هاسيندا سيدي حنيش | Hacienda Sidi Heneish

لو بتحلم ببيت مصيف على البحر مباشرة يكون تصميمه راقي وجنبه كل الخدمات اللى تحتاجها انت واسرتك ، يبقى هاسيندا سيدي حنيش من شركة بالم هيلز هو المكان اللي يستاهل تفكيرك لانها هتحققلك كل اللى بتحلم بيه فى بيت المصيف من موقع وخدمات ، القرية مش بس فيها شاليهات وفيلات بمساحات متنوعة وتشطيبات عالمية لكن كمان موقعها استثنائي في الكيلو 247 على طريق الإسكندرية – مطروح يعنى هتكون قريب من الأماكن الحيوية فى الساحل الشمالى تقدر توصلها فى وقت بسيط زي لعلمين ورأس الحكمة. 

هاسيندا سيدي حنيش يعتبر مشروع متكامل من كل الجوانب ، سواء من حيث الخصوصية والهدوء والشاطئ الفيروزي والمناظر المبهجة أو الاستثمار الذكي للمستقبل خصوصًا مع أنظمة سداد مرنة هنتكلم عنها بالتفصيل فى باقى المقال

يلا نتعرف على كل تفاصيل Hacienda Sidi Heneish من موقع، تصميم، مساحات، خدمات، أسعار، وأنظمة الحجز.

خليك معنا واكتشف ليه المشروع ده ممكن يكون فرصتك الحقيقية لحياة مميزة واستثمار مضمون في قلب الساحل الشمالي.

خدمات ومرافق هاسيندا سيدي حنيش – كل اللي محتاجه في مكان واحد

لما تفكر تشتري وحدة في قرية سياحية زي هاسيندا سيدي حنيش فأنت أكيد بتدور على أكتر من مجرد مكان للإقامة. بتدور على حياة متكاملة لانك هتقضى فيها وقت اجازتك ومحتاج تستمتع بأعلى قدر من الراحة والرفاهية، وده بالضبط اللي قدمته شركة بالم هيلز في المشروع. 

القرية بتضم مجموعة متكاملة من الخدمات والمرافق المصممة بعناية علشان تضمن لكل السكان تجربة سكنية واستجمام في منتهى الراحة سواء كنت مقيم دائم أو جاي تقضي إجازة.

تعال نتعرف على أبرز الخدمات اللي بتخلي هاسيندا سيدي حنيش من أقوى قرى الساحل الشمالي.

الخدمات الأساسية في هاسيندا سيدي حنيش

• هايبر ماركت متكامل هتلاقى فيه كل احتياجاتك اليومية من مأكولات ومنتجات.
• عيادات طبية متخصصة ومجهزة لخدمة السكان في أي وقت.
• ماكينات ATM منتشرة فى كل مكان فى القرية هتسهل عليك المعاملات المالية.
• مولدات كهرباء احتياطية شغالة تلقائيًا يعنى متقلقش حتى لو التيار انقطع هتكون كل الخدمات شغالة باستمرار. 
• شبكة إنترنت قوية بتغطي كل الوحدات والمناطق العامة داخل المشروع

الخدمات الترفيهية – استمتع بكل لحظة

• كلوب هاوس راقٍ مناسب للتجمعات العائلية والمناسبات الخاصة.
• حمامات سباحة متنوعة للكبار والصغار، منها المغطى للسيدات.
• جيم مجهز بالكامل بأحدث الأجهزة والمدربين المحترفين.
• نادي صحي يضم جاكوزي، سبا، وساونا للاسترخاء التام.
• أكوا بارك متكامل بألعاب مائية ممتعة لكل الأعمار.
• كيدز إريا للأطفال مزودة بألعاب آمنة
• سينمات داخلية بتقنية عرض متطورة لأحدث الأفلام
• أماكن للشواء والتجمعات على البحر مباشرة.
• شاطئ خاص بطول 1.1 كم بمياه فيروزية ورمال بيضاء.
• مارينا لليخوت ورحلات صيد وتجارب غطس احترافية.

خدمات الأمن والمراقبة – أمانك في المقدمة

• أفراد أمن مدربين على أعلى مستوى موجودين على مدار 24 ساعة
• كاميرات مراقبة حديثة في كل أرجاء المشروع لرصد أي تحركات
• بوابات إلكترونية ذكية لتنظيم الدخول والخروج بأمان
• نظام صيانة ونظافة دائم علشان القرية تفضل دايمًا بأفضل شكل.

