمن الأصلية بتبلغ مساحتها المأهولة حوالي 300 فدان، وبيسكنها حوالي 4,700 نسمة (حسب إحصاء 2018)، ولطابع العام فيها سكني تقليدي مع وجود مباني خدمية، وبتتميز بانتشار مزارع الزيتون والتين حواليها، وده بيديها طابع طبيعي مميز.

2- مساحة المنتجعات والقرى السياحية

المنطقة بشكل عام بتمتد على عشرات الكيلومترات على الساحل، وبتضم عدد كبير من المنتجعات بمساحات مختلفة، ومنها:

• مراسي: ومساحتها حوالي 1,500 فدان (حوالي 6.5 مليون متر مربع)، وبتضم حوالي 7,000 وحدة سكنية.
• تلال الساحل: ومساحتها بتوصل لحوالي 390 فدان.
• أمواج (Amwaj): ومساحتها حوالي 360 فدان.
• هاسيندا وايت: ومساحتها حوالي 116 فدان.

3- أنواع الوحدات والمساحات المتاحة

المنطقة بتوفر تنوع كبير في الوحدات عشان يناسب كل الاحتياجات، ودي أهم الوحدات المتاحة ومساحتها:

• الشاليهات: بمساحات بتبدأ من 55 لـ150 متر وبتوصل أحيانًا لـ200 متر، ومكونة من غرفة لحد 3 غرف.
• الاستوديوهات والكبائن: بتبدأ من حوالي 40 متر.
• التاون هاوس: بتبدأ من 180 لـ250 متر، وبتكون متعددة الطوابق.
• التوين هاوس: بتبدأ من 200 لـ300 متر وبعضها بيبدأ من 165 متر.
• الفيلات المستقلة: بتبدأ من 230 متر وبتوصل لأكتر من 800 متر، وبعضها يبدأ من 200 متر.
• الدوبلكس: ودي بتكون وحدات على طابقين داخل المباني بمساحات أكبر من الشقق.

أبرز المشاريع في سيدي عبد الرحمن 2026  

1- بلاج ماونتن فيو (Plage Mountain View)

بلاج هو واحد من مشاريع شركة Mountain View Egypt في الساحل الشمالي، والشركة دي ليها سابقة أعمال قوية جدًا في السوق المصري زي ماونتن فيو هايد بارك، وماونتن فيو أكتوبر، وماونتن فيو الساحل، وده بيدي ثقة كبيرة في جودة التنفيذ وإدارة المشروع.

المشروع بيجمع بين الطابع الأوروبي الفاخر وروعة شواطئ سيدي عبد الرحمن، واسمه “Plage” معناه شاطئ بالفرنسية، وده بيعكس فكرة المشروع اللي قائمة على حياة ساحلية راقية بإطلالات مباشرة على البحر وتصميم مستوحى من مدن البحر المتوسط. 

أنواع الوحدات والأسعار

• شاليه غرفتين: ومساحته بتبدأ من 107 متر، والسعر بيبدأ من 8,800,000 جنيه.
• شاليه 3 غرف: والمساحة بتبدأ من 130 متر، والسعر بيبدأ من 10,200,000 جنيه.

• توين هاوس: والمساحة بتبدأ من 200 متر، والسعر بيبدأ من 25,000,000 جنيه.

• فيلا مستقلة: والمساحة بتبدأ من 250 متر، والسعر بيبدأ من 41,500,000 جنيه.

2- تلال الساحل الشمالي

تلال هو واحد من مشاريع شركة Roya Developments في منطقة سيدي عبد الرحمن، وبيتميز بحجمه الكبير وتصميمه المتطور اللي بيركز على إن كل الوحدات يكون ليها إطلالة مميزة سواء على البحر أو البحيرات الصناعية.

المشروع جاي بفكرة مجتمع سكني متكامل يجمع بين الهدوء والطبيعة والخدمات الحديثة، وده خلاه من المشاريع البارزة في المنطقة.

إيه هي أنواع الوحدات والأسعار؟ 

• شاليهات: بمساحات تبدأ من 100 متر، والسعر يبدأ من حوالي 7,000,000 جنيه.
• توين هاوس: والمساحة بتبدأ من 200 متر، والسعر بيتحدد حسب الإطلالة والموقع.
• فيلات: والمساحة بتبدأ من 250 متر، والسعر بيتحدد حسب الإطلالة والموقع.

3- أمواج (Amwaj) — الأهلي صبور

أمواج هو واحد من أهم مشاريع شركة Al Ahly Sabbour Developments في منطقة سيدي عبد الرحمن، وبيعتبر من أوائل المنتجعات اللي قدمت مفهوم الحياة الساحلية المتكاملة بشكل راقي وعالمي، واسم “أمواج” بيعكس فكرة المشروع نفسه، وهو الإحساس المستمر بالحركة والرفاهية الممتدة على البحر، مع تصميم يجمع بين المساحات الخضراء والبحيرات الكريستالية والطبيعة المفتوحة، ودي أهم تفاصيل المشروع:

• الموقع: الكيلو 136 على طريق إسكندرية – مطروح، في قلب سيدي عبد الرحمن.

• المساحة: بيمتد على مساحة بتوصل لحوالي 360 فدان.

• التصميم: تصميم مبتكر بالتعاون مع أفضل المهندسين، مع مساحات خضراء وبحيرات كريستالية.

• سابقة الأعمال للمطور: مشاريع في التجمع الخامس، وسيدي عبد الرحمن، ورأس الحكمة.

أنواع الوحدات والأسعار

• شقق.

• شاليهات: بمساحات بتبدأ من 80 متر، والسعر بيبدأ من حوالي 8,000,000 جنيه.

