بتفكر تنتقل للتجمع الخامس وبتدور على بيئة تعليمية استثنائية لأولادك؟
أو عايش في التجمع الخامس وحلمك تلاقي أنسب مدرسة دولية تكون مطمئن على أولادك فيها؟
اختيار مدرسة من وسط مدارس كتير هيكون أمر صعب، لكن في المقال ده هنساعدك تعرف أفضل المدارس الدولية في التجمع الخامس وأهم موصفاتها. وهنساعدك تعرف أكتر عن تفاصيل وطبيعة الدراسة في كل مدرسة من المدراس الانترناشيونال في التجمع ونسهل عليك اختيار بيئة تعليمية مميزة لأولادك.
عوامل اختلاف كل مدرسة عن الآخرين كتير جدًا، زي الموقع وسن القبول، وبالنسبة للمدارس الدولية بالخصوص بتتنوع وتختلف حسب:
- المناهج.
- نوع الشهادة الممنوحة منها.
- جهات اعتمادها.
- مصروفاتها.
- المراحل الدراسية فيها.
وكل نقطة من عوامل التنوع دي بتقربك أكتر من الاختيار الأننسب ليك ولأولادك وتقدر على أساسهم تقيم أفضل المدارس الدولية القريبة منك واللي تحب أولادك يلتحقوا بيها في التجمع الخامس. وعشان كدا جمعنالك في المقال ده كل ال international schools في التجمع الخامس بكل مواصفاتهم اللي هتحتاج تعرفها.
أفضل المدارس الدولية في التجمع
التجمع الخامس هو قلب القاهرة الجديدة وبتتوفر فيه مدارس دولية كتير جدًا بأنواع مختلفة. وكل مدرسة منهم ليها مواصفات بتميزها عن المدارس التانية. وعشان تقدر تحدد ايه الانسب ليك لازم تعرف تفاصيل كل مدرسة وأهم مواصفاتها، وتقدر تعرف ده من خلال المقال.
المدرسة الفرنسية بالقاهرة Lycée Français Du Caire New Cairo:
المدرسة الفرنسية بالقاهرة هي مدرسة انترناشيونال من مدارس التجمع الخامس وموجودة في البنفسج في الحي العمراني الأول .موقع المدرسة مميز وفي منطقة حيوية تقدروا تشوفوها على الخريطة من هنا. ومن أقرب الكمبوندات للمدرسة الفرنسية:
- كمبوند ووتر واي Waterway new cairo.
- كمبوند رامبلاس نيو كايرو.
- كمبوند ريفر ووك River walk.
المدرسة الفرنسية بالقاهرة بتقدم مناهجها باللغة الفرنسية، وبتقدم لغات تانية للدراسة زي:
- الألماني.
- الاسباني.
- الانجليزي.
- العربي.
أما عن جهات اعتماد المدرسة ف هي جهات عالمية موثوقة زي:
- وزارة التربية والتعليم الفرنسية.
- وكالة التعليم الفرنسي في الخارج AEFE.
المدرسة بتغطي مراحل التعليم الحضانة والابتدائي وبيفتح باب التقديم فيها في شهر مارس. وبتبدأ فيها الرسوم بما يعادل 185 الف جنيه مصري.
مدرسة ريبتون القاهرة Ripton Cairo school:
مدرسة ريبتون القاهرة في التجمع الخامس من أميز المدارس الدولية. موجودة في كمبوند ميفيدا في اخر شارع التسعين. ومعروف تميز شارع التسعين ومستوى الأمان الموجود في كمبوند ميفيدا. وتقدروا تشوفوا موقعها على الخريطة من هنا. ومن أقرب الكمبوندات لمدرسة ريبتون القاهرة في التجمع الخامس:
- كمبوند جاليريا مون فالي.
- كمبوند فيليت سوديك.
