في الفترة الأخيرة انتشرت مشروعات كثيرة في غرب القاهرة، وبقى اختيار المطور العقاري نفسه أهم من اختيار المشروع، لأن في النهاية، اللي بيحدد قيمة استثمارك مش بس الموقع أو التصميم، لكن الشركة اللي وراه كمان.
شركة سنترادا للتطوير العقاري (Centrada Developments) بدأت تلفت الانتباه في مناطق زي أكتوبر والشيخ زايد، وده خلى ناس كتير تسأل عليها ويدوروا على تاريخها وحجم مشاريعها وهل فعلاً هتقدر تنفذ اللي بتوعد بيه ولا لا؟
وفي المقال ده، هنعرضلك صورة كاملة عن الشركة، بداية من نشأتها ومشروعاتها، لحد المميزات والنقاط اللي لازم تتحط في الاعتبار قبل أي قرار استثماري.
عن شركة سنترادا للتطوير العقاري
شركة سنترادا للتطوير العقاري مش من الشركات اللي ظهرت فجأة في السوق، لأنها امتداد لشركة أقدم وهي Omar Abdallah Developments (OAD)، واللي ليها خبرة بقالها أكتر من 20 سنة في المجال العقاري، سواء في مصر أو في بعض أسواق الخليج.
والخلفية دي مهمة، لأنك مش بتتعامل مع اسم جديد ولسه بيجرب، إنت بتتعامل مع كيان ليه تجارب سابقة وفاهم طبيعة السوق.
الشركة دي أسسها المهندس عمر عبد الله، وهو صاحب خبرة طويلة في اختيار مواقع المشاريع والتعامل مع مكاتب تصميم وتنفيذ كبيرة، وده بيبان في نوعية المشاريع اللي بيقدمها.
ليه اتسمت سنترادا؟
اسم سنترادا جه كخطوة لتقديم هوية جديدة للشركة بشكل عصري، والهوية دي بتعكس طريقة التفكير المختلفة للشركة في تطوير المشاريع.
الفكرة مش في تغيير اسم وخلاص، لكن في تقديم براند بيركز على التنوع في المشروعات واختيار مواقع ليها قيمة حقيقية على المدى الطويل، عشان كده الشركة ركزت من البداية على غرب القاهرة، خصوصاً مناطق زي 6 أكتوبر والشيخ زايد، واللي بقيت في الفترة الأخيرة من أكتر الأماكن اللي عليها طلب سواء للسكن أو الاستثمار.
خبرة أكتر من 20 سنة… معناها إيه على أرض الواقع؟
الرقم ده بيعكس الخبرة العملية الطويلة الشركة، وده بيظهر في كذا نقطة:
- الشركة اشتغلت على مشاريع حقيقية واتعاملت مع السوق بشكل مباشر، مش مجرد تخطيط على الورق.
- عندها علاقات قوية مع مكاتب استشارية وشركات تنفيذ وبنوك، وده بيسهل خطوات التطوير والتمويل.
- فاهمة طبيعة السوق في غرب القاهرة، وإمتى الطلب بيزيد أو يقل، وإزاي تختار التوقيت المناسب لطرح المشاريع.
يعني ببساطة الخبرة هنا معناها إن القرارات بتكون مبنية على تجربة سابقة وواقعية مش مجرد توقعات.
رؤية شركة سنترادا للتطوير العقاري
شركة سنترادا مش شغالة بفكرة ننفذ مشروع وخلاص، دي عندها طريقة تفكير معينة بتمشي عليها في كل مشروع، وبتركز على الحاجات دي:
1. الموقع قبل أي حاجة
الشركة بتركز جداً على اختيار المكان قبل ما يبدأوا أي مشروع، وبيبصوا على المنطقة حواليه عشان يشوفوا هل فيها حركة ولا لا؟ وهل قريبة من طرق رئيسية؟ وهل فيها خدمات؟
عشان كده أغلب مشاريعهم موجودة في أماكن حيوية وسهل الوصول لها، وده عامل مهم سواء للتشغيل أو الاستثمار.