• توين هاوس: بمساحات تبدأ من 200 متر، والسعر يبدأ من حوالي 18,000,000 جنيه.

• فيلا مستقلة: والمساحة بتبدأ من 300 متر، والسعر بيبدأ من حوالي 30,000,000 جنيه.

• دوبلكس وبنتهاوس.

4- لافيستا كاسكادا (La Vista Cascada)

لافيستا كاسكادا واحد من أجمل المشاريع في منطقة سيدي عبد الرحمن من حيث التصميم والاهتمام بالتفاصيل، وبيقدم تجربة سكنية ساحلية راقية بتعتمد على الإطلالات المباشرة على البحر.

المشروع جاي من شركة La Vista Developments المعروفة بمشاريعها المميزة في الساحل الشمالي والعين السخنة، وده بيخليه واحد من المشاريع اللي عليها طلب كبير في السوق، ودي أهم تفاصيل المشروع: 

• الموقع: بيقع عند الكيلو 143 على طريق إسكندرية – مطروح، على الشاطئ الرملي للبحر الأبيض المتوسط.
• التصميم: تصميم هندسي معاصر مكوّن من 5 صفوف متدرجة باتجاه البحر، وده بيضمن إن كل الوحدات ليها إطلالة بحر مباشرة.
• المميزات: هتلاقي حمامات سباحة، وشلالات مائية، وخدمات طبية، ومناطق تجارية، وشاطئ خاص، وأمن وحراسة.

 أنواع الوحدات والأسعار

• فيلات مستقلة: والمساحة بتبدأ من 200 متر، والسعر بيبدأ من حوالي 18,000,000 جنيه.
• شاليهات: مساحتها بتبدأ من 130 متر، والسعر بيبدأ من حوالي 10,000,000 جنيه.

5- هاسيندا وايت (Hacienda White) — بالم هيلز

هاسيندا وايت من المشاريع اللي اسمها لوحده بيدل على الفخامة، وواحد من أهم مشروعات شركة Palm Hills Developments في الساحل الشمالي. 

المشروع بيكمل سلسلة نجاحات هاسيندا المعروفة زي هاسيندا باي وهاسيندا ويست، وبيقدم تجربة ساحلية راقية بطابع أوروبي بسيط وأنيق، مع تركيز كبير على اللون الأبيض اللي بيدي هوية مميزة للمكان، ودي أهم التفاصيل الخاصة بالمشروع: 

• الموقع: الكيلو 140 على طريق إسكندرية – مطروح.
• المساحة: بيمتد على مساحة 1.5 مليون متر مربع.
• التصميم: طراز أبيض مستوحى من الإبداع الأوروبي البسيط والأنيق.
• الشركة المطورة: بالم هيلز للتطوير العقاري، وليها مشاريع كتيرة مميزة زي هاسيندا باي وهاسيندا ريد وبالم هيلز التجمع، وبالم هيلز أكتوبر، وغيرها من المشاريع الكبرى.

 أنواع الوحدات والأسعار

• شاليهات: بمساحات تبدأ من 100 متر، والسعر بيبدأ من حوالي 12,000,000 جنيه.
• فيلات وتاون هاوس: والمساحة بتبدأ من 200 متر، والسعر بيبدأ من حوالي 25,000,000 جنيه تقريباً.

6- ستيلا سيدي عبد الرحمن (Stella)

ستيلا من أقدم وأشهر الأسماء في منطقة سيدي عبد الرحمن على الساحل الشمالي، وشركة Remco Tourism Villages Construction قدرت تنجح في تحويلها عبر السنوات إلى وجهة سياحية ثابتة ومعروفة للعائلات، خصوصًا مع تركيزها على الأنشطة الترفيهية والخدمات المتكاملة داخل المنتجع، ودي أهم تفاصيل المشروع:

• الموقع: الكيلو 133 على طريق إسكندرية – مطروح، في خليج سيدي عبد الرحمن.
• الشركة المطورة: رمكو لإنشاء القرى السياحية، ومن أهم أعمالها ستيلا هايتس في الكيلو 134، وستيلا لوكيشن في الكيلو 134.
• المساحة والخدمات: بيمتد المشروع على مساحة حوالي 550,000 متر مربع، وبيتميز بمساحات خضراء واسعة وبحيرات صناعية تعطي إطلالات طبيعية لمعظم الوحدات.
• الميزة الأبرز: وجود أكوا بارك متكامل داخل المنتجع، وده بيخليه مناسب جدًا للعائلات والأطفال.
• الخدمات: أكوا بارك، شاطئ خاص، حمامات سباحة، مطاعم وكافيهات، نادي رياضي، ومركز تسوق.
• إيجار الشاليهات: الأسعار بتبدأ من 10,000 إلى 35,000 جنيه في اليوم.

أنواع الوحدات والأسعار

• فيلات مستقلة: وأسعارها بتبدأ من حوالي 10.5 مليون جنيه.
• شاليهات: والسعر بيبدأ من حوالي 4.1 مليون جنيه حسب الموقع والمساحة.

7- كريستا (Cresta) — ماونتن فيو

كريستا هو أحدث مشاريع شركة Mountain View Egypt في منطقة سيدي عبد الرحمن بالساحل الشمالي، وبيمتد على مساحة ضخمة حوالي 477 فدان، وبيقدم تجربة ساحلية متكاملة مستوحاة من الطراز اليوناني وتحديدًا جزيرة كريت. 

