في سوق العقارات المصري، الشركات اللي بتسيب بصمة حقيقية مش اللي بتبني أكتر بس، لكن اللي بتعرف تجمع بين الخبرة، والتخطيط، والرؤية طويلة المدى، وده بالضبط اللي عملته Arkan Palm Development من خلال شراكة جمعت بين اسمين من أقوى الأسماء في السوق وهما أركان للتطوير العقاري وPalm Hills Developments.
التحالف ده مكنش مجرد تعاون عادي، لكنه محاولة لبناء مشروع يغير شكل التطوير في غرب القاهرة، وكانت النتيجة هي إطلاق مشروع 205 الشيخ زايد ، وده واحد من أضخم المشروعات متعددة الاستخدامات في المنطقة، لأنه مقام على مساحة حوالي 205 فدان، باستثمارات ضخمة وصلت لحوالي 75 مليار جنيه.
وفي المقال ده هنتعرف بشكل تفصيلي على شركة Arkan Palm، وأهم مشروعاتها، وتفاصيل مشروع 205 الشيخ زايد، وأنواع الوحدات، والأسعار، وأنظمة السداد، وكمان هل الشركة فعلًا تعتبر واحدة من أقوى المطورين العقاريين في غرب القاهرة حاليًا ولا لأ.
إمتى اتأسست شركة أركان بالم للتطوير العقاري؟
شركة Arkan Palm Development ظهرت بشكل رسمي مع إطلاق مشروعها الضخم 205 الشيخ زايد، لكن الحقيقة إن الشركة نفسها جاية من تعاون وخبرة مشتركة ممتدة لأكتر من 12 سنة بين أركان للتطوير العقاري وPalm Hills Developments.
التحالف ده مكنش وليد لحظة، لكنه نتيجة شراكة طويلة بين الطرفين في قطاع التطوير والاستثمار العقاري، لحد ما تم الإعلان عن تأسيس الكيان المشترك بشكل رسمي لإطلاق مشروعات ضخمة بمفهوم مختلف في غرب القاهرة، ووراء Arkan Palm اسمين من أقوى الأسماء في السوق العقاري المصري وهم:
- مجموعة بدر الدين: المالكة لمشروعات أركان، واللي تعتبر من أقدم المجموعات العقارية في مصر من السبعينيات، واشتهرت بمشروعات قوية زي أركان بلازا وسلسلة الكارما.
- شركة Palm Hills Developments: ودي واحدة من أكبر شركات التطوير العقاري في مصر، واتأسست سنة 2005 على يد رجل الأعمال ياسين منصور، وقدرت تطور مشروعات ضخمة في شرق وغرب القاهرة والساحل الشمالي.
التحالف بين الخبرة التجارية والإدارية لأركان، والخبرة السكنية الكبيرة لبالم هيلز، كان الهدف منه تقديم مشروعات متكاملة بمستوى مختلف، وده اللي بدأ يظهر فعلاً في مشروع 205 الشيخ زايد باعتباره أول وأكبر مشروعات الشركة.
اقرأ أيضا عن: دليلك الشامل لأفضل المطورين في التجمع الخامس 2026
رؤية الشركة في السوق العقاري المصري
من أول مشروع أعلنت عنه الشركة، كان واضح إن Arkan Palm Development عندها فلسفة مختلفة في السوق العقاري، وهي إن الفكرة مش قائمة على طرح عدد كبير من المشروعات بسرعة، لكن على تطوير مشروع ضخم ومتكامل بجودة عالية وتفاصيل مدروسة.
الشركة بتركز على مفهوم “الكيف قبل الكم”، وده ظهر بوضوح في مشروع 205 الشيخ زايد، اللي اتصمم ليكون مجتمع متكامل يجمع بين السكن، والأعمال، والخدمات في مكان واحد، وبمستوى أقرب للمشروعات العالمية الحديثة.
هدف Arkan Palm مش مجرد بناء وحدات سكنية، لكن تقديم تجربة حياة متكاملة تعيد تعريف فكرة السكن الراقي والاستثمار في غرب القاهرة، خصوصًا في منطقة الشيخ زايد اللي بقت واحدة من أهم مناطق النمو العقاري في مصر.