مدرسة ريبتون القاهرة الجديدة ليها فروع في أكتر من دولة زي بريطانيا وماليزيا ودبي وأبوظبي، وبتمنح الطلاب اللي بيتخرجوا منها الشهادة البريطانية IG، وبتدرس لهم كمان the English National Curriculum (ENC). أما عن اللغة الأم في مدرسة ريبتون القاهرة الجديدة فهي الانجليزي البريطاني.
مدرسة ريبتون القاهرة الجديدة بتقبل الطلاب من سن 3 سنوات ونصف، وبتبدأ رسوم الاشتراك فيها من 130 الف جنيه مصري.
مدرسة دار لقمان الحكيم الدولية Dar Luqman Al Hakeem International School:
مدرسة دار لقمان الحكيم الدولية في التجمع الخامس موجودة تحديدًا في شارع 26 في الحي الثالث، قريبة من مسجد فاطمة الشربتلي. في منطقة حيوية ومميزة وتقدروا تشوفوها من هنا. المدرسة بتتميز بقربها من مناطق الخدمات وده هيخليك مطمئن أكتر على أولادك.
من الحجات اللي بتميز مدرسة دار لقمان الحكيم الدولية في التجمع هي انها بتدرس الطلاب تأهيلًا للدبلومة الأمريكية بالإضافة للعلوم الشرعية والقرآن الكريم.
اللغة الأم في مدرسة دار لقمان الحكيم هي الانجليزي الأمريكي، وبيدرس الطلاب لغة تانية زي الألماني أو الفرنسي. مدرسة دار لقمان الحكيم الدولية في التجمع الخامس بتغطي مراحل التعليم من التمهيدي لحد الثانوي. وسن القبول فيها للتمهيدي بيكون من سنيتن و6 شهور.
رسوم الاشتراك في مدرسة دار لقمان الحكيم الدولية بتبدأ من 42 الف جنيه مصري، وبتكون كثافة الفصول فيها هي 18 طالب بحد أقصى.
مدرسة رويال البريطانية الدولية The Royal British International School – RBIS:
مدرسة رويال البريطانية الدولية من أفضل المدارس الدولية في التجمع الخامس وعنوانها موجود في الحي العمراني الأول في البنفسج، وتقدروا تشوفوا مكانها على الخريطة من هنا. ومن أقرب الكمبوندات لمدرسة رويال البريطانية الدولية:
- كمبوند ووتر واي Waterway new cairo.
- كمبوند رامبلاس نيو كايرو.
- كمبوند ريفر ووك River walk.
مدرسة رويال البريطانية الدولية بتمنح طلابها عند التخرج الشهادة البريطانية IG، والدراسة فيها بتكون لغتها الأم الانجليزية البريطانية. وبتوفر للطلاب لغات ثانية زي الألماني والفرنسي.
أما عن جهات اعتماد مدرسة رويال البريطانية الدولية ف هي معتمدة من جهات موثوقة عالميًا زي:
- Cambridge Assessment International Education
- Oxford International (AQA) Examinations
- Pearson – Edexcel
مدرسة رويال البريطانية الدولية في التجمع الخامس بتقبل الطلاب في مرحلة التمهيدي من سن سنتين و6 شهور، وبتبدأ مصروفاتها من 183 الف جنيه مصري.
المدرسة الأوروبية بالقاهرة الجديدة Europa Schule Kairo:
المدرسة الأوروبية بالقاهرة الجديدة مدرسة مميزة من المدارس الانترناشيونال في التجمع الخامس، واللي بموقعها ونظامها الدراسي تخليها في صدارة اختياراتك.
المدرسة الأوروبية موجودة في شارع عبدالملك بن مروان التجمع الخامس وتقدر تشوف موقعها من هنا، ومن أقرب الكمبوندات للمدرسة الأوروبية بالقاهرة:
- كمبوند ليك فيو Lake view.