المشروع بيتميز بواجهة شاطئية بطول 1 كم، مع تصميم بيضمن إن حوالي 90% من الوحدات ليها إطلالات مائية سواء على البحر أو البحيرات الصناعية، مع تسليم جميع الوحدات كاملة التشطيب وبجودة عالية، ودي أهم تفاصيل المشروع:

• الموقع: الكيلو 123 على طريق إسكندرية – مطروح (وبالقرب من الكيلو 125).
• القرب من الأماكن المهمة: على بعد دقائق من مطار العلمين الدولي، وبجوار مراسي ولفلز وتلال.
• التصميم: طراز يوناني فاخر مستوحى من جزيرة كريت، مع تخطيط دقيق ومساحات مفتوحة.
• تقسيم المشروع: هتلاقي Crysta Walk وإطلالات مباشرة على البحر + فنادق ومطاعم شاطئية، وCrysta Islands محاطة بلاجونز (بحيرات صناعية صالحة للسباحة).
• نظام السداد: بيبدأ من 5% مقدم وتقسيط حتى 6 سنوات وتسليم خلال سنتين، أو دفع 5% مقدم وتقسيط حتى 8 سنوات وتسليم خلال 4 سنوات أو في 2029.
• التشطيب: جميع الوحدات بتكون كاملة التشطيب.

أنواع الوحدات والأسعار

• كبائن: مساحتها بتبدأ من 145 متر، والسعر بيبدأ من حوالي 6,900,000 جنيه.
• شاليهات: مساحتها بتبدأ من 100 متر، والسعر بيبدأ من حوالي 10,000,000 جنيه.
• Beach House (حديقة أو روف): ومساحتها بتبدأ من 145 متر تقريبًا، والسعر بيتحدد حسب الموقع والإطلالة.
• تاون هاوس: بمساحات متنوعة.
• فلل مستقلة: بمساحات تبدأ من 255 متر وتصل إلى 365 متر، والسعر بيتحدد حسب الموقع والإطلالة.
• Grand Villa.

8- ريفت (The Rift) – داخل بلاج ماونتن فيو

ريفت (The Rift) هي واحدة من أهم المناطق الحيوية داخل مشروع بلاج التابع لشركة Mountain View Egypt في سيدي عبد الرحمن، وبتعتبر القلب التجاري والترفيهي للمشروع. 

المنطقة متصممة بفكرة الـ Commercial Hub اللي بيجمع بين التسوق والترفيه والحياة الاجتماعية في مكان واحد، وده بيخليها نقطة تجمع أساسية للسكان والزوار. المشروع بالكامل (Plage) بيمتد على مساحة حوالي 450 فدان، وبيتميز بتصميمات مستوحاة من العمارة اليونانية الحديثة، ودي أهم تفاصيل المشروع:

• الموقع: داخل مشروع بلاج في الكيلو 120 – سيدي عبد الرحمن.
• المفهوم: منطقة تجارية وترفيهية (Commercial Hub).
• التصميم: عصري يعتمد على المساحات المفتوحة والإطلالات.
• المميزات: فيها بوليفارد حيوي (Lively Boulevard) ممشى سياحي ممتد ومطاعم وكافيهات فاخرة بإطلالات مفتوحة وخدمات ترفيهية تناسب الأجواء الصيفية.
• أنواع الوحدات: شاليهات وتاون هاوس بمساحات مختلفة.

9- كيو نورث (Q North)

كيو نورث هو أول مشروعات شركة Q Developments Egypt في منطقة سيدي عبد الرحمن بالساحل الشمالي، وبيمتد على مساحة حوالي 100 فدان، وبيقدم تجربة ساحلية متكاملة بتعتمد على الفخامة وسهولة الاستخدام. المشروع مميز إن كل وحداته بتتسلم كاملة التشطيب بالفرش والمطابخ، وده بيخليه جاهز للاستخدام أو التأجير مباشرة، وبالنسبة لموقعه فهو موجود في الكيلو 136 على طريق إسكندرية–مطروح وده بيخليه قريب جدًا من أهم القرى زي أمواج ولافيستا كاسكادا، وكمان قدام أكوا بارك مراسي وستيلا هايتس، وعلى بعد دقائق من العلمين الجديدة وطريق الفوكا. والتصميم بيعتمد على إن 100% من الوحدات ليها إطلالات مائية سواء على البحر أو اللاجون، مع وجود كريستال لاجون ضخمة بمساحة 18,000 متر مربع، وفندق عالمي Novotel بيضم 240 غرفة، بالإضافة لـستريب مول بطول 700 متر مليان مطاعم وكافيهات.

أنواع الوحدات والأسعار

• شاليه غرفة واحدة: بمساحات بتبدأ من 55 متر، والسعر بيبدأ من حوالي 4,700,000 جنيه.
• شاليه غرفتين: والمساحة بتبدأ من 90 متر، والسعر بيبدأ من حوالي 6,600,000 جنيه.
• شاليه 3 غرف: ومساحته بتبدأ من 120 متر، والسعر بيبدأ من حوالي 8,700,000 جنيه.
• توين هاوس: والمساحة بتبدأ من 200 متر، والسعر بيصل إلى حوالي 16,200,000 جنيه.

10- شماسي (Shamasi) — سيراك

شماسي من أبرز مشاريع شركة Serac Developments في سيدي عبد الرحمن، واسم المشروع نفسه ليه معنى مميز، لأن “شماسي” معناه المظلات الملونة على الشاطئ، وده بيعكس أجواء الصيف والهدوء اللي الشركة حاولت تنقلها في التصميم. 

المشروع جاي بفكرة إن المساحات المفتوحة والطبيعة هي الأساس، عشان كده تم تخصيص حوالي 14% فقط للمباني والباقي مساحات خضراء وبحيرات وخدمات. 

شماسي بيقع في الكيلو 134 على طريق إسكندرية–مطروح، بجوار بيانكي ومراسي ومسايا، وعلى بعد حوالي 9 دقائق من العلمين الجديدة، ومساحة المشروع بتتراوح بين 70 لـ80 فدان، وفيه شاطئ بعرض حوالي 200 متر وعمق يصل إلى 1,300 متر، مع تصميم يضمن إطلالات مميزة على البحر أو اللاجون. 