اقرأ أيضا عن: أبرز مشاريع الشيخ زايد وأنواع الوحدات والأسعار
حجم استثمارات شركة Arkan Palm Development
رغم إن شركة Arkan Palm Development تعتبر كيان حديث نسبيًا، لكن حجم الاستثمارات اللي دخلت بيه السوق كان ضخم جدًا من البداية، فمثلاً مشروع 205 الشيخ زايد لوحده وصلت استثماراته لحوالي 75 مليار جنيه مصري، وده بيخليه واحد من أكبر المشروعات متعددة الاستخدامات في غرب القاهرة.
المشروع حصل كمان على تمويلات من عدد من البنوك الكبرى في مصر، وده مؤشر مهم على قوة المشروع وثقة القطاع المصرفي فيه، ومن أبرز جهات التمويل:
- البنك المصري لتنمية الصادرات اللي موله بحوالي 650 مليون جنيه.
- بنك الإسكان والتعمير وموله بحوالي 300 مليون جنيه.
- المصرف المتحد بحوالي 250 مليون جنيه.
- بنك السويس اللي موله بحوالي 150 مليون جنيه.
- بالإضافة لتمويلات وشراكات بنكية أخرى.
ليه تعتبر Arkan Palm Development من الشركات البارزة في السوق؟
السبب اللي خلى Arkan Palm Development تلفت الانتباه بسرعة في السوق العقاري المصري إن الشركة من البداية ماشتغلتش بعقلية “كمبوند تقليدي”، لكن بعقلية تطوير مشروع متكامل بمستوى مختلف في غرب القاهرة، ودي أهم الحاجات اللي خليتها مميزة:
1- فلسفة الشركة في التصميم والتطوير
أركان بالم بتعتمد على تصميمات معمارية عصرية مستوحاة من الطراز الأوروبي الحديث، مع لمسات تناسب طبيعة الحياة في مصر، وده ظهر بشكل واضح في مشروع 205 الشيخ زايد، اللي صممه المهندس المعماري المعروف رائف فهمي، وده واحد من أبرز الأسماء في السوق العقاري المصري.
المشروع كمان قائم على فكرة الفصل الذكي بين المناطق السكنية والخدمية، من خلال نهر صناعي بطول حوالي 2 كيلومتر بيفصل أجزاء المشروع، وده بيوفر خصوصية وهدوء أكبر للسكان.
2- جودة التنفيذ والشراكات القوية
من الحاجات اللي بتدي ثقة أكبر في الشركة إن المشروع معتمد على شراكات وتمويلات قوية، مش مجرد حملة تسويقية، كمان الشركة استعانت بتمويل من 5 بنوك ومؤسسات مالية كبرى، ومجموعة فنادق IHG العالمية لإدارة الجزء الفندقي، وشركات استشارية وهندسية كبيرة لضمان جودة التنفيذ، وده بيدي مؤشر إن الشركة بتركز على التنفيذ الفعلي والجودة طويلة المدى.
3- اختيار المواقع الاستراتيجية
أركان بالم بتركز جدًا على اختيار المواقع، وده واضح في مشروع 205 اللي موجود مباشرة على محور 26 يوليو، والمميز بواجهة ضخمة على طريق البستان، وقريب جدًا من أهم معالم الشيخ زايد وغرب القاهرة زي هايبر وان ومول العرب وأركان بلازا وطريق مصر إسكندرية الصحراوي، وده من أقوى المواقع الاستثمارية حاليًا في غرب القاهرة.
4- مشروع متكامل مش مجرد كمبوند
واحدة من أكبر نقاط قوة الشركة إنها بتقدم مشروع متعدد الاستخدامات، مش مجرد سكن فقط، فمثلاً مشروع 205 بيجمع بين وحدات سكنية ومناطق تجارية ومكاتب إدارية وعيادات طبية وفنادق فاخرة ومدرسة دولية ومستشفى متكامل، وده بيخلق مجتمع متكامل فعلاً، بيخدم السكان والمستثمرين في نفس الوقت.
أبرز مشروعات شركة أركان بالم للتطوير العقاري
1- مشروع 205 Arkan Palm الشيخ زايد
ده المشروع الأكبر والأهم في محفظة أركان بالم، وبصراحة هو السبب الرئيسي اللي خلى الناس تعرف الشركة دي، والمشروع موجود في قلب الشيخ زايد مباشرة على محور 26 يوليو وطريق البستان، بواجهتين رئيسيتين على أهم محاور المنطقة، وده بيديه قيمة استثمارية وموقع استثنائي.
المشروع كمان قريب جدًا من أهم معالم غرب القاهرة لأنه على بعد:
- 5 دقائق من هايبر وان.