2. تنوع الوحدات داخل المشروع
هتلاقي إن المشروع الواحد بيكون فيه أكتر من نوع نشاط سواء تجاري أو إداري أو طبي وأحياناً سكني.
الفكرة هنا إنها بتخلق مكان فيه حياة طول اليوم مش مجرد مول بيقفل بدري أو مبنى إداري فاضي بالليل، والتنوع ده بيزود الحركة وبالتالي بيخدم المستثمر بشكل مباشر.
3. تصميم له قيمة مش مجرد شكل
شركة سنترادا بتحاول تشتغل مع أسماء معروفة في التصميم، زي المعماري رائف فهمي في مشروع Kite Residence، وده بيفرق بشكل كبير، لأن التصميم مش بس بيكون شكله حلو، ده كمان بيكون مميز بطريقة توزيع المساحات الاحترافية وسهولة الحركة واستغلال المكان بشكل عملي.
نظرة تفصيلية عن مشاريع شركة سنترادا للتطوير العقاري
دلوقتي هنتكلم عن أهم المشروعات اللي قدمتها شركة سنترادا في غرب القاهرة:
1- مول سنترادا بلازا – 6 أكتوبر
مول سنترادا بلازا واحد من المشروعات التجارية والإدارية والطبية الموجودة في قلب مدينة 6 أكتوبر، تحديداً في ميدان جهينة، وهو من أكتر المناطق الحيوية في المدينة وقريب من هايبر وان ومحاور رئيسية بتخدم الحركة اليومية بشكل كبير.
المشروع بيمتد على مساحة حوالي 40,000 متر مربع، وده بيدي فرصة لتنوع كبير في الوحدات والخدمات جوه المول، كمان الموقع نفسه بيعتبر نقطة قوة كبيرة لأنه في منطقة فيها كثافة سكانية عالية وحركة مستمرة طول اليوم، وده بيخلي المشروع مش مجرد مول تقليدي لكنه مركز خدمات متكامل بيخدم منطقة كاملة حواليه.
أنواع الوحدات في المشروع
- وحدات تجارية: بتشمل محلات ومطاعم وكافيهات، وبتبدأ مساحاتها من 35 متر مربع وبتوصل لحد 215 متر مربع للوحدات الكبيرة.
- وحدات إدارية: بتبدأ مساحتها من 35 متر مربع وبتوصل لـ 110 متر مربع، ودي مساحة مناسبة جداً للمكاتب والشركات.
- وحدات طبية: مخصصة للعيادات بمساحات مرنة بتبدأ من 35 متر.
التصميم والخدمات في المشروع
- واجهات زجاجية حديثة بالكامل بتدي رؤية مفتوحة وحركة بصرية جذابة.
- مسطحات مائية ونوافير موزعة داخل المشروع لإضافة طابع راقي.
- نظام أمان متكامل وكاميرات مراقبة شغالة على مدار الساعة.
- مصاعد وسلالم كهربائية لتسهيل الحركة بين الأدوار.
- جراجات مخصصة للزوار وأصحاب الوحدات لتقليل الزحام.
مميزات المشروع
- موقع استراتيجي في ميدان جهينة: وده واحد من أعلى مناطق الحركة التجارية في 6 أكتوبر، وده بيضمن كثافة مرور عالية طول اليوم.
- تنوع النشاط داخل المشروع: لأن فيه تجاري وإداري وطبي في نفس المكان، وده بيخلق حركة مستمرة ومش بيخلي المشروع يعتمد على نشاط واحد بس.
- حجم المشروع الكبير: مساحة 40,000 متر ودي بتسمح بوجود خدمات ومساحات تشغيل متنوعة بدل التكدس.
- بيئة استثمارية جاهزة للتشغيل: لأن فيه خدمات محيطة وكثافة سكانية في المنطقة علطول، وده بيساعد على سرعة تشغيل الوحدات من أول فترة.