 أنواع الوحدات والأسعار

• شاليه غرفة واحدة: ومساحته بتبدأ من 60 متر (وبعض الوحدات من 68 متر)، والسعر بيبدأ من 3,250,000 جنيه (ووصل في طروحات أحدث إلى حوالي 7,900,000 جنيه).
• شاليه غرفتين: ومساحته بتبدأ من 90 متر، والسعر بيبدأ من حوالي 4,600,000 جنيه.
• تاون هاوس وتوين هاوس بمساحات مختلفة.
• فيلا مستقلة: والمساحة بتبدأ من 245 إلى 250 متر، والسعر بيتحدد حسب الإطلالة والموقع.

11- الورا (Alura) — سيراك

الورا هي أحدث مراحل مشروع ستيلا هايتس في سيدي عبد الرحمن، ومن تطوير شركة Serac Developments، وبتُعتبر امتداد قوي لنجاح المشروع القائم بالفعل، والمميز هنا إنك بتشتري في مشروع جاهز فيه حياة وخدمات شغالة، مش مجرد مشروع تحت الإنشاء. 

كمان المشروع جاي بتصميم أوروبي حديث وبإشراف المهندس هاني سعد وبالتعاون مع شركة ICON، وبتتسلم الوحدات كاملة التشطيب، وموقعه في الكيلو 134 على طريق إسكندرية–مطروح، بجوار بيانكي ومسايا، وقريب جدًا من العلمين الجديدة ومطار العلمين. المشروع بيقدم وحدات بمساحات وأسعار أقل نسبيًا من باقي مشاريع المنطقة، مع سعر متر بيبدأ من حوالي 29,000 جنيه، وأنظمة سداد مرنة بتبدأ من 10% مقدم وتقسيط حتى 5 لـ7 سنوات، مع ميزة التسليم في وقت سريع نسبيًا بسبب تقدم التنفيذ.

 أنواع الوحدات والأسعار

• استوديو / شاليه غرفة واحدة: والمساحة بتبدأ من 55 متر، والسعر بيبدأ من 3,972,222 جنيه (وبعض الطروحات من 4,700,000 جنيه)
• شاليه غرفتين: والمساحة بتبدأ من 87 إلى 92 متر، والسعر بيبدأ من 4,500,000 جنيه (وبعض الطروحات من 5,220,000 جنيه).
• شاليه 3 غرف: والمساحة بتبدأ من 116 إلى 138 متر، والسعر بيبدأ من 5,500,000 جنيه وبيصل إلى 6,900,000 جنيه.

12- مسايا (Masaya) — إيجي جاب

مسايا هو واحد من المشاريع المميزة في سيدي عبد الرحمن، ومن تطوير شركة EgyGab Developments، وهي شركة ليها خبرة طويلة في التطوير العقاري والتعليم.

المشروع بيقع في موقع استراتيجي في الكيلو 133–134 على طريق إسكندرية–مطروح، بين مراسي وسي شيل، وبجوار بيانكي، وعلى بعد حوالي 30 كم من العلمين الجديدة و15 دقيقة من طريق الضبعة، ومساحة المشروع حوالي 30 فدان، وبيتميز بتصميم بنظام المصاطب بارتفاعات تصل إلى 8 متر لضمان إطلالات بحرية لأغلب الوحدات، مع واجهة شاطئية بطول 200 متر وعمق يصل إلى 850 متر.

كمان بيضم بحيرات صناعية للسباحة بمساحة 8,800 متر مربع، وجميع الوحدات بتتسلم كاملة التشطيب، والمشروع بيقدم خدمات فندقية مميزة تشمل فندق Boutique Hotel وفندق Novotel، بالإضافة إلى فندق مخصص للحيوانات الأليفة (Pet Hotel).

أنواع الوحدات والأسعار

• شاليهات: مساحتها بتبدأ من 70 متر (وبعض الوحدات من 88 إلى 131 متر)، والسعر بيبدأ من حوالي 5,500,000 جنيه.
• تاون هاوس: مساحته بتبدأ من 190 متر، والسعر بيبدأ من حوالي 8,000,000 جنيه.
• فيلات مستقلة: مساحتها بتبدأ من 310 متر، والسعر بيتجاوز 15,000,000 جنيه حسب الموقع والإطلالة.

13- بيانكي إيليوس (Bianchi Ilios) — X Developments

لو بتدور على تجربة مختلفة تماماً في الساحل، فبيانكي إيليوس بيقدّم إحساس إنك سافرت اليونان من غير ما تسيب مصر، والمشروع هو إعادة تطوير لقرية بيانكي التاريخية، وبيتم تنفيذه من خلال شركة ديفلوبر إكس (Developer X) التابعة لمجموعة الشورى بالتعاون مع شركة البروج مصر، وبيقع في الكيلو 134–135 على طريق إسكندرية–مطروح، في موقع مميز جداً جنب سي شيل وأمواج، وعلى بعد حوالي 25 دقيقة من العلمين الجديدة و40 دقيقة من طريق الضبعة. 

المشروع بيمتد على مساحة 104 فدان بواجهة بحرية 360 متر، ومصمم بالكامل بطابع يوناني (أبيض × أزرق) مع نظام مصاطب يضمن رؤية البحر لأغلب الوحدات، وكمان 85% من المساحة مخصصة للاندسكيب والبحيرات، وكل الوحدات بتتسلم كاملة التشطيب بمستوى فاخر، وده بيخلي التجربة جاهزة على طول سواء للاستخدام أو الاستثمار.

