لو بتدور على معلومات عن شركة جي كوميونيتيز J Communities ومش عارف إيه علاقتها بـنيوجيرسي للتطوير العقاري، وإيه المشروعات اللي بقت تحت إدارتها، فالمقال ده هيوضحلك الصورة كاملة.
الشركة بدأت كيانها الرئيسي في السوق العقاري المصري خلال 2026، وبتتحرك حاليًا في أكتر من اتجاه، من المشروعات الساحلية لحد المشروعات السكنية والاستثمارية.
وفي السطور الجاية هنتعرف على J Communities بشكل أوضح، بداية من تاريخ الشركة ومجلس الإدارة والشركاء، لحد أبرز المشروعات والمميزات، عشان تعرف إيه اللي بتقدمه الشركة وإيه خطتها في السوق العقاري.
شركة J Communities | من نيوجيرسي للتطوير العقاري إلى كيان استثماري متكامل
تأسست J Communities رسميًا في يوليو 2026 ككيان استثماري ومنصة تطوير موحدة تقود استراتيجية المجموعة في السوقين المصري والبريطاني، وبتضم تحت مظلتها New Jersey Developments (نيوجيرسي للتطوير العقاري) كشركة تابعة.
وترجع جذور المجموعة إلى نيوجيرسي للتطوير العقاري اللي تأسست عام 2000، بخبرة تمتد لأكثر من 25 عامًا في السوق العقاري، مع مشروعات في مناطق منها العاصمة الإدارية الجديدة والشروق والقاهرة الجديدة.
وجه إطلاق J Communities ضمن إعادة هيكلة المجموعة ونقل مشروعات نيوجيرسي تحت مظلتها، بهدف توحيد إدارة الاستثمارات والتوسع في تطوير المجتمعات العمرانية والسياحية المتكاملة.
رؤية ورسالة شركة جي كوميونيتيز J Communities
رؤية شركة J Communities
رؤية J Communities بتقوم على تطوير مجتمعات عمرانية ذكية ومستدامة، من خلال مشروعات بتجمع بين التصميم العصري، والخدمات المتكاملة، والتكنولوجيا الحديثة، والحفاظ على البيئة.
رسالة شركة J Communities
بتركز جي كوميونيتيز على تقديم تجارب سكنية وسياحية تهتم براحة وجودة حياة العملاء، وده من خلال:
- تنفيذ مشروعات بجودة ومعايير عالمية.
- استخدام التكنولوجيا والحلول الذكية داخل المشروعات.
- الاهتمام بالاستدامة والمساحات الخضراء.
- بناء علاقات مستمرة مع العملاء والمستثمرين.
طب إيه هي أهداف شركة J Communities؟
بتشتغل J Communities على مجموعة من الأهداف الرئيسية، وأهمها:
- التوسع في قطاعات مختلفة: مش بس السكن والمشروعات السياحية، لكن كمان الرعاية الصحية، والضيافة الفندقية، والمشروعات التجارية والإدارية.
- تطوير مجتمعات ذكية ومستدامة: من خلال زيادة المساحات المفتوحة والمسطحات المائية، واستخدام حلول ذكية لإدارة الطاقة والموارد.
- التوسع الاستثماري: تعزيز وجود الشركة في السوق البريطاني بالتوازي مع السوق المصري.
- اختيار مواقع مميزة للمشروعات: زي سيدي حنيش ومدينة الجلالة، باعتبارهم من المناطق المستهدفة ضمن خطط الشركة.
- تقديم قيمة استثمارية طويلة المدى: من خلال تطوير مشروعات متكاملة تستهدف الحفاظ على قيمة العقار ودعم نموها مع الوقت.
أعضاء مجلس إدارة شركة J Communities
تضم إدارة J Communities مجموعة من القيادات صاحبة خبرة في التطوير العقاري والتشييد والاستثمار، وعلى رأسهم:
- المهندس جرجس يوسف: رئيس مجلس الإدارة والرئيس التنفيذي لشركة J Communities، والمؤسس الرئيسي للمجموعة، وبيمتلك خبرة تتجاوز 25 سنة في مجالات التشييد والبناء والاستثمار العقاري داخل مصر وخارجها.
- الأستاذ رضا يوسف: نائب رئيس مجلس الإدارة، ويشارك في إدارة التخطيط والعمليات الخاصة بالكيانات التابعة للمجموعة.
أبرز شركاء شركة جي كوميونيتيز J Communities
تعتمد J Communities على مجموعة من الشراكات مع شركات متخصصة في التكنولوجيا والاستشارات الهندسية والتصميم واللاندسكيب، بهدف دعم تنفيذ مشروعاتها وتوفير الخدمات والحلول الذكية، ومن أبرز شركائها:
- e& Business: شريك في توفير حلول الاتصالات وتكنولوجيا المعلومات والبنية التحتية الذكية.
- Oko Plan: متخصصة في التخطيط وتصميم وتنفيذ أعمال اللاندسكيب والمساحات الخضراء.
- Emaac Lagoons: متخصصة في تنفيذ البحيرات والمسطحات المائية داخل المشروعات.
- SAG Consulting Group: تقدم خدمات الاستشارات الهندسية والإشراف على أعمال التنفيذ.
- UGHG Investment Group: شريك في الجوانب الاستثمارية والتطويرية للمشروعات.
