لما تحسب تكلفة شراء وتشطيب شقة في One Hyde Park أهم حاجة ما تعتمدشي على سعر الوحدة المعلن فقط، لإن السعر اللي ظاهر في الإعلان ممكن يكون رقم معين، لكن التكلفة الفعلية هتزيد مع الصيانة، التشطيب، رسوم النادي، ورسوم الجراج أو رسوم قانونية منفصلة.
والأهم من كده إن طريقة السداد نفسها بتفرق في توقيت خروج السيولة من إيدك وبالتالي بتأثر على تكلفة الفرصة البديلة خلال فترة الانتظار.
عشان نحسب تكلفة شراء وتشطيب شقى في وان هايد بارك حساب يكون واضح، هنستخدم مثال حقيقي لوحدة 73 متر بسعر 5.9 مليون جنيه في One Hyde Park بمقدم 5% وتقسيط يصل إلى 10 سنوات.
كم تبلغ تكلفة المقدم وقيمة القسط شهرياً؟
السعر المعلن للوحدة اللي هنستخدمها في المثال هو 5,900,000 جنيه، وده السعر الأساسي للوحدة قبل إضافة باقي المصروفات.
وفي أحد أنظمة السداد الحالية الخطة كالتالي: 5% مقدم + 5% بعد 3 أشهر + باقي المبلغ على 10 سنوات.
بالنسبة لوحدة سعرها 5.9 مليون:
- المقدم الأول = 5,900,000 × 5% = 295,000 جنيه.
- الدفعة الثانية: 295,000 جنيه.
- إجمالي المقدم خلال أول 3 أشهر: 590,000 جنيه.
- الباقي من ثمن الوحدة: 5,900,000 – 590,000 = 5,310,000 جنيه.
هتدفع أد إيه قسط شهرياً؟
لو الـ5.31 مليون جنيه المتبقية اتقسمت بالتساوي على 10 سنوات، إذاً القسط الشهري للوحدة داخل هايد بارك: 5,310,000 ÷ 120 = 44,250 جنيه شهرياً.
كام هتكون دفعت لحد الاستلام؟
نفترض إن التسليم بعد 4 سنوات وإن الأقساط الشهرية تبدأ بعد الدفعة الثانية، يبقى من الشهر الرابع لحد الشهر 48 عندك 45 قسط: 45 × 44,250 = 1,991,250 جنيه.
وبإضافة المقدم والدفعة الثانية: 1,991,250 + 590,000 = 2,581,250 جنيه.
إذاً حتى موعد الاستلام تكون دفعت فعلياً حوالي 2.581 مليون جنيه.
لكن لسة هيتبقى عليك من ثمن الوحدة: 5,310,000 – 1,991,250 = 3,318,750 جنيه.
مصاريف صيانة وعضوية نادي إلزامية
مصاريف الصيانة في مشروع One Hyde Park تبلغ 7%. يعني حوالي 413,000 جنيه. وده مبلغ لازم يتحط في الميزانية وتعمل حسابه من البداية مش بعد الشراء.
وفي وان هايد بارك التجمع الخامس تبلغ قيمة عضوية النادي الإلزامية 450 ألف جنيه.
تكلفة تشطيب وحدة في وان هايد بارك Core & Shell
ودي أهم تكلفة بعد سعر الوحدة نفسه. الوحدة معروضة Core & Shell، وبالتالي الـ5.9 مليون مش معناها إن الشقة جاهزة للسكن.
وتقديرات السوق المصرية بتضع تكلفة التشطيب حسب المستوى تقريباً في نطاق 7,500 إلى 12,000 جنيه للمتر للمستويات الأعلى من التشطيب، مع اختلاف كبير حسب الخامات والتجهيزات وإذا كان السعر يشمل المطبخ والتكييفات والنجارة والأجهزة أم لا.
لو استخدمنا نطاق 8,000 إلى 12,000 جنيه للمتر لشقة 73 متر:
الحد الأدنى لتكلفة تشطيب الشقة: 73 × 8,000 = 584,000 جنيه.
الحد الأعلى لتكلفة تشطيب الشقة: 73 × 12,000 = 876,000 جنيه.
إذاً تقدير تكلفة تشطيب شقة في One Hyde Park تتراوح من 584 ألف إلى 876 ألف جنيه..
وده تقدير استرشادي مش عرض سعر نهائي، وممكن يزيد لو اخترت خامات فاخرة أو مطبخ وتكييفات ونجارة مخصصة.
التكلفة الكاملة لوحدة في مشروع One Hyde Park New Cairo بالتشطيب
لو هنجمع البنود اللي نقدر نحسبها في شراء شقة في وان هايد بارك يبقى:
- سعر الوحدة: 5,900,000 جنيه
الصيانة 7%: 413,000 جنيه
اشتراك إلزامي في النادي: 450,000 جنيه
التشطيب: 584,000 إلى 876,000 جنيه
مع إمكانية إضافة 3000 – 4000 جنيه رسوم تسجيل للوحدة في الشهر العقاري.
إذاً التكلفة للوحدة بعد الصيانة والنادي والتشطيب تقريباً هي من من 7.35 إلى 7.64 مليون جنيه.
وده قبل إضافة رسوم التسجيل في الشهر العقاري التي تبلغ من 3000 – 4000 جنيه أو أي رسوم أخرى إن وُجدت.
لو محتار بين أكتر من مشروع، فريق SIVA هيساعدك تقارن الاختيارات المتاحة من حيث الموقع والمساحة والسعر ونظام السداد، عشان توصل للوحدة الأنسب لإمكانياتك. كلمنا دلوقتي!
