كريستا ماونتن فيو الساحل الشمالي | Crysta Mountain View North Coast

محتاج تهرب من الزحمة وتعيش أجواء الاستجمام والهدوء على البحر، يبقى كريستا ماونتن فيو الساحل الشمالي هو اختيارك المثالي!

القرية دي مش مجرد مصيف دي تجربة متكاملة فيها كل اللي ممكن تتخيله من راحة، أناقة، وخدمات متوفرة حواليك في كل مكان. من أول التصميم اليوناني اللي يخطف القلب لحد المساحات الخضرا الواسعة والأنشطة اللي تخلي صيفك أحلى من أي وقت فات.

ده غير إنك هتعيش في مكان موقعه ممتاز في قلب سيدي عبدالرحمن وقريب من كل حاجة مهمة وكمان عندك اختيارات كتير للوحدات تقدر تختار منها وحدتك المناسبة اللى بتطل على البحر، بأسعار وأنظمة سداد تناسبك مهما كان حلمك كبير.

في المقال ده هنقولك كل التفاصيل اللي محتاج تعرفها قبل ما تحجز وحدتك في كريستا ماونتن فيو ، من الموقع ، التصميم ، الأسعار، الخدمات ، لحد مميزات وعيوب المشروع علشان تاخد قرارك وإنت مطمن.

موقع كريستا ماونتن فيو الساحل الشمالي

قرية كريستا من ماونتن فيو موجودة في واحدة من أرقى وأهم مناطق الساحل الشمالي وتحديدًا في الكيلو 120 طريق إسكندرية – مطروح الصحراوي في قلب سيدي عبدالرحمن. المنطقة اللي بقت واجهة الصفوة والمستثمرين مؤخرا بسبب جمال الطبيعة فيها والشاطئ الفيروزى مع قربها من كل الخدمات.

اللي يميز موقع كريستا إنك قريب من كل الأماكن الحيوية المهمة والوصول ليها سهل جدا سواء من القاهرة أو إسكندرية، فهتحس إنك قريب من بيتك حتى وانت على البحر!

الأماكن القريبة من Crysta:

• مطار العلمين الدولي: 30 دقيقة بس من القرية.
• أبراج العلمين ومتحف العلمين: حوالي 31 دقيقة.
• من القاهرة: ساعتين ونص بالسيارة.
• من إسكندرية: حوالي ساعة و49 دقيقة.

أهم الطرق القريبة:

• طريق الضبعة.
• طريق وادي النطرون.
• الطريق المؤدي لمدينة العلمين الجديدة.

قرى قريبة من كريستا:

• تبعد دقايق معدودة عن قرية بلاچ ماونتن فيو.
• 5 دقايق من قرية مراسي.
• حوالي 35 دقيقة من قرية لڤلز ماونتن فيو.
• وقريبة جدًا من ماونتن فيو رأس الحكمة (حوالي 45 دقيقة).

يعني باختصار، كريستا في قلب الحدث وموقعها استراتيجي يخليك تستمتع بجمال البحر والخدمات في نفس الوقت.

الخدمات في كريستا سيدي عبدالرحمن

Crysta Mountain View  تعتبر مكان متكامل الخدمات وقريب من كل اللى بتحتاجة. القرية مصممة بحيث توفرلك اعلى مستوى من الراحة والرفاهية اللى بتكتمل بوجود كل اللى تحتاجة انت واسرتك من راحة ومتعة وأمان ومن الخدامت اللى موجودة فى كريستا سيدي عبدالرحمن: 

الخدمات الأساسية:

• منطقة تجارية متكاملة: فيها محلات ومطاعم وكافيهات يعنى مش هتحتاج تخرج بره القرية علشان تسهر بالليل بعد البحر.
• فنادق فاخرة: 3 فنادق عالمية جوا المشروع بتقدم خدمات ضيافة على أعلى مستوى.
• مراكز صحية وسبا: علشان تريح أعصابك وتستمتع بجلسات استرخاء فاخرة.
• خدمات صيانة وتنظيف دورية للوحدات والمرافق.