اللغة الأم للدراسة في المدرسة الأوروبية بالقاهرة الجديدة هي اللغة الألمانية، ومعاها لغات ثانية زي الانجليزي والعربي والفرنسي. وبتمنح المدرسة الأوروبية لطلابها الشهادة الألمانية الأبيتور.
أما عن جهات اعتماد المدرسة الأوربية بالقاهرة الجديدة ف هي جهات عالمية موثوقة زي:
- Exzellente deutsche Auslandsschule
- Kultus minister konferenz – KMK
- Partner der Zukunft
- The Central Agency for Schools Abroad (ZfA)
- Weltverband Deutscher Auslandsschulen – WDA
سن القبول لمرحلة التمهيدي في المدرسة الأوروبية بالقاهرة الجديدة هو 3 سنين و6 شهور ولمرحلة الحضانة بتكون 4 سنين فيما فوق في شهر مارس.
بيتم تدريس اللغة الانجليزية في المدرسة من الصف الثاني واللغة الفرنسية من الصف السادس. وبتبدأ المصروفات في المدرسة الأوروبية بالقاهرة الجديدة من 105 الف جنيه مصري.
مدرسة ستانفورد الدولية Stanford International school
مدرسة ستانفورد الدولية في التجمع الخامس موجودة في شارع 26 الحي الثاني، قريبة من خدمات كتير وموقعها استراتيجي وتقدر تشوفه من هنا. أما عن الكمبوندات القريبة من مدرسة ستانفورد الدولية في التجمع ف منها:
- كمبوند Lake view.
- كمبوند Beta Gardens.
مدرسة ستانفورد الدولية بتمنح الخريجين منها الشهادة البريطانية IG، والدبلومة الأمريكية وفيها لغة الدراسة بتكون الانجليزي الأمريكي او البريطاني.
أما عن جهات الاعتماد لمدرسة ستانفورد الدولية ف هي:
- Cambridge Assessme International
- Education Oxford International (AQA) Examination
- Pearson – Edexcel
سن القبول لمرحلة التمهيدي في مدرسة ستانفورد الدولية هو سنتين و6 شهور، وبتكون كثافة الفصل في المدرسة 20 طالب بحد أقصى. وبتبدأ مصروفات مدرسة ستانفورد الدولية في التجمع الخامس من 62 الف جنيه مصري.
مدرسة قايتباي الخاصة - Qaitbay Private Language Schools
مدرسة قايتباي الخاصة في التجمع الخامس بتحتوي على قسم انترناشيونال مميز ومعتمد من جهات عالمية. موقعها في الحي الرابع خلاها من أفضل المدارس واللي هتكون قريبة من أغلب الطرق والمناطق السكنية وتقدر تشوف موقعها على الخريطة من هنا. مدرسة قايتباي الخاصة في التجمع الخامس قريبة جدًا من كمبوند أرابيلا.
قسم الانترناشيونال في مدرسة قايتباي الخاصة بيقدم مناهج الدبلومة الأمريكية باللغة الانجليزية الأمريكية او البريطانية. واللغات الثانية المتاحة في المدرسة هي اللغة الالمانية والفرنسية.
مدرسة قايتباي الخاصة في القسم الدولي حاصلة على اعتماد جهات عالمية زي:
- Advancing Excellence In Education Worldwide – ADVANC ED
- Northwest Evaluation Association – NWEA
- The College Board
سن القبول لمرحلة التمهيدي في مدرسة قايتباي الخاصة في التجمع الخامس بيكون 3 سنوات و3 شهور وبتبدأ مصروفاتها من 40 الف جنيه مصري.
مدارس مانور هاوس الدولية Manor House International Schools
مدارس مانور هاوس الدولية في التجمع الخامس موجودة في شارع 51 المنطقة السادسة- الحي الأول وتقدر تعرف مكانها تحديدًا على الخريطة من هنا.