- 3 دقائق من مول العرب.
- 10 دقائق من مستشفى دار الفؤاد وجامعة النيل.
- حوالي 45 دقيقة من القاهرة الكبرى.
طب إيه هي مساحة المشروع والتقسيم العام؟
المشروع ممتد على مساحة ضخمة بتصل لـ 205 فدان، وده رقم كبير جدًا بالنسبة لمنطقة الشيخ زايد، وحوالي 50 فدان مخصصين للجزء السكني الفندقي، والباقي موزع بين المساحات الخضراء، والمناطق التجارية والإدارية، والخدمات المختلفة.
إيه هي مراحل ومكونات المشروع؟
- Canal Walk — كانال ووك: ودي المنطقة السكنية الفندقية داخل المشروع، وبتضم 21 برج سكني بإطلالات مباشرة على نهر صناعي بطول 2 كيلومتر، وفيها شقق بتبدأ من 108 م² وحتى 253 م²، وبنتهاوس من 268 م² حتى 305 م².
- The Quad — الكواد: وعبارة عن منطقة إدارية مكونة من 4 مبانٍ على مساحة حوالي 7,253 م²، بمكاتب تبدأ من 121 م² وتسليم Core & Shell.
- The Angel — ذا أنجل: وده مجمع إداري ضخم على مساحة 75,000 م²، ومكون من مبانٍ بارتفاع 7 طوابق، والمكاتب بتبدأ من 196 م².
- المجمع الطبي — Medical Complex: ودي وحدات وعيادات طبية بمساحات بتبدأ من 225 م²، والأسعار بتبدأ من حوالي 22 مليون جنيه.
- Crowne Plaza Towers: وعبارة عن 3 أبراج فندقية شاهقة بارتفاع يصل لـ 150 متر و46 طابق، وبتكون تحت إدارة فنادق IHG العالمية.
ليه مشروع 205 Arkan Palm من أقوى مشاريع غرب القاهرة؟
اللي بيميز 205 إنه مش مجرد كمبوند سكني، لكنه مشروع متكامل يجمع بين السكن، والإدارة، والفندقة، والخدمات في مكان واحد، مع إدارة فندقية عالمية وموقع مباشر على محور 26 يوليو، كمان حجم المشروع الضخم، والشراكات القوية، والتمويل البنكي الكبير، بيخلّوه من أصعب المشروعات المنافسة أو التقليد في نفس الفئة داخل غرب القاهرة.
2- مشروع One33 — السادس من أكتوبر
كمبوند One33 من أحدث المشروعات السكنية التابعة لشركة Arkan Palm Development، وبيمتد على مساحة ضخمة تصل إلى 133 فدان في مدينة 6 أكتوبر. المشروع متصمم بفكرة المجمعات السكنية المنفصلة (Cluster Style)، بحيث تكون كل مجموعة مبانٍ محاطة بمساحات خضراء وحدائق واسعة توفر خصوصية وهدوء أكبر للسكان، كمان بيقدم وحدات متنوعة تشمل الشقق والاستوديوهات بمساحات مختلفة تبدأ من وحدات غرفة واحدة، وده بيخليه مناسب لفئات متعددة سواء للسكن أو الاستثمار.
اقرأ أيضا عن: أهم مشاريع 6 أكتوبر وأنواع الوحدات والأسعار
أنواع الوحدات اللي Arkan Palm Development بتقدمها
شركة أركان بالم بتقدم تنوع واضح في أنواع الوحدات داخل مشروعاتها، وده بيخدم شرائح مختلفة من العملاء سواء للسكن أو الاستثمار، خصوصًا في مشروعات زي 205 الشيخ زايد وOne 33 ومشروعات الكرمة، ودي أهم الوحدات اللي الشركة بتوفرها:
- الشقق السكنية: ودي الجزء الأساسي في أغلب مشروعات أركان بالم، وبتتميز بتنوع كبير في المساحات، ففي مشروع 205 الشيخ زايد هتلاقي غرفة واحدة بمساحات تبدأ من 108 إلى 122 م²، وغرفتين من 131 إلى 179 م² و3 غرف بمساحات من 173 إلى 253 م²، وفي كارما ريزيدنس بتوصل المساحات من 129 إلى 296 م²، وده بيوفر اختيارات مرنة للأفراد والعائلات.
