إذا كنا بنتكلم عن الشركات اللي ليها بصمة واضحة في السوق العقاري المصري، فصعب تتجاهل اسم Orascom Development Egypt – أوراسكوم للتطوير العقاري. الفكرة الأساسية عند أوراسكوم بسيطة لكنها مش سهلة في التنفيذ: إن المشروع يفضل ناجح بعد البيع، مش بس وقت التسويق. وده اللي بيخلي مشاريعها ليها طابع مختلف عن كتير من المنافسين.
بداية الشركة وتطورها
أوراسكوم للتطوير العقاري جزء من مجموعة أوراسكوم القابضة Orascom Development) (Holding – الشركة الأم – ومقرها في سويسرا وبتشتغل في أكتر من دولة.
لكن الفرع المصري، Orascom Development Egypt، هو واحد من أهم أذرعها. واللي أسسها رجل الأعمال سميح ساويرس. البداية كانت بفكرة تطوير وجهات سياحية ومع الوقت الفكرة اتطورت لتشمل مدن متكاملة فيها سكن وسياحة وخدمات.
الشركة توسعت برة مصروده خلاها تكتسب خبرة دولية حقيقية. اشتغلت في أسواق زي سويسرا وعمان والإمارات، وده انعكس على طريقة التخطيط والتنفيذ في مشاريعها داخل مصر. لكن رغم الانتشار العالمي، السوق المصري فضل هو المحور الأساسي، خصوصًا في مناطق زي البحر الأحمر وغرب القاهرة.
فلسفة أوراسكوم للتنمية في التطوير
اللي بيميز أوراسكوم هو طريقة التفكير قبل التنفيذ. الشركة مش بتبدأ بالمباني، لكنها بتبدأ بنمط الحياة.
يعني لما تيجي تبص على أي مشروع ليها، هتلاقي إن الفكرة الأساسية هي إن السكان يلاقوا كل احتياجاتهم جوة المكان. مش بس شقق أو فيلات، لكن بيئة كاملة فيها تعليم، ترفيه، خدمات، وحتى فرص شغل.
المنطق ده بيخلي المشروع يعيش ويستمرمش يفضل مجرد مكان للسكن من غير روح.
مشاريع أوراسكوم للتطوير العقاري في مصر
أفضل طريقة تفهم بيها الشركة هي إنك تبص على مشاريعها على الأرض. مدينة El Gouna تعتبر النموذج الأشهر لأعمال أوراسكوم للتطوير العقاري. مدينة كاملة بكل عناصر الحياة فيها مدارس ومستشفيات ومارينا وفنادق، ونجحت إنها تكون مجتمع قائم بذاته.
وفي نفس الاتجاه، عندك Makadi Heights في الغردقة، اللي بيقدم تجربة فريدة على ارتفاعات بتوفر مشاهد بانورامية للبحر بطابع مختلف يناسب السكن والسياحة في نفس الوقت.
في غرب القاهرة، مشروع O West في 6 أكتوبر بيعتبر امتداد طبيعي لفلسفة الشركة، لكن في سياق سكني حضري. المشروع معمول كمدينة صغيرة، فيها خدمات تعليمية وتجارية ورياضية، مش مجرد وحدات سكنية.
أما Taba Heights فهو من أقدم مشاريع الشركة، موجود في طابا على خليج العقبة، وبيعكس خبرتها في تطوير الوجهات السياحية على مستوى كبير.
طريقة اختيار المشاريع والشغل في أوراسكوم
طريقة تنفيذ المشاريع عند أوراسكوم ليها طابع خاص. الشركة بتميل لاختيار مواقع فيها فرصة نمو، مش مناطق مكتملة بالفعل. ده بيخلي قيمة المشروع تزيد مع الوقت لكن في نفس الوقت بيحتاج صبر.
كمان المشاريع بتتطور على مراحل طويلة، وده بيدي فرصة لضبط الجودة وتطوير الخدمات بشكل تدريجي. الفكرة هنا إن المشروع مش بيتبني مرة واحدة وينتهي لكنه بيكبر مع الوقت. ميزة تانية مهمة إن الشركة مش معتمدة بس على بيع الوحدات. عندها مصادر دخل تانية زي الفنادق والخدمات، وده بيساعد في استمرارية المشروع بعد التسليم.
الأسعار وأنظمة السداد
أوراسكوم عادة بتكون في شريحة سعرية متوسطة إلى مرتفعة نسبياً. السعر هنا مش مبني بس على الوحدة لكن على جودة المشروع بالكامل.
أنظمة السداد غالباً مرنة، بمقدم يبدأ من نسب بسيطة (5%) وتقسيط لعدة سنوات (7-10 سنين)
الخلاصة
اوراسكوم للتطوير العقاري – Orascom Development Egypt بتفكر بشكل مختلف في المشاريع. بتبني مدن متكاملة وراقية، وبتخلق حياة مع المباني والوحدات. لو بتدور على استثمار طويل المدى، أو أسلوب حياة متكامل غالباً هتلاقي اللي بتدور عليه هنا.
لكن زي أي قرار عقاري، لازم توازن بين السعر، والقيمة، واحتياجك الحقيقي.
وإحنا في SIVA هنساعدك تلاقي وحدتك اللي تناسب ميزانيتك واحتياجك. كلمنا دلوقي!
