الاستثمار العقاري في الوقت الحالي أصبح مش مقتصر على العقارات السكنية فقط، وبعد ما اتكلمنا في مقال سابق عن أفضل نصائح لبداية الاستثمار في مصر، هنتكلم بتفصيل أكثر عن الاستثمار العقاري في العقارات التجارية بالخصوص. لو لسه محتار في اختيارك لنوع الاستثمار الأنسب ليك وبتفكر تعرف أكتر عن العقارات التجارية تابع قراءة المقال ده، واللي هنتكلم فيه عن:
- أهمية العقارات التجارية في السوق المصري.
- أهم مميزات الاستثمار في العقار التجاري.
- تحديات الاستثمار في العقار التجاري.
- نصائح لاستثمار ناجح في العقارات التجارية.
الاستثمار في العقار التجاري هو نوع الاستثمار اللي بتمتلك فيه وحدة غير سكنية زي المحلات التجارية أو المكاتب وتبدأ بتأجيرها عشان توفرلك عائد مجزي يزود رأس مالك وتقدر تواصل استثمارك بنفس الطريقة أو بطرق تانية. والاستثمار العقاري في الوحدات التجارية مربح جدًا ومجزي، ولكن بشرط التحقق الجيد من كل العناصر والدراسات اللي هتساعدك على تحقيق معادلة الاستثمار العقاري الناجحة واللي تقدر تعرف عنها أكتر من هنا.
أهمية العقارات التجارية في السوق العقاري المصري:
العقارات التجارية في السوق العقاري المصري من أهم الأصول اللي بتساعد في إيجابيات كتير جدًا وبيؤثر على الاقتصاد بشكل كبير وده بيضمن استمرارية وجودها والإقبال عليها ومن أهم المميزات اللي بتقدمها الوحدات التجارية للسوق المصري:
- تنمية الاقتصاد: العقارات التجارية بتساهم بشكل كبير جدًا في تنمية الاقتصاد للإنها بتستخدم في أنشطة بتحرك اللسوق زي البيع والشراء وده بيعمل انتعاش للحركة الاقتصادية في السوق ككل.
- تنمية عمرانية: استمرار تواجد وإنشاء العقارات التجارية بيزود من فرص إقبال السكان وتعمير المناطق المختلفة، لإن كلما زادت الخدمات في منطقة معينة كلما زاد الإقبال عليها من السكان.
- توفير فرص عمل: العقارات التجارية زي المحلات والمولات بتخلق فرص عمل مختلفة للشباب.
- جذب استثمارات باستمرار: العقارات التجارية بتكون فرصة دايمًا لجذب الاستثمارات المحلية أو الأجنبية حسب ظروف كل عقار وطبيعته. وده هيساعد دايمًا على وجود حركة في الأسواق والاقتصاد.
ليه تستثمر في عقار تجاري!
الاستثمار في العقارات التجارية ليه من المميزات اللي بتخليه مختلف عن أنواع الاستثمارات الأخرى، واللي بتساعد العملاء ياخدوا قرارهم في اللجوء ليها فضلًا عن أنواع العقارات التانية. ومن أهم المميزات اللي هتعود على العملاء نتيجة استثمارهم في العقارات التجارية:
- العائد الثابت المجزي:
العقارات التجارية بتضمن لك عائد ثابت ومجزي وأفضل من إيجار الوحدات السكنية وده لأنه عادة بيكون أعلى بكتير بطبيعة حركة السوق. بلإضافة لكون عقود الإيجار الخاصة بالوحدات التجارية بتكون لمدى أطول منها بالنسبة للسكنية وده بيضمن للمالك استقرار أكبر وضمان أكبر للوحدة وجودتها. - زيادة قيمة رأس المال:
الاستثمار العقاري في الوحدات التجارية بيضمن لك التزايد المستمر في قيمة رأس المالي اللي اشتريت بيه وحدتك التجارية وده لأن سعرها بيتزايد مع الوقت بزيادة الطلب وبنجاح نشاطها التجاري وبعوامل تانية كتير. - التنوع في الاستثمار:
القعارات التجارية بتوفر لمالكها ضمان لتنوع استثماره في أنشطة تجارية مختلفة وده بيساعده يحافظ على استثماره من الهبوط الكلي نتيجة التغيرات في الأسواق، وبيقدر يستثمر في أكثر من نشاط تجاري ويساعد على تأمين استثماراته من التأثر سلبيًا في وقت واحد. - حماية ضد التضخم:
استثمارك في عقار تجاري بيساعدك تحافظ على رأس مالك ضد التضخم اللي بيحصل في العالم كله واللي بتتأثر بيه عملتنا بالخصوص؛ وده عن طريق حفظ قيمة رأس المال في الأصول اللي هتكون عبارة عن وحدات تجارية يزداد سعرها مع زيادة الأسعار والتضخم.