- الدوبلكس: وده متوفر بشكل واضح في مشروع 205، بمساحات بتبدأ من حوالي 155 م² (غرفتين) وبتوصل لـ 320 م² (3 غرف)، وكمان موجود في بعض مشروعات الكرمة، والفكرة هنا إنه بيدي إحساس الفيلا لكن بسعر أقل، وده مناسب جدًا للعائلات اللي عايزة مساحة وخصوصية أعلى.
- الفيلات: بمساحات كبيرة بتبدأ من حوالي 316 م² وبتوصل لـ 625 م²، والنوع ده موجه للعائلات الكبيرة اللي بتدور على مستوى حياة أعلى وخصوصية كاملة.
- الوحدات التجارية: بتتواجد في أجزاء من مشروع 205، وبتتنوع ما بين محلات، ومطاعم، وكافيهات، وبتعتبر فرصة استثمارية بسبب الموقع الحيوي وكثافة الزوار.
- الوحدات الإدارية: وموجودة بشكل قوي داخل مشروع 205 في منطقتين رئيسيتين وهم The Quad ومساحتها بتبدأ من 121 م² وThe Angel ومساحتها بتبدأ من 196 م²، والوحدات دي بتتسلم Core & Shell، وده بيدي مرونة كاملة للشركات في التشطيب حسب احتياجها.
- الوحدات الطبية: وموجودة داخل المجمع الطبي في 205، وبتبدأ مساحات العيادات فيها من حوالي 225 م² وبأسعار بتبدأ من 22 مليون جنيه تقريبًا، والهدف منها هو خدمة القطاع الطبي داخل مشروع متكامل، وده بيرفع قيمة الاستثمار فيها.
أنظمة السداد في مشروعات شركة أركان بالم (Arkan Palm)
شركة أركان بالم (Arkan Palm) بتقدم أنظمة سداد مرنة بتناسب فئات مختلفة من العملاء، وده بيكون جزء أساسي من استراتيجيتها في تسهيل شراء الوحدات رغم ارتفاع قيمة المشروعات، وبشكل عام، المقدم بيبدأ من حوالي 5% إلى 10% من إجمالي سعر الوحدة، مع وجود بعض الحالات اللي بيكون فيها المقدم أعلى حسب نوع الوحدة أو المرحلة المطروحة داخل المشروع.
بعد كده بيتم تقسيط باقي المبلغ على فترات طويلة بتتراوح غالبًا بين 5 سنوات و7 سنوات في المشروعات الأساسية، وبتوصل في بعض المشروعات زي One33 إلى 8 سنوات وقد تمتد حتى 12 سنة في بعض الخطط المرنة.
وفي مشروع 205 الشيخ زايد تحديدًا، أنظمة السداد بتختلف حسب المرحلة، لكن أغلبها بيبدأ بمقدم حوالي 10%، مع تقسيط من 5 إلى 7 سنوات، وفي بعض المراحل الخاصة ممكن يكون في مقدم أقل زي 5% أو أعلى زي 15% حسب نوع الوحدة (سكني أو إداري أو طبي).
كمان الشركة بتوفر خصم كاش قوي ممكن يوصل إلى حوالي 28% في حالة الدفع الفوري، وده بيكون خيار مناسب للمستثمرين اللي عايزين يقللوا التكلفة الإجمالية.
هل أسعار الشركة مناسبة مقارنة بالسوق؟
بصراحة ومن غير مبالغة، أسعار أركان بالم مقارنة بالسوق في الشيخ زايد تعتبر “فوق المتوسط إلى فئة الـ premium”، وده مش عيب قد ما هو انعكاس مباشر لطبيعة المشروع نفسه.
فمثلاً مشروع زي 205 الشيخ زايد مش بيتقارن بالمشروعات السكنية العادية، لأنه بيقدم فكرة مدينة متعددة الاستخدامات + إدارة فندقية + موقع مباشر على محور 26 يوليو، وده بيخليه داخل فئة أسعار أعلى من أغلب كمبوندات زايد، وفعليًا أسعار الشقق فيه بتبدأ من حوالي 17 مليون جنيه وتوصل لأكتر من 80 مليون في الوحدات الكبيرة، وده بيحطه في شريحة استثمارية مش سكن تقليدي.
لكن لو بصينا على السوق في نفس المنطقة، هنلاقي إن في مشاريع تانية في زايد أسعارها أقل بفرق واضح، لأنها أقل في عنصر “البراند + الخدمات + الإدارة الفندقية”.