مانور هاوس الدولية من أفضل مدارس التجمع الخامس الدولية لأن ليها تاريخ مميز وأكتر من فرع كلهم بيتسموا بالنجاح والانضباط. مدارس مانور هاوس الدولية بتقدم مناهج الشهادة البريطانية IG والدبلومة الأمريكية. واللغة الام في الدراسة في مانور هاوس الدولية هي الانجليزي الأمريكي او البريطاني. وبتوفر لغات ثانية زي العربي والألماني والفرنسي.
جهات اعتماد مدارس مانور هاوس الدولية هي:
- Advancing Excellence In Education Worldwide – ADVANC ED
- Cambridge Assessment International Education
- الهيئة القومية لضمان جودة التعليم والاعتماد
سن القبول في مدارس مانور هاوس الدولية بيكون 4 سنوات وبتبدأ مصروفاتها من 28 الف جنيه مصري.
مدرسة اخناتون : Akhnaton School
مدرسة اخناتون من أفضل المدارس الدولية في التجمع الخامس، وهي موجودة في المنطقة السادسة شارع 53، وتقدروا تشوفوا موقعها والأماكن القريبة منها من هنا.
مدرسة اخناتون في التجمع الخامس بتدرس باللغة الانجليزية الأمريكية وبمنهج الدبلومة الأمريكية ومعتمدة من جهات عالمية زي:
- Advancing Excellence In Education Worldwide – ADVANC ED
- Cognia
بتقبل مدرسة اخناتون في التجمع الخامس الطلاب في مرحلة التمهيدي من سن سنتين و6 شهور ومرحلة الحضانة من سن 3 سنين و6 شهور، وبيبدأ التقديم فيها من شهر ديسمبر.
أما عن المصروفات في مدرسة اخناتون التجمع الخامس ف بتبدأ من 57 الف جنيه مصري.
المدرسة المصرية للغات- القطامية Egyptian Language School Kattameya – ELS
المدرسة المصرية للغات بالقطامية تعتبر من أهم مدارس التجمع الخامس الدولية واللي موجودة من سنة 1996. المدرسة المصرية للغات بتضم 3 اقسام، قسم ناشيونال، وقسم بريطاني، وقسم أمريكي، وكل قسم منهم مميز بنظامه والمناهج اللي بتدرس فيه.
موقع المدرسة المصرية للغات- القطامية بالقرب من الطريق الدائري وامام القطامية هايتس وتقدر توصل لها بكل سهولة، وتقدر تشوف موقعها بالتحديد من هنا.
المدرسة المصرية للغات – القطامية بتقدم مناهج الدبلومة الأمريكية والشهادة البريطانية، وبتدرسهم بالانجليزي الأمريكي أو البريطاني. وهنلاقي في المدرسة المصرية للغات قسم للدمج للأطفال اللي بيكون ليهم حالات خاصة.
جهات اعتماد المدرسة المصرية للغات- القطامية هي:
- Advancing Excellence In Education Worldwide – ADVANC ED
- Cambridge Assessment International Education
- Pearson – Edexcel
بتقبل المدرسة المصرية للغات الطلاب من سن 3 سنين و10 شهور وبيبدأ التقديم فيها في شهر ديسمبر. أما عن مصروفاتها ف بتبدأ من 100 الف جنيه مصري.
مدرسة النيل الدولية Nile International College – NIC
مدرسة النيل الدولية في التجمع الخامس لازم تكون في قايمة اختياراتك لأفضل المدارس الدولية في التجمع، وده لأن معروف عنها سمعتها وانضباطها والقيم اللي بتزرعها في طلابها.
مدرسة النيل الدولية موجودة في الحي الخامس بجوار مسجد قباء، وتقدر تشوف مكانها وأقرب المناطق منها من هنا.
من أهم مميزات مدرسة النيل الدولية في التجمع هي تدريسها لمنهج البكالوريا الدولية IB وحرصها على تخريج دفعات من الطلاب الناجحين على المستوى التعليمي والاجتماعي. المدرسة معتمدة من جهات عالمية زي:
- Advancing Excellence In Education Worldwide – ADVANC ED
- The IB World Organization
مدرسة النيل الدولية بتقبل الطلاب في مرحلة التمهيدي من سن سنتين و6 شهور، ومرحلة الحضانة من سن 3 سنين و6 شهور. زبتبدأ مصروفاتها من 77 الف جنيه مصري.
