ساوث ميد الساحل الشمالي | كل المعلومات عن مشروع طلعت مصطفى الجديد

سمعت عن مشروع طلعت مصطفى الجديد في الساحل الشمالي ساوث ميد South Med North Coast ؟

محتار تستثمر فيه ولا في مشروعات تانية ؟

أو سمعت معلومات مختلفة ومحتاج تفاصيل دقيقة عن ساوث ميد؟

في المقال ده هنقول لك بالتفصيل كل المعلومات اللي تخص مشروع طلعت مصطفى الجديد في الساحل الشمالي، واللي هتكون دقيقة بنسبة كبيرة جدًا هتساعدك تاخد قرارك في الاستثمار في المشروع من عدمه، أو على الأقل هتكون عندك المعلومة الصحيحة اللي تخص ساوث ميد طلعت مصطفى في الساحل الشمالي. ومن أهم النقاط اللي هنتكلم عنها في المقال:

موقع المشروع.
مساحة المشروع.
الخدمات المتوقع تواجدها.
الأسعار المطروحة وأنظمة السداد.
نبذة عن انجازات المطور العقاري.
العيوب المحتملة للمشروع.

موقع مشروع طلعت مصطفى في الساحل الشمالي:

بعد الإعلان عن تفاصيل مشروع ساوث ميد الساحل الشمالي، واللي كان من المتوقع كونه في رأس الحكمة، لكن احتار الناس في تحديد موقعه هل هو تابع لمنطقة الضبعة؟! أو منطقة سيدي عبدالرحمن؟!

وده لأن المطور العقاري للمشروع أعلن عن موقعه تحديدًأ بين الكيلو 165 والكيلو 170 من طريق الإسكندرية مطروح.

وفي كل الأحوال فإن موقع مشروع ساوث ميد الساحل الشمالي هيكون مميز في حيويته وجيرانه بالإضافة لكونه منطقة جذب استثمارية وسياحية حاليًا بسبب تعاقدات مشروع تطوير رأس الحكمة.

ومن أهم مميزات موقع مشروع ساوث ميد طلعت مصطفى الجديد في الساحل هو قربه من مطار العلمين، واللي بيبعد عنه مسافة 15 دقيقة فقط. وده هيكون مهم لجذب السياحة الأجنبية واللي هيسهل وصول الأجانب للمشروع سواء لقضاء الاجازات أو للاستثمار. وهيكون في المشروع عامل مساعد تاني لجذب الأجانب هنذكره فيما بعد في باقي المقال.

ساوث ميد بمساحة شاسعة، مدينة كاملة على أرض الساحل:

على مدار السنين اللي فاتت شهدنا نجاح مدن كبيرة أنشأتها شركة طلعت مصطفى جروب للتطوير العقاري واللي منها:

الرحاب.
مدينتي.

واللي اتعرفوا وانتشروا انتشار سريع جدًأ بين المصريين والأجانب سواء من الخليج أو غيره، وأصبح ليهم عملاء مخصوصين بيدوروا عليهم عشان يمتلكوا فيهم مهما مر عليهم من الوقت وده بسبب مميزات معينة بتقدمهالم المشروعات دي والشركة المطورة.

ودلوقت طلعت مصطفى في الساحل الشمالي قررت انشاء مشروع ساوث ميد واللي ميعتبرش مجرد قرية سياحية ولكن مدينة كاملة على أرض الساحل بسبب مساحتة الكبيرة جدًا. وده يعتبر أول مشروع من نوعه كمدينة كبيرة في الساحل الشمالي.

مساحة ساوث ميد الساحل الشمالي تقدر بحوالي 5535 فدان تقريبًا. ودي تعتبر ضعف مساحة بعض المدن جوا القاهرة الجديدة. وهنا نقدر نعرف ان المدينة هتكون مشابهة للرحاب ومدينتي كمشروعات من تطوير نفس الشركة، باختلاف ظروف وطبيعة المكان والغرض المبنية عشانه.

طول الشاطئ في ساوث ميد هيقدر بحوالي 8 كيلو متر، مع عمق 7 كيلو لكامل القرية. ونقدر نتوقع عدد الوحدات في مدينة كبيرة زي ساوث ميد واللي ممكن يتخطى ال 6000 وحدة بمختلف الأنواع والمساحات. وهتكون مقسمة لمراحل تنفصل فيها أنواع الوحدات المختلفة كنوع من النظام.

مساحة شاسعة ومدينة كبيرة في الساحل، يا ترى خدماتها هتكون عاملة ازاي!

أهم الخدمات في ساوث ميد الساحل الشمالي:

معروف عن شركة طلعت مصطفى للتطوير العقاري ومشروعاتها اهتمامهم الشديد بكل الخدمات من أكبرها لأصغرها، وحرصهم على توفير كافة الخدمات في أي مشروع بتنفذه.

وفي ساوث ميد الساحل الشمالي هيتم توفير خدمات المدينة الساحلية المتكاملة اللي مش هيدفعك للخروج منها غير الضرورة!

ومن أهم مميزات المشروعات اللي بتنفذها الشركة المطورة لمشروع ساوث ميد هو اهتمامها بالأخص بالمساحات الخضراء والمسطحات المائية وحرصها على انتشارهم في المشروع بشكل كبير بحيث ميكونش في مساحة تخلو منهم حتى لو هتكون غير مستغلة أو غير مستخدمة. وده ظهر في كمية المساحات الخضراء المنتشرة في مدينتي والاهتمام بيها بشكل خاص.