أما مشاريع زي One33 فهي فعلًا أقل شريحة من 205، وبتدي فرصة دخول أوسع، وده بيخليها مناسبة أكتر للـ upper middle class مقارنة بالمشروع الرئيسي.
كل ده معناه إن أركان بالم مش أرخص اختيار في السوق، لكنها بتقدم “قيمة أعلى مقابل سعر أعلى”، وبالتالي هي مناسبة أكتر للي بيقارن بالجودة والموقع والعائد الاستثماري مش مجرد سعر المتر.
هل الاستثمار في مشروعات أركان بالم مربح؟
الاستثمار في مشروعات أركان بالم (Arkan Palm) يعتبر من الاستثمارات القوية في السوق العقاري المصري، خصوصًا في فئة المشروعات الفاخرة في غرب القاهرة، وبالتحديد مشروع 205 الشيخ زايد اللي بيُعد نموذج استثماري مختلف عن الكمبوندات السكنية التقليدية.
قوة الاستثمار هنا جاية من فكرة إن المشروع مش مجرد سكن، لكن مدينة متكاملة فيها سكني + إداري + تجاري + طبي + فندقي، وده بيخلق طلب مستمر على الإيجار وإعادة البيع.
كمان مشروع 205 تحديدًا بيتميز بوجود جزء فندقي تحت إدارة InterContinental IHG، وده بيفتح باب مهم جدًا للاستثمار وهو التأجير الفندقي والإداري بعائد ثابت نسبيًا بدون ما المالك يدير الوحدة بنفسه، وده نفس النموذج اللي ناجح في أسواق عالمية زي دبي وبيروت. بالإضافة إلى وجود منطقة أعمال قوية ومكاتب وشركات وعيادات، وده بيخلق حركة تشغيل حقيقية داخل المشروع مش مجرد سكن فقط.
أما من ناحية السوق، فالشيخ زايد عمومًا من المناطق اللي أسعارها في ارتفاع مستمر، وده بيخلي الاستثمار في أركان بالم فرصة قوية لتحقيق زيادة رأسمالية (Capital Appreciation) مع الوقت، بجانب العائد الإيجاري اللي ممكن يكون أعلى من المتوسط في غرب القاهرة بسبب الطلب المرتفع على المنطقة.
ولو عايز تعرف بشكل أدق حجم العائد المتوقع أو تقارن بين فرص الاستثمار المختلفة داخل المشروع، تقدر تستخدم حاسبة الاستثمار العقاري من SIVA Properties عشان تحسب العائد الإيجاري ونسبة نمو الاستثمار بشكل أوضح قبل اتخاذ القرار.
ليه تستثمر في شركة Arkan Palm؟
- شراكة قوية جدًا في السوق: أركان بالم ناتجة عن تحالف بين خبرات كبيرة في السوق العقاري المصري (أركان + بالم هيلز)، وده بيدي قوة تنفيذ وثقة أعلى في تسليم المشروعات.
- مشروع 205 نموذج استثماري متكامل: لأن المشروع ده مش سكن بس، لكنه مدينة فيها سكني وإداري (مكاتب وشركات) وطبي (عيادات ومجمع طبي) وتجاري (محلات ومولات) وفندقي (تحت إدارة InterContinental).
- دخل إيجاري مستمر: وجود شركات وبنوك ومكاتب وفندق داخل المشروع بيخلق طلب دائم على الإيجار، سواء للوحدات السكنية أو الإدارية.
التحديات أو العيوب في الاستثمار مع أركان بالم
- ارتفاع سعر الدخول: الأسعار في المشروعات بتبدأ من حوالي 15.5 مليون جنيه وبتوصل لأكتر من 80 مليون جنيه، وده بيخليها مناسبة لفئة المستثمرين الـ Premium فقط.
- استثمار طويل الأجل: التسليم في بعض المشروعات ممكن يمتد لسنوات (أحيانًا 2028–2029)، وده معناه إن العائد مش فوري وعايز صبر.
- التزامات مالية مرتفعة: رغم أنظمة السداد المرنة (5% إلى 10% مقدم وتقسيط حتى 12 سنة في بعض الحالات)، إلا إن الأقساط الشهرية أو الدورية ممكن تكون مرتفعة نسبيًا.
- اختيار الوحدة مهم جدًا: لأن مش كل الوحدات نفس العائد؛ اختيار موقع الوحدة داخل المشروع بيأثر بشكل كبير على الاستثمار والإيجار.