الخدمات الترفيهية:

• حمامات سباحة متنوعة: بأعماق وأحجام مختلفة تناسب الكبار والأطفال.
• أكوا بارك وألعاب مائية: للأطفال وللكبار علشان تعيش جو من المتعة والحيوية.
• ممشى وممرات للجري وركوب العجل وسط المناظر الطبيعية الخلابة.
• أنشطة رياضية وشاطئ خاص للاستجمام والرياضات المائية.
• مناطق مخصصة للأطفال مجهزة بكل وسائل الأمان والمرح.

الأمن والمراقبة:

• أفراد أمن مدربين وموجودين فى كل مكان فى القرية على مدار 24 ساعة.
• كاميرات مراقبة حديثة بتغطي كل أركان القرية.
• بوابات إلكترونية وأنظمة إنذار لزيادة الأمان والخصوصية.

يعني في كريستا ماونتن فيو، هتحس فعلًا إنك في منتجع خمس نجوم، فيه كل وسائل الراحة والترف وطبعا أمانك وأمان عيلتك في المقام الأول.

تصميم كريستا ماونتن فيو الساحل الشمالي ومساحة المشروع

شركة ماونتن فيو دايما بتعرف ازاي تجمع بين الجمال والرقي ومشروع كريستا هو واحد من أفضل الأمثلة على ده. التصميم هنا معمول علشان يخطف قلبك من أول لحظة وتحس إنك في قلب جزيرة يونانية بجمالها الأبيض والأزرق، بس وأنت في مصر!

تفاصيل التصميم:

• ستايل معماري مستوحى من الجزر اليونانية، بألوان الأبيض والأزرق المبهجة اللي بتهدي النفس وتفتح النفس على الحياة.
• كل الوحدات مصممة بعناية علشان تطل على البحر أو بحيرات صناعية، وتستمتع بالمنظر في أي مكان.
• الفلل مصممة بالكامل على البحر علشان تحس إنك فعلاً عايش وسط الطبيعة مش بس قريب منها.
• المشروع مقسوم لمرحلتين:
• كريستا فيو Crysta View: وحدات بتطل على البحر بمناظر بانورامية خلابة.
• كريستا آيلاند Crysta Island: تصميم مبتكر حوالين بحيرات صناعية تحسسك إنك ساكن على جزيرة خاصة.

مساحة المشروع وتوزيعها:

• إجمالي مساحة المشروع: حوالي 470 فدان  ودى مساحة ضخمة جدا متقسمة الى  15% بس للمباني والباقي كله مناظر طبيعية، مساحات خضراء، وبحيرات صناعية و 85% من القرية عبارة عن مساحات مفتوحة تديك إحساس بالاتساع والراحة النفسية.
• الواجهة البحرية للمشروع بطول 15 كيلومتر وده رقم ضخم جدا يخليك دايما قريب من الشاطئ.
• فيه امتداد داخلي على البحر حوالي 1 كيلومتر يعني البحر مش منظر وبس، ده جزء أساسي من يومك.

تصميم كريستا هو مزيج عبقري بين الفخامة والبساطة، ومش أي تصميم… ده تصميم مدروس علشان يضمنلك راحة نفسية وسط واحة من الطبيعة في كل زاوية. 

الوحدات و المساحات في كريستا ماونتن فيو الساحل الشمالي

من المهم فى اختيار بيت الساحل انه يكون مناسب لاحتياجاتك واحتياجات اسرتك ، وعلشان كده ماونتن فيو اهتمت ان يكون فى تنوع كبير فى الوحدات فى القرية بحيث مهما كان عدد افراد اسرتك او هدفك من الشراء هتلاقى الوحدة المناسبة. بداية من التصميم الخارجى الساحر لحد توزيع المساحات الداخلية لكل وحده.

ماونتن فيو بتوفرلك مكان هادئ على البحر وفى نفس الوقت وحدة تستثمر فيها على المدي الطويل بأعلى عائد استثمارى مع مطور باسم كبير وسابقة اعمال تخليك واثق ومتطمن وانت بتشتري. 