أما عن أهم الخدمات المتوقع توافرها في ساوث ميد الساحل الشمالي ف هي:

مارينا عالمية هتكون مستعدة لاستقبال يخوت وسفن سياحية عالمية، وهتكون العامل الأساسي لجذب السياحة الأجنبية للمشروع وتسهل وصولهم.
مجموعة فنادق بإدارات عالمية.
مطاعم وكافيهات منتشرة وبأذواق مختلفة.
مولات ومناطق تجارية تغطي احتياجات كل سكان ساوث ميد.
وحدات بإدارة عالمية هتكون مسؤولة عن جذب السياح طوال السنة.
ملاعب رياضية وأماكن مخصصة للجولف.

بالإضافة لخدمات مميزة ترفيهية وأساية هتساعد في تكامل خدمات المدينة وتوصلها للعالمية.

اشتري ايه في ساوث ميد طلعت مصطفى؟!

مشروع ساوث ميد الساحل الشمالي بمساحته الكبيرة جدًا هيكون مقسم لعدة مراحل وهي:

مرحلة Vida.
مرحلة Veronica.
مرحلة Solan.
مرحلة Bliss.
مرحلة Elora.

والمتوقع يكون من بعض المراحل منهم مراحل للشاليهات ومراحل للفيلات وتكون منفصلة عن بعضها عشان تضمن النظام وعدم التكدس. و أغلب الوحدات هتتمتع بإطلالات مميزة على اللاجون أو اللاند سكيب حسب اختيار العملاء.

أما عن الوحدات المتوفرة في ساوث ميد الساحل فهتكون متنوعة وبمساحات مختلفة منها:

شاليهات.
دوبليكس.
بنتهاوس.
توين هاوس.
فيلات مستقلة.

ساوث ميد الساحل ومنافسة على الأفضلية بأسعار أعلى نسبيًا:

بعد طرح الوحدات في ساوث ميد وبدء البيع في المشروع بيبدأ العملاء يقارنوا بين المشروعات المتاحة على الساحة العقارية ويختاروا منها الأنسب ليهم واللي هيكون أعلى في العائد من حيث الاستثمار.

وهنا بيشوف بعض العملاء ان أسعار مشروع ساوث ميد في الساحل الشمالي أسعاره أعلى نسبيًا من باقي السوق حواليه وبتختلف الحسابات من شخص لآخر حسب تصنيفه للمشروع ولأولوياته في الاختيار. وهنلاقي ان الأسعار المطروحة في ساوث ميد طلعت مصطفى بتبدأ من:

13 مليون جنيه للشاليهات واللي ممكن تبدأ مساحتها من 73 متر.
34 مليون جنيه للفيلات.

أما عن أنظمة السداد ف اختلفت شركة طلعت مصطفى عن باقي الشركات في الساحة العقارية في انها طرحت أنظمة سداد بفترات سداد أطول بتوصل ل 10 و 12 سنة، ودي بتكون عامل جذب لبعض العملاء اللي بيهتموا بطول فترة السداد في المشروع.

عن المطور العقاري لساوث ميد الساحل الشمالي:

طلعت مصطفى جروب للتطوير العقاري تعتبر من أشهر المطورين في مصر والعالم واللي بينتظر العملاء مشروعاتها المميزة في كل الأوقات. الشركة متواجدة على الساحة العقارية من أكتر من 50 سنة. وأثبتت مصداقيتها للعملاء واشتهرت بسبب التزامها واقديمها لمشروعات مميزة منها:

مشروع كمبوند نورالعاصمة الإدارية.
كمبوند سيليا العاصمة الإدارية الجديدة.
مدينتي القاهرة الجديدة.
مدينة الرحاب القاهرة الجديدة.
مشروع الربوة الشيخ زايد.
مشروع فرجينيا بيتش الساحل الشمالي.

العيوب المحتملة لمشروع ساوث ميد طلعت مصطفى:

مشروع ساوث ميد الساحل الشمالي زي باقي المشروعات المطروحة على الساحة العقارية بالتأكيد له مميزات وله عيوب، وبيختلف تقدير العيوب من عميل لآخر حسب أولوياته في الاختيار. ولكن هنوضح بعض النقط اللي ممكن يعتبرها العملاء عيوب في المشروع واللي منها:

صغر مساحة الشاطئ واللي ييقدر بحوالي 8 كيلو متر، مقارنة بمساحة المشروع ككل، وهنا بنتوقع ان العملاء مش هيقدروا يستمتعوا بشاطئ البحر واللي بيهتم بيه زوار الساحل الشمالي بسبب صغر مساحته واللي بالتأكيد هتتأثر أكتر بوجود المارينا والفنادق.
بعض العملاء بيشتكوا من مستوى تشطيب الوحدات في مشروعات سابقة زي مدينتي والرحاب ولكن دي نقطة بتختلف حسب درجة اهتمام كل عميل عن الآخر.
ارتفاع عدد الوحدات في المشروع واللي بتقلل شوية من نسبة إعادة البيع وفرصة الربح للعملاء واللي مهما زاد الطلب على المشروع مش بيكون ظاهر بسبب كثرة الوحدات اللي بتكون معروضة.

أين يقع مشروع ساوث ميد طلعت مصطفى؟