2- سنترادا هب الشيخ زايد – Centrada Hub Sheikh Zayed
مول سنترادا هب الشيخ زايد بيقع مباشرة على وصلة دهشور، وده بيخليه في نقطة ربط أساسية بين الشيخ زايد القديمة والجديدة، وبالقرب من مدخل زايد 5.
المشروع موقعه مميز لأنه محاط بعدد من الكمبوندات الراقية زي بريف وذا سبوت مول، وده بيرفع من الحركة اليومية حوالين المشروع.
كمان المساحة الإجمالية للمول حوالي 10,000 متر مربع، وده بيديله طابع بوتيك مول مش ضخم ومزدحم،. فكرة المول قائمة على إنه يخدم منطقة سكنية راقية بالفعل، مش منطقة لسه بتتكون.
أنواع الوحدات والمساحات
المشروع بيشمل وحدات تجارية وطبية وإدارية، ومساحتهم بتبدأ من 60 متر.
تصميم وخدمات المول
- تصميم معماري حديث بواجهات زجاجية تسمح بإضاءة طبيعية عالية.
- توزيع ذكي للمحلات يضمن رؤية واضحة وحركة داخلية سهلة.
- نظام أمن متكامل على مدار اليوم مع كاميرات مراقبة.
- مصاعد وسلالم كهربائية لسهولة الحركة داخل المول.
- جراجات منظمة لتقليل الزحام أمام المشروع.
مميزات المشروع من زاوية الاستثمار
- موقعه على وصلة دهشور بيوفر حركة مستمرة من سكان الشيخ زايد الجديدة والقديمة.
- وجوده وسط كمبوندات راقية بيضمن قاعدة عملاء قوية ومستقرة.
- حجم المول المتوسط بيقلل التكدس وبيزود فرصة نجاح النشاط التجاري.
- تنوع الوحدات بيخلي فيه فرص استثمار مختلفة (تجاري – إداري – طبي).
3- مول وسط البلد أكتوبر – West El Balad Mall October
يقع مول وسط البلد أكتوبر على المحور الرئيسي في منطقة ليلة القدر داخل مدينة 6 أكتوبر، وده بيخليه في قلب الحركة اليومية للمدينة.
المشروع بيضم وحدات تجارية وإدارية بتناسب أنشطة مختلفة سواء بيع، خدمات أو مكاتب، وموقعه في وسط منطقة سكنية نشطة بيضمن حركة مرور مستمرة طول اليوم، كمان بيخدم شريحة كبيرة من سكان المدينة بسبب سهولة الوصول ليه من أكتر من محور.
أنواع الوحدات والمساحات
- وحدة تجارية: مساحتها بتبدأ من 40 إلى 80 متر.
- وحدة إدارية: مساحتها بتبدأ من 35 إلى 70 متر.
التصميم والخدمات داخل المشروع
- تصميم واجهات حديثة بواجهة مفتوحة على الشارع الرئيسي لزيادة الظهور التجاري.
- توزيع داخلي يسهل الحركة داخل المول ويزود فرص الإقبال على الوحدات.
- نظام أمان وكاميرات مراقبة على مدار اليوم.
- مصاعد وسلالم كهربائية لتسهيل التنقل بين الأدوار.
- جراجات منظمة لتقليل الزحام أمام المشروع.
مميزات المشروع
- موقعه على محور رئيسي في قلب أكتوبر وده بيضمن حركة مرور دائمة.
- المشروع بيخدم منطقة سكنية كثيفة السكان، وده يرفع فرص الإيجار السريع.
- مناسب للمشروعات الصغيرة والمتوسطة بسبب تنوع المساحات.
- تكلفة الدخول فيه أقل مقارنة بمولات أكثر فخامة في نفس المنطقة.
4- مول سنترادا وان أكتوبر – Centrada One October Mall
مول سنترادا وان أكتوبر هو مشروع تجاري وإداري ضمن محفظة سنترادا في مدينة 6 أكتوبر، وبيستهدف رجال الأعمال وأصحاب المشروعات اللي بيدوروا على مقر إداري أو تجاري في موقع مميز داخل المدينة.