أنواع الوحدات والأسعار

• شاليهات: والمساحات بتبدأ من 95 متر (غرفتين)، والأسعار بتبدأ من حوالي 7,300,000 جنيه.
• تاون هاوس: والمساحات بتبدأ من 130 لـ206 متر، والسعر بيتحدد حسب الموقع والإطلالة.
• توين هاوس: والمساحات بتبدأ من 180 متر، والأسعار بتبدأ من حوالي 8,500,000 جنيه.
• فلل مستقلة: والمساحات بتبدأ من 235 لـ400 متر، والسعر بيتحدد حسب المساحة والموقع.

14- سيشيل (Seashell) — جي للتطوير

سي شيل (Seashell) واحد من أرقى مشاريع الساحل الشمالي، وبيُصنف دايماً كـ"مجتمع النخبة" بسبب مستوى التصميم والخدمات وجودة التنفيذ. 

المشروع من تطوير شركة جي للتطوير العقاري (G Developments) وده الاسم الجديد لشركة نيو جيزة، وده بيدي ثقة كبيرة في مستوى المشروع.

كمان بيقع في الكيلو 131 على طريق إسكندرية–مطروح في منطقة خليج غزالة بقلب سيدي عبد الرحمن، وبيمتد على مساحة ضخمة حوالي 700 فدان، والتصميم معمول بشكل حرف U علشان يضمن إطلالات مائية لأكبر عدد ممكن من الوحدات، مع تخصيص حوالي 80% من المساحة للبحيرات واللاندسكيب. المشروع بيضم مراحل مختلفة زي Seashell Playa، وكل الوحدات فيه بتتسلم كاملة التشطيب بمستوى Ultra Lux، مع واجهات زجاجية واسعة بتخليك حاسس إنك شايف البحر من كل زاوية تقريباً.

أنواع الوحدات والأسعار

• شاليهات: والمساحات بتبدأ من 70–80 متر، والأسعار بتبدأ من حوالي 9,200,000 جنيه.
• تاون هاوس / توين هاوس: والأسعار بتبدأ من حوالي 15,000,000 جنيه وبتزيد حسب الموقع والإطلالة.
• فلل مستقلة: والأسعار بتبدأ من حوالي 30,000,000 جنيه وبتوصل لأكتر من 120,000,000 جنيه للوحدات المميزة على البحر أو اللاجون.
• كبائن (Cabanas): والمساحات بتبدأ من 35 لـ50 متر، والأسعار بتبدأ من حوالي 9,000,000 جنيه.

خلي بالك إن كل الأسعار في المراحل الجديدة بتبدأ من حوالي 10.3 مليون جنيه، لكن في سوق الريسيل ممكن تلاقي فيه خيارات مختلفة حسب الموقع والتشطيب.

مراسي سيدي عبد الرحمن: أيقونة الساحل الشمالي بلا منافس

مراسي مش مجرد مشروع ساحلي — دي نقلة نوعية في مفهوم السياحة والاستثمار في مصر، والمشروع من تطوير شركة إعمار مصر (Emaar Misr)، التابعة للعملاق الإماراتي إعمار صاحبة برج خليفة، وده لوحده كفاية يوضح مستوى التنفيذ والجودة. 

مراسي تقع في الكيلو 126 على طريق إسكندرية–مطروح في قلب سيدي عبد الرحمن، وبتمتد على مساحة ضخمة حوالي 1,455–1,500 فدان أو ما يعادل 6.5 مليون متر مربع، وتمييز بواجهة بحرية بطول 6.2–6.5 كيلومتر بتضم 5 شواطئ خاصة، كمان المشروع مصمم بفلسفة إن 20% فقط مباني والباقي مساحات خضراء وبحيرات وخدمات، وبيضم حوالي 23 حي سكني مستوحى من طرازات عالمية زي اليوناني والإسباني والإيطالي.

أهم الأحياء داخل مراسي

• The Greek Village: ومميز بتصميم مستوحى من سانتوريني وفيه ألوان أبيض وأزرق، ووحدات مرتفعة بإطلالات مباشرة على البحر.
• Marassi Marina: وده قلب الحياة في المشروع، وفيهعالمية + ممشى تجاري + مطاعم وماركات عالمية.
• Marassi Bay: من أفخم المناطق، وبتضم حوالي 90 فيلا مستقلة بإطلالة مباشرة على الخليج.
• Valencia:  وفيها شاليهات بتصميم مميز بدورين وإطلالات بحرية كاملة.
• Blanca: مميز بالطراز المغربي، وفيه وحدات محاطة بالبحيرات الصناعية.
• Altea / Faya / Riva Golf: ودي مناطق هادئة مميزة بإطلالات على الجولف أو اللاجون.

أنواع الوحدات والأسعار في مراسي 2026

• شقق: بمساحات متنوعة، وأسعار الإيجار بتبدأ من 8,000 جنيه/يوم.
• شاليهات (غرفة واحدة): وبتبدأ أسعارها من حوالي 7,500,000 جنيه.
• شاليهات (غرفتين): وأسعارها بتبدأ من حوالي 10,000,000 جنيه.
• تاون هاوس / توين هاوس: وأسعارها بتبدأ من حوالي 15,000,000 جنيه.
• فلل مستقلة: بأسعار بتبدأ من حوالي 30,000,000 جنيه وتوصل لأكتر من 100,000,000 جنيه في المناطق المميزة.
• وحدات فاخرة: وأسعارها ممكن تتجاوز 40,000,000 جنيه حسب الموقع.

أسعار الإيجار اليومي في مراسي

• بالنسبة للشاليهات، فالأسعار بتبدأ من 12,000 جنيه/يوم.
• الشقق أسعارها بتبدأ من 8,000 جنيه/يوم.

