لو قررت تشتري مصيف من سوديك SODIC في الساحل الشمالي، هتلاقي قدامك 3 مشاريع كلهم في رأس الحكمة: جون June وأوجامي Ogami وسيزر Caesar. المشاريع التلاتة من نفس المطور وفي نفس الخليج تقريبًا، بس كل واحد فيهم مختلف في السعر والمقدم وحالة التنفيذ ونوع الوحدات.
في المقال ده هنقارن بين مشاريع سوديك في الساحل الشمالي بالأرقام المتاحة من المطور، عشان تعرف أنهي فيهم يناسب ميزانيتك وهدفك.
مشاريع سوديك الساحل الشمالي بالأرقام
| المعيار | جون | أوجامي | سيزر |
|---|---|---|---|
| الموقع | كيلو 194 | كيلو 205 | كيلو 202 |
| المساحة | 280 فدان | 440 فدان | 280 فدان |
| يبدأ من | 25.2 مليون | 18.8 مليون | 27.5 مليون |
| أقل مقدم | 3% | 5% | 5% |
| أطول تقسيط | 10 سنين | 8 سنين | 8 سنين |
| الحالة | تسليم من 2025 | تحت التنفيذ | تسليم من 2018 |
الأرقام دي حسب المتاح من المطور في أكتوبر 2026.
جون سوديك June: مشروع شغال بأقل مقدم
جون سوديك اتطرح في 2021 على حوالي 280 فدان، وبدأ تسليمه في صيف 2025 قبل الميعاد، وفيه بيتش كلوب ومطاعم شغالة وفندق Tribute Portfolio من ماريوت متوقع في 2029.
أوجامي سوديك Ogami: أقل سعر دخول ونوبو
أوجامي سوديك اتطرح في سبتمبر 2024 على 440 فدان، والماستر بلان من DLR Group وكسب جايزة Master Plan of the Year سنة 2025، وفيه أول مطعم نوبو في مصر، وفندق نوبو جزء من المشروع.
- المتاح: شاليهات في بوتانيكا تاون وووتر شاليه، وشقق وفيلات في بلوم ايلاند، وتاون هاوس وتوين هاوس وفيلات.
- السداد: 5% مقدم، والأقساط بتغطي 90% على 7 سنين أو 92% إلى 93% على 8 سنين حسب الوحدة، والنسبة الباقية ميعادها بيتحدد مع المطور.
- مناسب لـ: اللي ميزانيته أقل أو بيدور على براند عالمي جوه المشروع، ومستعد يستنى الاستلام لـ 2029 و2030.
سيزر سوديك Caesar: المشروع المتسلم والامتداد الجديد
سيزر سوديك أول مشروع ساحلي لسوديك، اتطرح في 2015 واتسلم من 2018، وخدماته شغالة (كلوب هاوس وMatcha وبحيرات وشاطئ 1.2 كم). المتاح من المطور حاليًا في مرحلتي اكستنشن 1 واكستنشن 2.
- المتاح: شاليهات وتاون هاوس وتوين هاوس وفيلات في اكستنشن 2، وفيلات وتوين هاوس في اكستنشن 1.
- السداد: 5% مقدم، والأقساط بتغطي 90% على 7 سنين أو 92% إلى 93% على 8 سنين حسب الوحدة، والنسبة الباقية ميعادها بيتحدد مع المطور.
- مناسب لـ: اللي عايز يشتري جنب مجتمع قايم وخدمات شغالة، أو عايز فيلا كبيرة باستلام 2027.
مقارنة الأسعار حسب نوع الوحدة
| النوع | جون | أوجامي | سيزر |
|---|---|---|---|
| شاليه | 30.8 مليون | 18.8 مليون | 27.5 مليون |
| تاون هاوس | غير متاح | 34.0 مليون | 37.6 مليون |
| توين هاوس | 54.3 مليون | 51.3 مليون | 43.0 مليون |
| فيلا | غير متاح | 49.0 مليون | 46.1 مليون |
دي أقل أسعار متاحة من المطور لكل نوع، والتفاصيل حسب المساحة والمرحلة في أسعار مشاريع سوديك الساحل الشمالي لكل مرحلة.
مقارنة الاستلام
- سيزر: المشروع الأصلي متسلم، واكستنشن 1 فيه وحدات استلامها يونيو 2027 و2028، واكستنشن 2 استلامه 2030.
- جون: بيرل استلامه 2026 و2027، وأكوامارين 2028 و2029.
- أوجامي: أغلب الوحدات المتاحة 2029 و2030.
ولو لسه محتار بين الاستلام القريب والتقسيط الأطول، اقرأ التسليم الفوري ولا الأوف بلان.
تختار أنهي مشروع؟
- ميزانية أقل من 20 مليون: أوجامي (بوتانيكا تاون).
- أقل مقدم: جون (أكوامارين 3%).
- استلام قريب: بيرل في جون أو اكستنشن 1 في سيزر.
- فيلا جنب خدمات شغالة: سيزر.
- وحدة مفروشة بإدارة فندقية: منطقة نوبو في أوجامي.
وقبل ما تحسم، احسب التكلفة الكاملة مش السعر بس من التكلفة الكاملة لشاليه في سوديك الساحل، ولو بتشتري للاستثمار جرب حاسبة العائد على الاستثمار العقاري.
أسئلة شائعة
سوديك عندها كام مشروع في الساحل الشمالي؟
3 مشاريع في رأس الحكمة: جون June وأوجامي Ogami وسيزر Caesar.
أرخص مشروع لسوديك في الساحل؟
أوجامي، شاليهات بوتانيكا تاون بتبدأ من 18,843,300 جنيه.
أنهي مشروع اتسلم فعلًا؟
سيزر اتسلم من 2018، وجون بدأ تسليمه في صيف 2025، وأوجامي لسه تحت التنفيذ.
أنهي مشروع فيه أقل مقدم؟
جون، في أكوامارين المقدم 3% والتقسيط على 8 سنين.
المشاريع التلاتة قريبين من بعض؟
أيوه، كلهم في رأس الحكمة: جون عند الكيلو 194، وسيزر عند الكيلو 202، وأوجامي عند الكيلو 205.
محتاج حد يساعدك تختار؟
فريق سيفا بيشتغل على المشاريع التلاتة ويقدر يقارنلك الوحدات المتاحة من المطور بالسعر والإطلالة والاستلام. كلمنا.
