ايفيا ماونتن فيو | Evia Mountain View

أجواء اليونان اللي بتفكرنا بالصيف والاستجمام هي انسب أجواء تقضي فيها اجازتك، فلو مش هتقدر تروح اليونان هتلاقي أجواءها مستنياك في الساحل الشمالي في قرية ايفيا ماونتن فيو.

قرية ايفيا ماونتن فيو الساحل الشمالي هي مرحلة في مشروع يعتبر من أنجح المشروعات الصيفية من سنين ولحد دلوقت، مشروع ماونتن فيو راس الحكمة في  الكيلو 200 الساحل الشمالي. واللي محقق نجاح كبير في اطلاقاته الجديدة وحتى في مراحلة القديمة اللي تشغيلها مر عليه حوالي 9 سنين لكنه لسه محتفظ بجودته وبينافس أحدث المشروعات.

لو حابب تعرف أهم التفاصيل عن قرية ايفيا ماونتن فيو Evia Mountain View زي الموقع والخدمات والمساحات يبقا المقال ده علشانك!

موقع قرية ايفيا الساحل الشمالي:

 قرية ايفيا الساحل الشمالي هي جزء من مشروع ماونتن فيو راس الحكمة. واللي اتميز بموقعه اللي بيقربه من اهم مشروعات الساحل وكمان أهم الطرق والخدمات. تحديدًا في الكيلو 200 طريق اسكندرية – مطروح على خليج راس الحكمة. منطقة مميزة جدًا بصفاء ونقاء الشواطئ، وجيرانها المميزين من القرى الأخرى، والمعالم المهمة القريبة   منها زي:

• سيدي عبدالرحمن.
• قرية سوان ليك.
• طريق الفوكا.
• مطار العلمين الجديد.
• قرية سيزر لشركة سوديك.
• مشروع لافيستا راس الحكمة.

أشتري إيه في ايفيا ماونتن فيو الساحل:

التنوع في الوحدات ومساحاتها من أكتر الحجات اللي بتساعدنا نلاقي احتياجنا بسهولة في أي مشروع. في قرية ايفيا الساحل الشمالي هتلاقي نوعين من الوحدات اللي بيتميزوا بتقسيمة مريحة وإطلالات رائعة وخصوصية عالية جدًا. وحدات ايفيا راس الحكمة هتساعدك تقضي اجازة مميزة ومريحة. وأنواع الوحدات في المشروع هي:

• شاليهات بمساحات تبدأ من 70 متر، وبتتكون من غرفة أو غرفتين أو 3 غرف.
• تاون هاوس بمساحات تبدأ من 170 متر.

وحدتك في ايفيا الساحل الشمالي بتقسيط 8 سنين:

معروف عن شركة ماونتن فيو ومشروعاتها المميزة انها بتقدم قيمة مقابل سعر. وفي مشروع ماونتن فيو راس الحكمة وبالأخص في قرية ايفيا ماونتن فيو هنلاقي مقومات المشروع المذهل اللي يستحق قيمته ماديًا. واللي بيبدأ فيه الأسعار من حوالي 8 مليون جنيه مصري.

وعشان تساعد الشركة عملاءها على امتلاك وحدات أحلامهم في ايفيا راس الحكمة وفرت نظام سداد مريح ومثالي، وهو دفع مقدمات بتبدأ من 10% وأقساط بتوصل ل 8 سنين. وتقدر تستلم وحدتك خلال 4 سنين من التعاقد. 

وتقدر تتواصل مع فريق سيفا بروبرتيز اللي هيساعدك تلاقي أحسن وحدة تناسبك بأفضل سعر.

أفضل الخدمات في ايفيا ماونتن فيو:

قرية ايفيا  اللي طرازها مستوحى من جزيرة ايفيا اليونانية بتقدم لنا خدمات مميزة جدًا على الصعيد الأساسي أو الأمني أو الترفيهي، يعني خدمات متكاملة تخلي القرية مكان مناسب لصيف مريح وممتع و آمن. وتساعدك على أجازة متتعوضش وتكون متطمن انك مش هتحتاج أي شيء من خارج القرية. ده بالإضافة للخدمات الكلية لمشروع ماونتن فيو راس الحكمة واللي بتزود فرصك في الاستمتاع باجازتك  بشكل متنوع. ومن أهم الخدمات الخاصة بقرية ايفيا ماونتن فيو الساحل الشمالي:

خدمات أساسية:

• 2 من المناطق التجارية.
• 3 فنادق بإدارة انتركونتينينتال.
• جراجات بمساحات كبيرة.
• بنزينة إمارات مصر.
• صيانة دورية لكل خدمات المشروع.

خدمات ترفيهية:

• كيدز إريا مناسبة للأطفال من أعمار مختلفة.
• 2 كلوب هاوس.
• 6.5 فدان كريستال لاجون متوزعة في كل المشروع.
• شاطئ مخصص للسيدات.
• شط خاص بقرية ايفيا ماونتن فيو على مساحة 250 متر مربع.
• 12 حمام سباحة متوزعين في المرحلة كلها.
• مساحات خضراء ومناظر طبيعية منتشرة في انحاء القرية.

خدمات أمنية:

• اهتمت شركة ماونتن فيو بتأمين مشروعها في راس الحكمة بأحدث أنظمة الأمن ووفرت عدد كبير جدًا من أفراد الأمن، وكاميرات المراقبة الحديثة.

ليه أشتري في ايفيا ماونتن فيو الساحل الشمالي:

• موقعه مميز في الساحل الشمالي على خليج راس الحكمة.
• مرحلة لها خدمات خاصة بيها مع الاستفادة بباقي خدمات المشروع.
• مساحة واسعة جدًا من المساحات الخضراء والمسطحات المائية.
• خصوصية عالية ونظام أمني محكم.
• وحداته متشطبة بالكامل.
• تنوع في الوحدات والمساحات.
• نظام سداد مريح ومناسب.
• مشروع شغال بقاله 9 سنين وتجارب العملاء فيه مشجعه.
• شركة مطورة كبيرة وموثوقة.

أهم عيوب قرية ايفيا الساحل الشمالي:

• الارتفاعات في ماونتن فيو راس الحكمة قليلة جدًا، وبالتالي الوحدات اللي بتشوف البحر عددها مش كبير. ولكن ده متعوض في المساحات الكبيرة من الكريستال لاجونز المنتشرة في المشروع كله.
• ايفيا ماونتن فيو هي آخر مرحلة في المشروع وبترتفع اسعارها بسبب قلة الفرص فيما بعد.

 دي كانت أهم تفاصيل قرية ايفيا ماونتن فيو في الساحل الشمالي ولو حابب تستغل الفرصة وتستثمر او تقضي اجازتك في مكان خيالي زي ايفيا تقدر تتواصل مع الخبراء العقاريين من فريق سيفا  بروبرتيز واللي هيساعدوك بمعرفتهم اللي تخطت عشر سنين في السوق العقاري انك تلاقي وحدة أحلامك بأنسب سعر.