أهم الخدمات والمرافق في مراسي

• مارينا يخوت عالمية: وبتضم حوالي 600 مرسى لليخوت + ممشى تجاري.
• 5 شواطئ خاصة: وكل شاطئ بطابع مختلف.
• فنادق 5 نجوم: وبتشمل حوالي 9 فنادق عالمية (زي Address وVida) بإجمالي 3,300 غرفة.
• ملعب جولف: وفيه 18 حفرة بتصميم عالمي.
• مولات ومناطق تجارية: بتضم أشهر البراندات العالمية.
• مطاعم وكافيهات.
• خدمات طبية: بتشمل مستشفيات وعيادات متكاملة.
• مدارس وحضانات: في بعض مراحل المشروع.
• مناطق ترفيه: زي أكوا بارك، Kids Area، سينمات.
• نوادي رياضية: زي التنس وكرة القدم وجيم وسبا.
• مسارات مشي ودراجات: وسط مساحات خضراء ضخمة.

طب ليه تستثمر في مراسي الساحل الشمالي؟

مراسي من أكتر المشاريع اللي بتوفر عائد إيجاري عالي في مصر، خصوصاً في موسم الصيف، وده لأن الشاليه ممكن يتأجر بحوالي 12,000 جنيه في اليوم، ولو اتأجر 60 يوم بس خلال الموسم هيحقق حوالي 720,000 جنيه سنوياً، ده غير إن قيمة العقار نفسها بتزيد بشكل مستمر مع الوقت بسبب الطلب العالي والمستوى العالمي للمشروع، يعني ببساطة مراسي مش بس مكان تقضي فيه صيفك — دي أصل استثماري قوي بيكبر كل سنة.

الطقس والشواطئ في سيدي عبد الرحمن

1- الطقس

سيدي عبد الرحمن بتتميز بمناخ متوسطي معتدل بيخليها وجهة مناسبة طول السنة، ومن أهم أسباب جاذبيتها:

• الصيف (مايو – سبتمبر): حار ومشمس، ودرجات الحرارة بتتراوح بين 27 لـ35 درجة مئوية، مع نسمات بحر بتخلي الجو ألطف خصوصاً بالليل
• الربيع والخريف: وده أفضل وقت للزيارة، لأن الجو بيكون معتدل من غير حر شديد أو برد
• الشتاء: بيكون هادي وبارد نسبياً، ومناسب للاسترخاء والطبيعة بتكون في أحلى حالاتها.

2- الشواطئ

شواطئ سيدي عبد الرحمن بتعتبر من أجمل شواطئ البحر المتوسط كله، وده بسبب طبيعتها المميزة وفيها:

• المياه: فيروزية صافية بشكل واضح ونادرة في مناطق كتير.
• الرمال: بيضاء وناعمة جداً.
• الخليج الطبيعي: بيحمي المنطقة من الأمواج العالية، فالبحر غالباً هادي وآمن.
• التنوع: هتلاقي في شواطئ خاصة بكل مشروع، وكل واحد ليه طابع مختلف.
• النظافة: مستوى عالي جداً خصوصاً في القرى السياحية الكبيرة.

المواصلات في سيدي عبد الرحمن

الوصول لسيدي عبد الرحمن بقى أسهل بكتير عن زمان، سواء بعربيتك أو بوسائل تانية، وده بسبب تطوير الطرق والبنية التحتية في الساحل الشمالي فلو:

• بالسيارة: الطريق الأساسي هيكون الطريق الدولي الساحلي (إسكندرية–مطروح) أو طريق وادي النطرون–العلمين، وده أسرع طريق جاي من القاهرة وبيوفر وقت كبير.
• بالقطار والمواصلات العامة: مفيش قطار مباشر لحد سيدي عبد الرحمن، وممكن تنزل إسكندرية بالقطار، وبعدها تركب ميكروباص أو تاكسي للساحل، كمان في سرفيسات من القاهرة للساحل الشمالي، لكنها بتاخد وقت أطول.

بشكل عام، العربية الخاصة لحد دلوقتي هي أسهل وأسرع وسيلة للوصول، لكن مع التطويرات الجاية، التنقل هيبقى أسهل وأسرع أكتر.

الخدمات في سيدي عبد الرحمن

سيدي عبد الرحمن مش مجرد شواطئ… دي منطقة متكاملة فيها كل الخدمات اللي تخليك تعيش أو تصيّف براحة تامة، وده بفضل المشاريع الكبيرة اللي طورت مستوى الحياة فيها بشكل واضح، ودي أهم الخدمات الموجودة في المنطقة: 

1- الخدمات الأساسية

• أمن وحراسة: متوفرين 24 ساعة بكاميرات مراقبة وأنظمة أمان حديثة.
• بنية تحتية قوية: متمثلة في شبكة مياه وكهرباء وصرف صحي متطورة.
• طرق داخلية: مرصوفة ومنظمة داخل كل القرى.
• رعاية طبية: هتلاقي عيادات وإسعاف داخل المشاريع + قربها من مستشفى العلمين.
• سوبر ماركت وهايبر ماركت: موجودين في المشاريع الكبيرة زي مراسي وأمواج.
• صيدليات وماكينات ATM: متوفرة في المولات والمناطق التجارية.

2- الخدمات الترفيهية والشاطئية

• Beach Clubs: زي Kiki’s وBayside وGrip ومطاعم راقية + حفلات على البحر.
• شواطئ خاصة: هتلاقي لكل قرية شاطئ بطابع مختلف.
• حمامات سباحة: متنوعة لكل الأعمار.
• أكوا بارك: في بعض المشاريع المناسبة للعائلات.
• رياضات مائية: زي Kitesurfing والتجديف، وركوب الأمواج خصوصاً في مناطق زي بيانكي ومسايا.
• بحيرات صناعية (Lagoons): زي كريستال لاجونز للسباحة بخصوصية أعلى.