موقع هاسيندا سيدي حنيش – في قلب الجمال وعلى بُعد دقائق من كل حاجة

اختيار شركة بالم هيلز لموقع هاسيندا سيدي حنيش ما كانش صدفة ، ده تم بدراسة دقيقة لكل المزايا اللي ممكن تقدم تجربة مميزة للسكن أو الاستثمار فى مشروع واحد. المشروع بيقع في الكيلو 247 طريق الإسكندرية – مطروح، وده بيخليه قريب من أهم المدن والمحاور في الساحل الشمالي، زي:

• مدينة العلمين الجديدة على بُعد حوالي 20 دقيقة.
• رأس الحكمة في حدود 15 دقيقة بس
• مطار العلمين الدولي ومسافة قصيرة تقدر توصل لها في أقل من ساعة.
• قريب من طريق الفوكا الجديد وطريق الضبعة.
• وعلى بعد خطوات من سيلفر ساندز، الماظة باي، وقرى كتير راقية.

اللي بيميز الموقع كمان إنه بيجمع ما بين الخصوصية والهدوء وفي نفس الوقت سهولة الوصول سواء كنت جاى من القاهرة أو الإسكندرية يعني تقدر تروح وحدتك في أي وقت، بدون تعب أو سفر طويل.

تصميم هاسيندا سيدي حنيش – رفاهية على طراز عالمي

على مساحة شاسعة وصلت إلى 420 فدان، قررت بالم هيلز تبني رؤيتها الخاصة في تصميم مشروع هاسيندا سيدي حنيش، علشان تخلق منتجع ساحلي متكامل مش بس للسكن، لكن للاستمتاع بكل لحظة.

تم تقسيم المساحة ببراعة علشان يحقق المشروع أقصى درجات الراحة والخصوصية:

•  20% فقط مباني تشمل الفيلات، التاون هاوس، الشاليهات، والكبائن.
•  80% من المساحة مخصصة للمسطحات الخضراء، البحيرات الصناعية، حمامات السباحة، والخدمات الترفيهية.

المشروع كمان مبني بنظام المصاطب المتدرجة، يعني كل الوحدات تقريبًا عندها إطلالة مباشرة أو جزئية على البحر، بفضل ارتفاعات تبدأ من 4 متر وتوصل لـ 23 متر فوق سطح البحر.

كمان التصميم الداخلي والخارجي للوحدات بيعتمد على ألوان هادية وخامات طبيعية زي الخشب والحجر وده علشان يتماشى مع طبيعة المكان والمناظر بين الرمال والبحر ويعزز الإحساس بالهدوء والاسترخاء.

ده كله بيخلي تجربة السكن في هاسيندا سيدي حنيش مختلفة تمامًا، لأن التصميم نفسه بيخدم رفاهيتك وإحساسك بالراحة من أول لحظة.

أنواع ومساحات الوحدات في هاسيندا سيدي حنيش

من المهم والمميز جدا فى أغلب مشاريع بالم هيلز انها دايما بتحاول توفر كل احتياجات العملاء فى المشروع ومن أهم الاحتياجات دى هى التنوع الكبير فى الوحدات الموجودة فى مشروع هاسيندا سيدي حنيش ، هتلاقى تنوع كبير فى انواع الوحدات ومساحتها علشان تناسب كل الأذواق والميزانيات. 

أنواع الوحدات والمساحات المتوفرة: 

• شاليهات : متوفرة ب 2 ل 3 غرف بمساحات تبدأ من 92 متر وتوصل لـ 145 متر.
  كلها بتطل على البحر أو بحيرات صناعية ومساحات خضراء.
• الفلل المستقلة: متوفرة بمساحات تبدأ من 235 متر وتوصل حتى 660 متر.
  تصميمات فاخرة وحدائق خاصة وإطلالة مباشرة على البحر.
• تاون هاوس: بمساحات من 210 متر حتى 230 متر.
  تصميم مميز يجمع بين الخصوصية والمشاركة العائلية.
• الكبائن: وحدات فندقية مميزة بمساحات من 42 إلى 84 متر.
  مناسبة للاستثمار أو لعطلات قصيرة.

كل الوحدات بتتسلم كاملة التشطيب، يعنى مش هتشغل بالك بالسفر والتشطيب كل شوية بالعكس هتستلم وحدتك جاهزة للسكن او للتأجير على اعلى مستوي من التشطيبات بأجود الخامات. 

أسعار الوحدات في هاسيندا سيدي حنيش – استثمر على البحر

هاسيندا سيدي حنيش بكل المميزات اللى بتقدمهالك من مكان راقٍ يضمنلك راحة حقيقية، تصميم مميز، وموقع استثنائي. كل ده هتقدر تمتلكه بأسعار مناسبة جدا بالنسبة لكل المميزات والخدمات اللى هتتمتع بيها فى القرية كمان انظمة السداد اللى بتطرحها بالم هيلز فيها تسهيلات تناسب كل العملاء على حسب احتياجك. 