الفئة التي تناسبها مشروعات شركة أركان بالم
- المستثمرون: الباحثون عن عائد إيجاري منتظم من وحدات سكنية أو فندقية أو إدارية، خصوصًا مع وجود إدارة احترافية داخل المشروع.
- رجال الأعمال: اللي بيدوروا على مكاتب إدارية أو مقرات عمل مميزة على محور 26 يوليو داخل مشروع متكامل وخدماته جاهزة.
- العائلات: اللي بتبحث عن مستوى معيشة فندقي راقٍ في قلب غرب القاهرة مع خدمات متكاملة وأمان عالي.
- الأطباء والمتخصصين: اللي عايزين عيادات داخل مجمع طبي متكامل يضمن حركة عملاء مستمرة وموقع استراتيجي قوي.
أهم النصائح قبل الشراء في الشركة
دلوقتي هنقولك مجموعة من النصائح اللي هتفيدك لو قررت تشتري من الشركة:
- متتأكدش من السعر مرة واحدة: الأسعار بتتغير بشكل مستمر، وبعض الوحدات أو المراحل ممكن تكون خلصت أو اتحدثت أسعارها، فدايمًا راجع آخر تحديث رسمي.
- اسأل عن موعد التسليم الحقيقي: مهم جدًا تعرف أنت بتشتري في مرحلة إنشائية ولا جاهزة، لأن ده بيأثر على الخطة الاستثمارية.
- افهم نظام الإدارة الفندقية كويس: خصوصًا في الوحدات اللي تحت إدارة فندقية زي إنتركونتيننتال، لازم تحسب العائد بعد خصومات الإدارة والعمولات.
- قارن بين أنواع الوحدات حسب هدفك: هل هدفك سكن؟ استثمار؟ إيجار؟ كل نوع له عائد مختلف ومخاطرة مختلفة.
- متشتريش من الكاتالوج بس: الأفضل تزور المشروع على أرض الواقع وتشوف الموقع والخدمات قبل اتخاذ القرار النهائي.
الخاتمة
شركة أركان بالم مش مجرد مطور عقاري تقليدي، لكنها نموذج لتحالف قوي بين خبرات كبيرة في السوق، وهدفه تقديم مشروع متكامل زي 205 الشيخ زايد.
اللي بيميزها إنها بتستهدف فئة محددة وهم الناس اللي بتدور على استثمار طويل المدى أو سكن فندقي راقي في موقع استراتيجي جدًا في غرب القاهرة.
ولو عندك سؤال عن مشروع معين أو محتاج مقارنة بين وحدات أركان بالم، تقدر تتواصل مع فريقنا وهيساعدك تختار الأنسب ليك سواء للسكن أو الاستثمار.
الأسئلة الشائعة عن شركة أركان بالم (Arkan Palm Development)
أبرز مشروعات الشركة تشمل 205 الشيخ زايد وهو المشروع الرئيسي والأضخم، بالإضافة إلى أركان بلازا مول، وكمبوند كيان، وسلسلة الكرمة (The Karma)، وكارما ريزيدنس، وكمبوند One 33 في 6 أكتوبر.
أركان بالم هي تحالف استراتيجي بين شركة أركان للتطوير العقاري (تابعة لمنظومة بدر الدين) وشركة بالم هيلز للتطوير العقاري، يعني مش شركة فرد واحد، لكنها كيان ناتج عن شراكة بين اسمين كبار في السوق.
مفيش شركة أم واحدة بشكل مباشر، لأن أركان بالم كيان مشترك، لكن فيه ارتباط قوي بمنظومة بدر الدين للتطوير العقاري من ناحية مشروعات زي أركان بلازا والكرمة وكيان، مع شراكة أساسية مع بالم هيلز كمطور رئيسي في التحالف.
الشركة اتأسست بشكل رسمي مع إطلاق مشروع 205 الشيخ زايد، لكن الفكرة نفسها جاية من تحالف وخبرة ممتدة أكتر من 12 سنة بين الشركاء قبل الإعلان الرسمي.
المشروع الأساسي لأركان بالم هو 205 الشيخ زايد، لكن تحت المنظومة المرتبطة بيها (بدر الدين وأركان) تم تطوير أركان بلازا مول وكيان وسلسلة الكرمة وكارما ريزيدنس ومشروع One 33.
أيوة، الأنظمة بشكل عام بتبدأ من مقدم حوالي 5% إلى 10%، وتقسيط من 5 سنوات لحد 8 أو 12 سنة حسب المشروع