2- التسوق والمطاعم (Commercial Hubs)

• مراسي مارينا: وده أكبر مركز تجاري وفيه ممشى سياحي وبراندات عالمية ومطاعم.
• مولات مفتوحة: زي O Mall وThe Rift وStrip Mall.
• مطاعم وكافيهات: على البحر مباشرة بتجارب متنوعة.

3- الخدمات الفندقية والصحية

• فنادق عالمية: زي The Address وNovotel وAlamein Hotel.
• خدمات فندقية: زي Housekeeping وRoom Service في بعض المشاريع.
• خدمات طبية متكاملة: داخل القرى + خدمات إسعاف مجهزة.

4- الخدمات الرياضية واللوجستية

• ملاعب رياضية: زي ملاعب الجولف (في مراسي)، والبادل، وكرة القدم والتنس.
• نوادي وجيم وسبا: بمستوى فندقي.
• مسارات مشي ودراجات: وسط مساحات خضراء.
• إنترنت سريع: متوفر في معظم القرى الحديثة.
• صيانة دورية: وخدمات إدارة للوحدات.

الفنادق في سيدي عبد الرحمن

سيدي عبد الرحمن بقيت واحدة من أهم وجهات الإقامة الفندقية الفاخرة في الساحل الشمالي، وده بسبب وجود مجموعة كبيرة من الفنادق العالمية والـ Boutique Hotels اللي بتقدم تجارب مختلفة تناسب كل الأذواق، ودي أشهر الفنادق الموجودة في المنطقة:

1- فنادق مراسي (Emaar)

• فندق العلمين (Alamein Hotel): من أقدم وأشهر فنادق الساحل، وبيقع مباشرة على البحر في الكيلو 129، وبيجمع بين التاريخ والفخامة.
• Address Beach Resort Marassi: وهو فندق 5 نجوم على البحر، وبيقدم خدمات متكاملة + Pool + Spa + مستوى عالي جداً من الرفاهية.
• Address Marassi Golf Resort: وده مميز بالإطلالة المباشرة على ملاعب الجولف، ومناسب للهدوء والاسترخاء.
• Vida Marina Resort Marassi: في قلب المارينا، ومثالي لمحبي اليخوت والمشي والمطاعم.
• Marassi Boutique Hotels: ودي فنادق صغيرة زي Marina 1 وBlanca، وبتوفرلك خصوصية أعلى وتجربة مختلفة.

2- فنادق هاسيندا باي

• Le Sidi Boutique Hotel: وده فندق مميز بطابع فني مستوحى من التراث المصري.
• Luxury Villas Hacienda Bay: ودي فيلات فندقية فاخرة بحمامات سباحة خاصة، ومناسبة للإقامة العائلية الراقية.

3- فنادق سي شيل وغزالة

• THE G Hotel Seashell: وده فندق 5 نجوم بتصميم Boho-Chic، وموجود في الكيلو 134 وشاطئه مميز.
• Ghazala Resort & Spa: وده منتجع يوفر سبا وخدمات صحية + إطلالات بحرية.

4- فنادق آخرى داخل سيدي عبد الرحمن

• Aura Resort: موجود في الكيلو 138، ومناسب للعائلات.
• Mirage Hotel: ودي مجموعة شاليهات فندقية بإطلالات مباشرة على الخليج.
• X-Eastern Resort & Spa: وموجود داخل مرسيليا بيتش، وفيه غرف بحمامات سباحة خاصة.
• Beitna Family Motel: ودي خيار اقتصادي ومناسب للإقامة البسيطة.

أماكن الخروج والترفيه في سيدي عبد الرحمن

سيدي عبد الرحمن من أكتر مناطق الساحل اللي فيها حياة وخروجات متنوعة تناسب كل الأذواق، من الأماكن الهادية للكافيهات الراقية لحد السهرات والـ Beach Clubs، فسواء خارج مع أصحابك أو عيلة، هتلاقي دايماً مكان مناسب ليك، ودي أشهر أماكن الخروج: 

• مراسي مارينا.
• The Rift (بلاج).
• O Mall.
• Kiki’s Beach.
• Bayside.
• Grip.
• ستيلا ووك.
• الشواطئ الخاصة في القرى.
• المطاعم والكافيهات على البحر.

مميزات سيدي عبد الرحمن

• جودة الشواطئ: مياه خليج سيدي عبد الرحمن من أنقى وأجمل مياه الساحل المصري.
• تنوع الوحدات: من شاليهات اقتصادية لحد فيلات فاخرة.
• بنية تحتية قوية: وبتشمل طرق وكهرباء ومياه، وصرف صحي بمستوى حديث.
• قربها من العلمين الجديدة: اللي بيزود من قيمة المنطقة وخدماتها.
• وجود مطورين كبار: زي إعمار وبالم هيلز وماونتن فيو وسيراك وغيرهم.
• عائد إيجاري مرتفع: الإيجارات في الموسم من الأعلى في الساحل، وممكن توصل في مراسي من 8,000 لـ12,000 جنيه في اليوم.