وعلشان تاخد فكرة أوضح، الأسعار تقريبًا بتبدأ من:

• كبائن فندقية بأسعار تبدأ من 15 مليون جنيه
• شاليهات غرفتين بأسعار تبدأ من 20 مليون جنيه
• شاليهات 3 غرف ممكن توصل لـ 25 مليون جنيه
• وحدات تاون هاوس تبدأ من 32 مليون جنيه
• فيلات مستقلة بأسعار تبدأ من 48 مليون وبتوصل في بعض الحالات لـ 70 مليون جنيه

الأسعار طبعًا بتتفاوت على حسب الموقع داخل القرية، نوع الوحدة، التشطيب، وقربها او بعدها من البحر و المساحات الخضراء. لكن بشكل عام، السعر هنا مقابل قيمة حقيقية، سواء كنت ناوي تسكن أو تستثمر.

وبالنسبة لطرق السداد المتاحة فى القرية فهي مرنة جدا من غير تعقيدات، ومن غير ما تحس إنك داخل في التزام مالي ضاغط عليك ، فبدل ما تستنى لحد ما توفر المبلغ بالكامل، تقدر تبدأ بـ:

• مقدم 5% فقط عند التعاقد
• وتقسيط الباقي على فترة تمتد لغاية 8 سنين
• بدون أي فوائد
• والوحدات بتتسلم كاملة التشطيب خلال 18 شهر من تاريخ التعاقد

يعني ممكن تضمن وحدتك وتختار أفضل موقع ومساحة، وانت لسه بتخطط على مهلك من غير ما تستنزف ميزانيتك.

ليه تشتري في هاسيندا سيدي حنيش؟

ده مش مجرد مشروع على البحر، ده مجتمع كامل مبني على فكرة الراحة والخصوصية، وفي نفس الوقت فيه كل عناصر الاستثمار المضمون.
أول حاجة هتلفت نظرك هي الموقع. الكيلو 247 من طريق الإسكندرية مطروح يعني قريب من العلمين، من رأس الحكمة، من مرسى مطروح، وكمان مش بعيد عن الإسكندرية.
ثاني حاجة التصميم. كل وحدة تقريبًا ليها إطلالة حلوة، سواء على البحر أو على بحيرات صناعية ومساحات خضراء.

وكمان المشروع متقسم بشكل ذكي جدًا يخليك تحس بالراحة وانت ماشي في أي جزء فيه. وفوق كل ده ، اسم بالم هيلز بحد ذاته ضمان، لأن الشركة دي تاريخها طويل وناجح في المشاريع السكنية والساحلية.

مميزات وعيوب قرية هاسيندا سيدي حنيش

بعد ما اتكلمنا عن كل التفاصيل عن القرية من موقع ومساحة وخدمات ، وقبل ما تاخد قرارك فى شراء فى هاسيندا سيدي حنيش خلينا نجمع فى نقاط واضحة وبسيطة أهم المميزات اللى فى القرية والعيوب علشان تقدر تشوف الصورة كاملة وبشكل اوضح وتاخد القرار السليم. 

المميزات: 

• موقع استراتيجي على أهم محاور الساحل الشمالي
• تصميم معماري حديث ومميز بنظام المصاطب المتدرجة
• شاطئ خاص بطول 1.1 كم
• مساحات خضراء ضخمة وبحيرات صناعية في كل مكان
• شاليهات، فلل، تاون هاوس، وكبائن متنوعة المساحات
• حمامات سباحة، أكوا بارك، ونوادي صحية ورياضية
• كلوب هاوس، مطاعم، كافيهات، وسينما
• أمن 24 ساعة، كاميرات مراقبة، وصيانة دائمة
• مول تجاري ومارينا لليخوت وخدمات طبية متوفرة
• تشطيب كامل للوحدات وأنظمة سداد مرنة

العيوب أو الملاحظات

زي أي مشروع كبير، دايمًا هيكون فيه بعض النقاط اللي ممكن ناس تعتبرها تحدي أو نقطة ضعف.
في حالة هاسيندا سيدي حنيش، البعض ممكن يشوف إن المسافة من القاهرة بعيدة شوية، لكن مع طريق الفوكا الجديد والطرق السريعة، بقى الوصول أسهل وأسرع بكتير من قبل كده.
كمان أسعار بعض الوحدات ممكن تبان مرتفعة، لكن لما تقارنها بالمميزات اللي بتاخدها وبالموقع والخدمة، هتلاقيها قيمة عادلة.

فرصة ما تتفوتش فى هاسيندا سيدي حنيش 

هاسيندا سيدي حنيش مش بس مكان هتهرب له من زحمة الحياة، ده استثمار طويل المدى في رفاهيتك وراحة بالك ومستقبلك.
دلوقتي هو الوقت الصح، والمكان ده هو الفرصة اللي تستحق إنك تبدأ بيها.

لو مهتم تعرف أكتر أو تحجز وحدة، تقدر تتواصل معنا ونبعتلك كل التفاصيل والعروض المتاحة حاليًا.