أبرز مشروعات J Communities في مصر | من الساحل للعاصمة
قدمت J Communities من خلال مشروعاتها السابقة تحت اسم نيوجيرسي للتطوير العقاري مجموعة مشروعات متنوعة بين الساحل الشمالي والعين السخنة والعاصمة الإدارية، ودي أبرز المشروعات اللي نفذتها الشركة:
1- جميلة Jamila Resort – الساحل الشمالي
يعتبر مشروع جميلة Jamila Resort من أبرز مشروعات J Communities في الساحل الشمالي، وبيمتد على مساحة 130 فدان في خليج سيدي حنيش بالكيلو 273.
حوالي 91% من مساحة المشروع مخصصة للمساحات الخضراء والبحيرات واللاندسكيب، وبيضم شاليهات وفيلات مستقلة وتاون هاوس وكبائن شاطئية، بمساحات بتبدأ من 70 متر وبتوصل لأكتر من 250 متر للفيلات الكبيرة، وبالنسبة للأسعار فبتبدأ من حوالي 5.5 مليون جنيه، مع أنظمة سداد بمقدم 5% وفترات سداد بتوصل لـ14 سنة.
2- جورا Jura El Galala – العين السخنة
جورا الجلالة Jura El Galala موجود في مدينة الجلالة جنب مارينا اليخوت الدولية، وبيمتد على مساحة 10 أفدنة، مع شاطئ خاص بطول 180 متر، وكل الوحدات ليها إطلالة على البحر.
المشروع بيضم شقق فندقية وشاليهات ودوبلكس وبنتهاوس، بمساحات بتبدأ من 80 متر للشاليهات، والشقق، وبتوصل لـ220 متر في الدوبلكس، وبتبدأ أسعار جورا حاليًا من حوالي 7.7 مليون جنيه للوحدات كاملة التشطيب والفرش والأجهزة.
3- جرين أفينيو Green Avenue – العاصمة الإدارية
يقع كمبوند جرين أفينيو Green Avenue في الحي السكني السابع R7 بالعاصمة الإدارية، وبيمتد على مساحة 11.6 فدان، مع تخصيص حوالي 78% من مساحة المشروع للمساحات الخضراء والخدمات.
بيضم المشروع شقق سكنية وبنتهاوس ودوبلكس، بمساحات بتبدأ من 158 متر للشقق والبنتهاوس، وبتوصل لـ259 متر، بينما بتبدأ مساحات الدوبلكس والفيلات من 184 متر وبتوصل لـ392 متر، والأسعار بتبدأ من حوالي 6 ملايين جنيه.
4- جينيسيس تاور Genesis Business Tower – العاصمة الإدارية
Genesis Business Tower مشروع متعدد الاستخدامات في منطقة الداون تاون بالعاصمة الإدارية، وبيقام على مساحة حوالي 6,000 متر مربع، منها 3,000 متر مخصصة للبلازا.
المشروع بيضم محلات تجارية ومكاتب إدارية وعيادات طبية وشقق فندقية، وبتبدأ مساحات الوحدات التجارية من 28 متر، بينما بتبدأ الوحدات الإدارية والطبية والفندقية من 30 متر، وبتبدأ الأسعار الاسترشادية من حوالي 3.5 مليون جنيه، وبتختلف حسب نوع الوحدة ونشاطها.
مميزات شركة J Communities | رؤية مختلفة للتطوير العقاري
تعتمد J Communities على رؤية مختلفة للتطوير العقاري، تجمع بين اختيار المواقع الحيوية، والتصميم العملي، وجودة التنفيذ، ودي أبرز مميزات الشركة:
- اختيار مواقع قوية: بتركز الشركة على اختيار مواقع مميزة لمشروعاتها في مناطق زي الساحل الشمالي، العين السخنة والعاصمة الإدارية.
- تنوع المشروعات: بتقدم الشركة مشروعات سكنية وساحلية وتجارية وإدارية، وده بيوفر اختيارات مختلفة للسكن والاستثمار.
- تصميمات عملية: بتهتم J Communities بتقسيم المساحات والتصميمات اللي تجمع بين الاستخدام العملي والشكل العصري.
- مساحات خضراء ولاندسكيب: بتخصص مساحات كبيرة من مشروعاتها للمناطق الخضراء واللاندسكيب والبحيرات والمسطحات المائية.
- شراكات متخصصة: بتعتمد الشركة على التعاون مع شركات متخصصة في الاستشارات الهندسية، اللاندسكيب، التكنولوجيا وتنفيذ المسطحات المائية.
- مجتمعات متكاملة: مشروعات الشركة بتعتمد على توفير مجموعة من الخدمات والمرافق داخل المشروع، بدل ما يكون التركيز على الوحدات السكنية بس.
- خبرة في السوق العقاري: J Communities هي الكيان الرئيسي للمجموعة، مع امتداد خبرة نيوجيرسي للتطوير العقاري في السوق المصري.
J Communities.. وحدتك الجاية ممكن تبدأ من هنا
سواء بتدور على شاليه في الساحل الشمالي، أو وحدة في العين السخنة أو فرصة استثمارية في العاصمة الإدارية، فمشروعات J Communities بتوفر اختيارات مختلفة تناسب احتياجاتك وميزانيتك، وتقدر تتواصل معانا في سيفا بروبرتيز وهنعرفك أحدث الأسعار وأنظمة السداد والوحدات المتاحة، وهنساعدك تختار الوحدة الأنسب ليك.