الوحدات الموجودة في كريستا سيدي عبدالرحمن

• كبائن على البحر: مناسبة جدا للاستجمام والخصوصية لو بتحب تقضي الصيف على البحر من غير زحمة.
• فيلات مستقلة (Stand-alone): بمساحات واسعة وتصميمات مميزة بتضمنلك أقصى درجات الخصوصية والفخامة.
• تاون هاوس: الاختيار الذكي لو عايز توازن بين السعر والمساحة وتعيش وسط مجتمع متكامل.
• بيتش هاوس: بإطلالة مباشرة على البحر، تحس كأنك في جزر اليونان.
• شاليهات ودوبلكس: تصميمات أنيقة ومساحات مرنة مناسبة للعائلات الصغيرة والمتوسطة.

كل وحدة بتتميز بإطلالة ساحرة سواء على البحر أو على البحيرات الصناعية والمساحات الخضراء، وده بيخليك عايش في جمال طبيعي طول الوقت حتى وإنت جوه بيتك.

الأسعار وأنظمة السداد في كريستا ماونتن فيو الساحل الشمالي

ودلوقتى هنتكلم عن اكتر نقطة بتشغل بالك بعد اختيار الموقع وهى السعر وتسهيلات السداد. وهنجاوب على اهم سؤال ممكن تساله لو بتدور على شاليه للبيع فى الساحل. هل الاسعار مناسبة؟ هل هتحتاج تدفع مبلغ كاش كبير ولا فى طرق سداد تناسب طريقة دخلك بمقدمات بسيطة؟

وهنا هتلاقى ان واحدة من أهم الحاجات اللي بتخلي كريستا ماونتن فيو فرصة قوية لو هتشتري بيت فى الساحل سواء للسكن أو الاستثمار، هي الأسعار التنافسية وأنظمة الدفع المرنة اللي قدمتها شركة ماونتن فيو.

رغم إن المشروع فخم والموقع مميز والخدمات متكاملة، إلا إن الأسعار تعتبر ممتازة مقارنة بالمشروعات اللي في نفس المستوى.

الأسعار فى Crysta Sidi Abdelrahman بتبدأ من:

• كابانا : بمساحة 45 متر تبدأ من 6.9 مليون حنيه مصري.
• الفيلات : تبدأ اسعارها من 37,600,000 جنيه مصري

أنظمة السداد فى ماونتن فيو Crysta:

• 5% مقدم تعاقد. و 5% بعد 3 شهور و تقسيط علي 6 سنين. (استلام خلال سنتين)
• 5% مقدم تعاقد. و 5% بعد 3 شهور و تقسيط علي 8 سنين. (استلام خلال 4 سنين)
• الاستلام بيبدأ من سنتين وفي بعض الأنظمة لحد 4 سنوات.

يعني مع كريستا، مش بس بتشتري وحدة، إنت بتحجز لنفسك مستقبل مريح، واستثمار مضمون.

ليه تشتري في كريستا ماونتن فيو الساحل الشمالي؟

لما تيجي تدور فى وسط الوحدات المعروضة للبيع ع البحر فى الساحل الشمالي، طبيعي تسأل: “هو إيه اللي يخليني أختار كريستا عن باقي القرى؟”، والإجابة ببساطة إن كريستا ماونتن فيو مش مجرد مشروع عادي ده مشروع فيه كل العوامل اللي بتدور عليها سواء كنت عايز تستثمر أو تعيش.

• أول وأهم حاجة، الموقع. القرية موجودة في قلب سيدي عبدالرحمن: واحدة من أرقى مناطق الساحل الشمالي وقريبة من مطار العلمين ومراسي وبلاج وكمان الطريق ليها سهل جدا سواء كنت جاى من القاهرة أو إسكندرية. يعني إنت مش بس قريب من البحر، إنت كمان قريب من كل حاجة مهمة حواليك.
• ثاني نقطة، شركة ماونتن فيو نفسها: اسم معروف في السوق العقاري ومشروعاتها دايما بتتكلم عنها. عندهم تاريخ طويل من النجاح، وثقة العملاء فيهم بتكبر كل سنة، وده يديك أمان وانت بتشتري.
• ثالثًا، التصميم والخدمات: تخيل إن 85% من مساحة القرية عبارة عن مناظر طبيعية، بحيرات صناعية، ومساحات خضراء. والوحدات كلها تقريبا بتطل على البحر أو لاجونز، فأنت بتصحى على منظر يشرح القلب كل يوم. ده غير كمان الخدمات اللي مش ناقصها حاجة من  فنادق، حمامات سباحة، مطاعم، أكوا بارك، مسارات مشي، وأمن 24 ساعة.
• أما النقطة الأهم للكثير من الناس، فهي الاستثمار الذكي: الوحدات هنا مش بس مكان تقضي فيه الصيف، ده كمان اصل ممكن يحققلك ربح مستقبلي سواء من التأجير أو إعادة البيع. والمطور كمان بيقدم أنظمة حجز وسداد مرنة جدًا، تبدأ من مقدم 5%، يعني تقدر تبدأ تحقّق حلمك بخطوة بسيطة.