أنواع الوحدات والمساحات
- وحدات تجارية: مساحتها بتبدأ من 45 إلى 90 متر.
- وحدات إدارية: مساحتها بتبدأ من 40 إلى 85 متر.
التصميم والخدمات داخل المشروع
- تصميم إداري حديث مناسب للشركات ورواد الأعمال.
- مساحات مرنة قابلة للتقسيم حسب النشاط.
- أنظمة أمان وكاميرات مراقبة.
- مصاعد حديثة وسهولة حركة داخل المبنى.
مميزات المشروع استثمارياً
- مناسب للشركات الناشئة والمتوسطة.
- موقعه داخل مدينة نشطة تجارياً.
- تنوع الاستخدامات (تجاري + إداري) بيزود فرص التشغيل.
- تكلفة أقل مقارنة بالمراكز الإدارية الكبرى.
5- كمبوند بيلونج أكتوبر – Belong October
يقع كمبوند بيلونج على طريق الواحات داخل مدينة 6 أكتوبر، والمشروع مساحته حوالي 25 فدان مخصصة بالكامل لفلل سكنية، وبيستهدف فئة العائلات اللي بتدور على سكن راقٍ بعيد عن الزحام، لأنه بيقدم مجتمع سكني هادئ متكامل الخدمات.
أنواع الوحدات والمساحات
المشروع فيه فلل مستقلة مساحتها بتبدأ من من 237 إلى 310 متر.
التصميم والخدمات داخل المشروع
- مساحات خضراء كبيرة تغطي نسبة ضخمة من المشروع.
- بوابات إلكترونية ونظام أمني 24 ساعة.
- جراجات خاصة لكل فيلا.
- مناطق خدمات داخلية للتسوق اليومي.
- ممرات مشاة وتصميم يركز على الخصوصية.
مميزات المشروع استثمارياً
- فيلات بسعر أقل من مناطق التجمع المماثلة.
- موقع على طريق رئيسي يسهل الحركة.
- مجتمع سكني هادئ مناسب للعائلات.
- طلب إيجاري جيد للفيلات في 6 أكتوبر.
اقرأ أيضا عن: أشهر المطورين العقاريين في التجمع الخامس
6- كمبوند كايت ريزيدنس أكتوبر – Kite Residence October
كمبوند كايت ريزيدنس هو واحد من أكبر المشاريع السكنية لشركة سنترادا في مدينة 6 أكتوبر، وبيقع مباشرة على طريق الواحات أمام كمبوند O-West وقريب من مول العرب ومول مصر وجامعة MSA، كمان مساحة المشروع بتوصل لحوالي 50 فدان.
أنواع الوحدات والمساحات
- شقة غرفة واحدة بمساحات تبدأ من 77 إلى 100 متر.
- شقة غرفتين بمساحات تبدأ من 120 إلى 148 متر.
- شقة 3 غرف بمساحات تبدأ من 177 إلى 260 متر.
- روف فيلا بمساحات بتوصل ل 400 متر.
التصميم والخدمات داخل المشروع
- تصميم معماري حديث مع واجهات زجاجية.
- بحيرات صناعية ومساحات خضراء واسعة.
- نادي اجتماعي متكامل.
- حمامات سباحة متعددة.
- جيم ومناطق رياضية.
- مناطق ألعاب للأطفال.
- أمان 24 ساعة وبوابات إلكترونية.
مميزات المشروع استثمارياً
- موقعه أمام O-West وده بيرفع القيمة الاستثمارية.
- كثافة سكانية منخفضة وده معناه خصوصية أعلى.
- تنوع كبير في الوحدات عشان يناسب كل الشرائح.
- القرب من خدمات ومراكز تجارية ضخمة.
إيه اللي خلّى مشاريع سنترادا تحقق نجاح في السوق؟
نجاح سنترادا في السوق العقاري مش جاي من فكرة التسويق بس، ده مبني على شوية عوامل بتفرق فعلاً في قرار الشراء عند الناس والعوامل دي زي:
- اختيار مواقع بتشتغل مش مجرد أراضي: المشاريع هتلاقيها دايمًا موجودة في أماكن فيها حركة حقيقية، مش مناطق لسه بتتكوّن زي ميدان جهينة في أكتوبر أو وصلة دهشور في الشيخ زايد.