ليه تستثمر في سيدي عبد الرحمن؟

• الموقع الاستراتيجي: المنطقة بتقع في قلب الساحل الشمالي وقريبة من العلمين الجديدة ومطار العلمين الدولي، وكمان متصلة بمحاور وطرق رئيسية زي طريق الساحل الدولي وطريق وادي النطرون، وده بيخلي الوصول ليها سهل من القاهرة والإسكندرية، وبالتالي بيزود الطلب عليها طول السنة مش بس في الصيف.
• نمو المنطقة والعائد المستقبلي: سيدي عبد الرحمن مش منطقة مستقرة بس، دي منطقة في مرحلة نمو سريع، ووجود مشروعات عملاقة حوالينها زي مراسي، سي شيل، هاسيندا، ومع توسع مدينة العلمين الجديدة، بيخلي قيمة الأرض والعقارات في ارتفاع مستمر، وده معناه إن الاستثمار فيها بيعتمد على نمو حقيقي في القيمة مش مجرد طلب موسمي.
• العائد الإيجاري القوي: الموسم السياحي في المنطقة بيشهد طلب عالي جداً على الإيجارات، وده بيخلي العائد في فترة الصيف من أعلى العوائد في الساحل الشمالي، كمان بعض الوحدات في المشاريع الفاخرة بتتأجر يومياً بأسعار مرتفعة جداً مقارنة بمناطق تانية، وده بيخلق مصدر دخل موسمي قوي للمستثمر.
• تنوع الفرص الاستثمارية: المنطقة فيها كل أنواع الوحدات العقارية، من شاليهات اقتصادية لحد فيلات فاخرة على البحر مباشرة، وده بيخلي الدخول للاستثمار مناسب لشرائح مختلفة سواء بمبالغ متوسطة أو استثمارات كبيرة، وكمان بيدي مرونة في إعادة البيع أو التأجير.
• قوة المطورين وثقة السوق: وجود شركات كبيرة زي إعمار، بالم هيلز، ماونتن فيو، وسيراك، بيخلق حالة ثقة في السوق، لأن المشاريع دي عادة بتكون ذات جودة عالية وإقبال قوي، وده بيحافظ على قيمة العقار ويقلل من مخاطر الاستثمار.
• تحول المنطقة لمدينة متكاملة: المنطقة مش بتعتمد على المصايف بس، لكن بتتحول تدريجياً لمدينة ساحلية متكاملة فيها خدمات، مولات، فنادق، ومستشفيات، وده بيزود من استدامة الاستثمار ويخليه مش موسمي على المدى الطويل.

المطورون العقاريون الكبار في سيدي عبد الرحمن

1- ماونتن فيو للتطوير العقاري

ماونتن فيو شركة مصرية تأسست سنة 2005 على يد المهندس عمرو سليمان، وهب واحدة من أكبر الشركات اللي ركزت على فكرة المجتمعات السكنية المتكاملة في مصر، وبتتميز دايماً بالتصميمات الحديثة والمساحات المفتوحة والخدمات المتكاملة.

وأبرز أعمالها ماونتن فيو هايد بارك، وماونتن فيو أي سيتي، وماونتن فيو أكتوبر، وعدد كبير من المشاريع الساحلية، كمان ليها مشروعات في سيدي عبد الرحمن زي بلاج (Plage) وكريستا (Crysta).

2- بالم هيلز للتطوير العقاري

ودي واحدة من أكبر الشركات المصرية في مجال التطوير العقاري، المتخصصة في إنشاء مجتمعات راقية متكاملة سواء في القاهرة أو الساحل الشمالي، وبتركز على جودة الحياة والمساحات الخضراء والتخطيط العمراني المتطور.

وأبرز أعمالها بالم هيلز القاهرة الجديدة، وبالم هيلز 6 أكتوبر، وهاسيندا باي، وهاسيندا وايت، وهاسيندا ويست، كمان ليها مشاريع في سيدي عبد الرحمن زي هاسيندا باي وهاسيندا وايت.

3- سيراك للتطوير العقاري

سيراك هي شركة مصرية إماراتية بتركز على المشاريع الساحلية الفاخرة والتصميمات العصرية، ومعروفة بالاهتمام بالتفاصيل وجودة التنفيذ، وبتقدم منتجات تناسب شرائح مختلفة من العملاء.

والشركة نفذت مشاريع ستيلا ووك التجارية، ومشروعات سكنية وساحلية متنوعة، بالإضافة إلى شماسي والورا (Alura) وامتدادات ستيلا هايتس في سيدي عبد الرحمن.

4- إعمار مصر للتطوير العقاري

دي واحدة من أكبر شركات التطوير العقاري في العالم، وتابعة لمجموعة إعمار الإماراتية صاحبة برج خليفة ودبي مول، ودخولها السوق المصري رفع مستوى المشاريع الساحلية لمعايير عالمية.

ومن أبرز أعمالها برج خليفة، وداون تاون دبي، ودبي مارينا، وعدد ضخم من المشاريع العالمية، كمان نفذت مشاريع في سيدي عبد الرحمن زي مراسي (Marassi) وهو أكبر وأشهر مشروع سياحي في مصر.

سيدي عبد الرحمن واحدة من أقوى مناطق الاستثمار والسياحة في مصر حالياً، والمنطقة أسعارها في صعود مستمر، والطلب عليها بيزيد كل موسم، ووجود مطورين كبار بيأكد إنها مش مجرد مرحلة مؤقتة لكن منطقة مستقبلها طويل المدى.

ولو بتفكر في شراء أو استثمار، فالتوقيت الحالي يعتبر من أفضل الأوقات قبل أي زيادات جديدة في الأسعار خلال السنين الجاية، والأهم من الاستثمار نفسه إنك بتشتري تجربة حياة كاملة على البحر الأبيض المتوسط، في مكان بيجمع بين الرفاهية والخدمات والطبيعة في نفس الوقت.

ولو حابب تستفسر عن مشروعات سيدي عبد الرحمن وتعرف المناسب ليك وأنواع الوحدات والأسعار، يبقى لازم تتواصل مع فريقنا في سيفا بروبريتز، وهنساعدك تحدد المناسب ليك ولميزانيتك.