باختصار، كريستا ماونتن فيو هي المكان اللي هتلاقي فيه:

• راحة نفسية
• مستوى راقي من الحياة
• فرصة استثمار قوية
• وذكريات لا تُنسى على أجمل شواطئ الساحل الشمالي

 مميزات وعيوب كريستا ماونتن فيو الساحل الشمالي

وعلشان نكون منصفين ونسهل عليك اتخاذ القرار ، خلينا نجمع فى نقط واضحة وبسيطة اهم المميزات والعيوب اللى ممكن تلاحظها لو بتشترى شالية فى Crysta Mountain View 

مميزات كريستا ماونتن فيو

• موقع استراتيجي في قلب سيدي عبدالرحمن، قريب من أهم قرى الساحل وطريق الضبعة والعلمين.
• إطلالة مباشرة على البحر لمعظم الوحدات، وكمان على لاجونز وبحيرات صناعية تخطف القلب.
• مساحات خضراء وبحيرات تغطي 85% من المشروع، بتوفر جو منعش وإحساس بالاسترخاء طول الوقت.
• تنوع في الوحدات بين فلل، تاون هاوس، كبائن، وبيتش هاوس، بتناسب كل الاحتياجات.
• تصميم مستوحى من الجزر اليونانية بألوان الأبيض والأزرق اللي بتدي طابع راقي وهادي.
• خدمات متكاملة تشمل فنادق، مطاعم، كافيهات، حمامات سباحة، ألعاب مائية، مناطق أطفال، وأمن 24 ساعة.
• أنظمة سداد مرنة تبدأ من 5%، مع خطط تقسيط لحد 12 سنة.
• مطوّر عقاري موثوق (ماونتن فيو) بسجل مشروعات ناجحة في مناطق مختلفة داخل مصر.

عيوب كريستا ماونتن فيو

رغم كل المميزات اللي بتقدمها كريستا، إلا إن في بعض النقاط اللي ممكن تعتبر عيوب لبعض الناس، ومن المهم نكون صريحين فيها:

• الأسعار ممكن تكون مرتفعة نسبيًا مقارنة ببعض القرى التانية، خصوصًا لو كانت ميزانيتك محدودة، لكن ده منطقي بسبب الموقع والخدمات والتشطيب الفاخر.
• الاستلام بعد سنتين إلى 4 سنوات، وده مش هيكون مناسب للناس اللي عايزة تستلم فورًا أو تقضي الصيف الجاي في بيتها.
• القرية لسه في مراحل التطوير الأولى، وده معناه إن بعض الخدمات مش هتكون شغالة وقت الحجز، لكن ده طبيعي في أي مشروع جديد.

في النهاية، كريستا ماونتن فيو تعتبر من المشروعات القوية جدًا في الساحل الشمالي، ولو أولوياتك هي الرفاهية، الموقع، والإطلالة المباشرة على البحر، فهي أكيد من أفضل الاختيارات المتاحة حاليًا.

جاهز تبدأ حياة الرفاهية على البحر؟ احجز وحدتك في كريستا ماونتن فيو النهارده، وعيش تجربة الصيف اللي عمرك ما هتنساها! اتواصل معانا دلوقتي عشان تعرف أكتر أو تيجي تزور القرية وتشوف بنفسك جمال المكان. مستنيينك!