تحديات بتقابل الاستثمار في العقارات التجارية:
زي ما بيكون في مميزات مشجعة بالتأكيد هيكون في تحديات هتقابل أي نوع من أنواع الاستثمار في أي مجال. وبالحديث عن الاستثمار العقاري وبالخصوص في العقارات التجارية ممكن يقابلك تحديات ولاز تتعاملف معاها بحكمة وذكاء عشان تحافظ على قيمة استثمارك والعائد منه. ومن التحديات اللي بيواجهها سوق العقارات التجارية:
- التغيرات الاقتصادية:
من أولى التحديات اللي بتواجه أي استثمار في وقتنا الحالي هي التغيرات الاقتصادية المستمرة واللي بيتأثر بيها المجتمع بالكامل، وممكن التغلب عليها أو مجاراتها للحد من تأثيرها سلبيًا على الاستثمار والعائد منه. - مشكلات البنية التحتية:
من أكبر المشكلات اللي بتهدد العقارات التجارية هي المشكلات اللي بتحصل في البنية التحتية مع الوقت وده ممكن يهدد الطلب والإقبال على الوحدة لو متمش الاهتمام بيها وصيانتها بشكل دوري. - مشاكل الصيانات والإدارة:
إدارة وصيانة الوحدات التجارية بيواجه صعوبة وبيكون مكلف للمالك لو متمش بشكل سليم لأن بينتج عنه مشكلات تضر الوحدة نفسها وبالتالي تقلل من قيمتها وقيمة العائد منها، وتصليحها وصيانتها بيكون مكلف. - تغير احتياجات السوق:
التغير المستمر في احتياجات السوق ممكن يغير الطلب على نوع النشاط التجاري في الوحدة اللي بتستثمر فيها وبالتالي يؤثر بشكل سلبي على العائد اللي ممكن تستقبله منها.
التحديات والمتغيرات بتزداد مع الوقت لكن التعامل معاها بحكمة هيجنبك التأثيرات السلبية اللي ممكن تصيب استثمارك في العقارات التجارية. واللي هيحد من تأثرك بالتحديات دي في المقام الأول هو اختيارك للعقار اللي هتستثمر فيه على أسس سليمة ومدروسة. وفي باقي المقال هنقول لك نصائح ممكن تساعدك على اختيار وحدتك بشكل صحيح وتضمنلك قيمة الاستثمار.
أهم النصائح لاستثمار عقاري تجاري ناجح:
عشان تقدر تستثمر في وحدة تجارية وتضمنلك نجاح الاستثمار وحجم العائد وتزايد سعرها مع الوقت لازم تعمل شوية خطوات قبل الشراء وبعد كمان، ومن أهم الخطوات دي:
- دراسة السوق بشكل مفصل:
قبل اتخاذ قرار الشراء مهم جدًا تدرس السوق بشكل تفصيلي وبدقة وتعرف اتجاهات العرض والطلب وتبحث أي المناق يعتبر أفضل من حيث نوع الاستثمار اللي بتطمح ليه. وبالتالي هتقدر تعرف معدلات البيع والشراء وتتوقع العائد وتقدر تحسب حساباتك بشكل أدق وأوقع. - الموقع من أهم العوامل:
اختيار الموقع بعناية يعتبر من أهم العوامل في الاستثمار في العقارات التجارية لأن الموقع بيكون هو المحرك الأساسي لحركة الايجار والبيع والشراء في المعادلة. وعلى أساسه بيكبر استثمارك او العكس. وفي حالة قوة الموقع وجودته كمان بتضمن زيادة قيمة الوحدة ورأس المال مع الوقت. - الفحص الدقيق للعقار والوثائق القانونية:
لازم تتأكد بنفسك من كافة المرافق والأسس الموجودة في العقار التجاري اللي انت مقبل على شراؤه عشان تتجنب أي مشكلات تظهر بمجرد ما تبدأ تجهز وحدتك التجارية وتكون المشكلة موجودة سابقًا. وكمان الوثائق القانونية الخاصة بالوحدة من أهم الحجات اللي لازم تاخد بالك منها وتفحصها بدقة أو تستعين بخبير يطمنك عن صحتها عشان تتجنب الغرامات والمشكلات مع الحكومة وتتجنب أي تعطيل ممكن يحصل بسبب المشكلات القانونية على العقار. - تنويع الاستثمار:
التنوع في الاستثمار أمان دائم وبيحافظ على قيمة رأس المال. مهم جدًا استثمارك ميكونش كله في وحدة واحدة أو نشاط واحد عشان تتجنب أي خسائر كلية ولو حصل أي طوارئ أو سلبيات مع الزمن استثمارك ميتأثرش بالكامل وبالتالي الخسارة تكون أقل. - مراقبة أداء الاستثمار:
بعد الشراء والشروع في النشاط التجاري اللي هتستثمر في وحدتك من خلاله مهم جدًا تراقب الآداء والعائد اللي بيجي وتدرسه وتقرر هل هو العائد المنشود والواقعي بالنسبة لحركة السوق ولا من الممكن انه يكون أفضل، وعلى الأساس ده بتتحرك بشكل سريع تجاه الحلول الأفضل عشان متضيعش وقتك وتقدر تحقق نتايج مبهرة من استثمارك في فترات قليلة.
وأخيرًا، بعد ما اتكلمنا بالتفصيل عن الاستثمار في العقارات التجارية وأظهرنا الجوانب الايجابية والسلبية نتمنى يكون مقالنا ساعدك في ترتيب أفكارك وتقدر من خلال تختار الاستثمار الأنسب ليك وتقدر تختار وحدتك بشكل أفضل. وتستفيد بإدارتها وتوجيهها ناحية العائد الأفضل. وتقدر تستعين بالخبراء عشان يساعدوك بشكل أفضل وتتواصل مع فريق سيفا بروبرتيز اللي هيوجهك ناحية أفضل اختيار في السوق العقاري المصري وأفضل اختيار بالنسبة ليك.