- تسهيلات في الدفع بتفتح باب دخول أكبر: الفكرة هنا إن الشركة بتقلل عائق الدخول قدام المشتري، فبدل ما يدفع مقدمات كبيرة، هيدفع نسبة بسيطة وهتتوزع على فترات طويلة، وده بيخلي شريحة أكبر تقدر تستثمر من غير ضغط.
- تنوع في نوع المشاريع داخل نفس الشركة: لأنها عندها مولات تجارية ومشاريع إدارية وكمبوندات سكنية، والتنوع ده بيخلق توازن في محفظة مشاريعها.
- شغل معماري محسوب مش عشوائي: الشركة بتتعاون مع أسماء معمارية معروفة زي رائف فهمي بيفرق في النتيجة النهائية، لأن التصميم هنا مش شكل بس، ده توزيع مساحات وحركة داخل المشروع وإحساس عام بالراحة والعملية.
- امتداد خبرة شركة OAD: سنترادا مش اسم جديد تماماً في السوق، دي امتداد لخبرة طويلة من شركة عمر عبد الله للتطوير العقاري، والخبرة دي بتظهر في فهم السوق واختيار المواقع وطريقة تنفيذ المشروعات، وده بيبني ثقة عند شريحة كبيرة من المشترين اللي بيدوروا على اسم له تاريخ.
العائد الإيجاري في مشاريع سنترادا… الصورة الواقعية للسوق
خلينا نتفق من الأول إن العائد الإيجاري مش رقم ثابت أو مضمون، ده تقدير مبني على حركة السوق والموقع وإدارة المشروع، ودلوقتي هنوضحلك الصورة بشكل قريب من الواقع في غرب القاهرة ومشاريع سنترادا:
1- الوحدات التجارية
في المشروعات التجارية اللي على محاور زي ميدان جهينة أو وصلة دهشور، هتلاقي إن العائد الإيجاري غالباً بيكون في حدود 8% إلى 12% سنوياً من قيمة الوحدة.
يعني لو الوحدة التجارية قيمتها حوالي 8 مليون جنيه، ممكن تحقق دخل إيجاري بيتراوح بين 70,000 إلى 100,000 جنيه شهرياً حسب الموقع داخل المول ومستوى التشطيب.
2- الوحدات السكنية
في مشاريع زي كايت ريزيدنس، هتلاقي إن لو الشقة مساحتها 120 متر في منطقة قريبة من O-West ممكن تحقق دخل إيجاري بيتراوح بين 15,000 إلى 22,000 جنيه شهرياً حسب التشطيب والموقع داخل الكمبوند.
وده معناه إن العائد السنوي التقريبي هيتراوح بين 180,000 إلى 264,000 جنيه، يعني بنسبة تقريبية حوالي 6% إلى 9% سنوياً لو الشراء كان في مرحلة مبكرة.
3- الفلل
الفلل في منطقة زي طريق الواحات أو 6 أكتوبر بشكل عام بتكون مطلوبة جداً، خصوصاً من العائلات.
ولو الفيلا مساحتها 237 متر ممكن يوصل إيجارها الشهري من 35,000 إلى 55,000 جنيه حسب التشطيب والموقع والخدمات داخل المشروع.
خلي بالك إن كل الأرقام دي مش ثابتة، لكنها متوسطات مبنية على السوق الحالي في غرب القاهرة، والعائد الفعلي بيختلف حسب توقيت استلام المشروع وجودة التشطيب النهائي وإدارة المشروع أو المول ومستوى الإقبال في المنطقة وقت التشغيل.
نقاط لازم تحطها في حسابك قبل قرار الشراء
في شوية تفاصيل لازم تعرفها ما تاخد قرارك بشراء أي وحدة زي:
1- احتمالية تأخير التسليم
سنترادا أعلنت إن بعض المشروعات زي هب زايد متوقع تسليمها في 2026، وده معناه إن المشروع لسه في مرحلة التنفيذ وقت الشراء، كمان لازم تعرف إن في السوق العقاري المصري بشكل عام، التأخير وارد حتى مع الشركات الكبيرة، وعلشان كده مهم تسأل عن:
- نسبة الإنجاز الحالية على أرض الواقع.
- الجدول الزمني المكتوب في العقد.
- وجود أي بند تعويض في حالة التأخير.
2- الاستثمار في مرحلة الإنشاء يعني تجميد جزء من السيولة
لما بتشتري وحدة تحت الإنشاء، الفلوس بتكون مرتبطة بالمشروع لحد الاستلام، وده معناه إن الاستثمار هنا مش مناسب للي محتاج سيولة سريعة أو عائد فوري.
3- تأثير تغيرات السوق والتكاليف
السوق العقاري في مصر بيتأثر بسرعة بتغيرات الأسعار والتضخم، وبيظهر ده في ارتفاع تكلفة مواد البناء أو تغيرات العملة، وده بيأثر بشكل غير مباشر على بعض تفاصيل التنفيذ أو الجدول الزمني.
4- مراجعة العقد خطوة أساسية
لازم تعمل الخطوات دي قبل التوقيع لأنها مهمة جداً:
- مراجعة العقد مع محامي متخصص في العقارات.
- التأكد من بيانات الشركة المطورة بشكل رسمي.
- فهم كل بنود الإلغاء والاسترداد.
- التأكد من وضع الأرض والتراخيص بشكل قانوني واضح.
مميزات سنترادا للتطوير العقاري
- خبرة كبيرة ممتدة من الشركة الأم: الشركة جاية من امتداد مجموعة OAD اللي عندها أكتر من 20 سنة خبرة في السوق المصري والخليجي، وده بيظهر في فهمها لطبيعة السوق واختيارها للمواقع.
- اختيار مواقع بعناية: أغلب المشاريع موجودة على محاور رئيسية أو مناطق بتشهد نمو سريع، وده بيزود فرص القيمة المستقبلية.
- مرونة في أنظمة السداد: أنظمة الدفع بتبدأ من مقدم بسيط (0% إلى 5%) مع فترات تقسيط طويلة ممكن توصل لـ 10 سنوات، وده بيسهل الدخول لفئات مختلفة.
- تنوع في نوع المشروعات: الشركة مش مركزة على نوع واحد، دي بتقدم سكني وتجاري وإداري وطبي، وده بيخلق توازن في محفظة مشاريعها.
عيوب سنترادا للتطوير العقاري
- سنترادا كعلامة مستقلة لسه حديثة: رغم قوة الشركة الأم، لكن شركة سنترادا كـ Brand مستقل لسه بتبني اسمها في السوق.
- معظم المشاريع تحت الإنشاء: وده معناه إن جزء كبير من التجربة لسه ماتنفذش على أرض الواقع.
- تفاصيل إدارة المشروعات مش دايماً واضحة: خصوصاً في المولات، وده محتاج مراجعة دقيقة لبنود التشغيل والإدارة في العقود.
- تأثر بالسوق المصري: الشركة زي أي مطور بتتأثر التضخم وتقلبات أسعار المواد وسعر الصرف.
- قلة تاريخ تسليم مستقل واضح باسم سنترادا: وده بيخلي التقييم الحقيقي بيعتمد أكتر على متابعة التنفيذ الحالي وليس الماضي فقط.
شركة سنترادا للتطوير العقاري بتحاول تقدم مشاريع سعرها مناسب وموقعها قوي وبأنظمة سداد مرنة تفتح باب الدخول لشريحة أكبر من المستثمرين.
ولو عايز تعرف أنسب مشروع ليك داخل محفظة سنترادا حسب ميزانيتك، تواصل مع فريق المبيعات وهيساعدك قبل ما تاخد قرارك النهائي.