مدرسة صلاح الدين الدولية Salahaldin International School – SIS
مدرسة صلاح الدين الدولية في التجمع الخامس من أهم المدارس الانترناشيونال في التجمع واللي ليها موقع مميز جدًأ في حي الياسمين، شارع جعفر بن ابي طالب، امام نادي بتروسبورت. موقعها مميز واستراتيجي وتقدروا تشوفوه بوضوح من هنا.
مدرسة صلاح الدين الدولية بتدرس بمنهج الدبلومة الأمريكية باللغة الانجليزية الامريكية وبتتيح معاها لغات ثانية زي الألماني والفرنسي، وقسم الدمج في مدرسة صلاح الدين الدولية بيهتم بالحالات الخاصة من الأطفال ونشاطهم الذهني.
المدرسة معتمدة من جهات عالمية زي:
- Advancing Excellence In Education Worldwide – ADVANC ED
- Cognia
وبيبدأ قبول الطلاب في مدرسة صلاح الدين الدولية من سن 3 سنوات و6 شهور، وكثافة الفصول فيها بتكون حوالي 23 طالب بحد أقصى. أما عن المصروفات في مدرسة صلاح الدين الدولية بتبدأ من 120 الف جنيه مصري.
ليدرز انترناشيونال كوليدج - Leaders International College
ليدرز انترناشيونال كوليدج مدرسة دولية موجودة في التجمع الخامس في حي النرجس، قريبة من كمبوند الديار ومنطقة استراتيجية وحيوية، تقدر تتعرف عليها أكتر من هنا.
كلية القادة الدولية او ليدرز انترناشيونال كوليدج بتدرس مناهج البكالوريا الدولية IB والدبلومة الأمريكية باللغة الانجليزية. والمدرسة معتمدة من جهات رسمية عالمية زي:
- Advancing Excellence In Education Worldwide – ADVANC ED
- Cognia
- North Central Association of Colleges and Schools – NCA
- The IB World Organization
مدرسة ليدرز الدولية بتقبل الطلاب في سن التمهيدي من سنتين و6 شهور وبتكون كثافة الفصل 26 طالب بحد أقصى. أما عن مصروفات مدرسة ليدرز انترناشيونال كوليدج ف بتبدأ من 198 الف جنيه مصري.
المدرسة الامريكية الحديثة بمصر - Modern American School of Egypt – MASE
المدرسة الأمريكية الحديثة بمصر من أفضل مدارس التجمع الخامس الدولية في مناهجها والنظام والكوادر اللي بتعمل فيها من المعلمين والإداريين، وبتهتم بالجانب العلمي والاجتماعي وبتهتم بمهارات الطلاب وتنميتها.
موقع المدرسة الأمريكية الحديثة في مركز خدمات النرجس بيخليها من أفضل اختياراتك لأنها في منطقة حيوية وسهل توصل لها وتكون مطمئن على أولادك فيها، وتقدر تشوف موقعها بوضوح من هنا.
المدرسة الأمريكية الحديثة بمصر في التجمع الخامس بتدرس مناهج الدبلومة الأمريكية باللغة الإنجليزية الأمريكية وبتتيح لغات ثانية للطلاب زي الألماني والفرنسي، بيبدأ الطلاب دراسة اللغة الثانية من الصف الثالث.
المدرسة الأمريكية الحديثة بمصر معتمدة من جهات عالمية رسمية زي:
- Advancing Excellence In Education Worldwide – ADVANC ED
- American International Accreditation Association-AIAA
بتستقبل المدرسة الأمريكية الحديثة الطلاب في مرحلة التمهيدي من سن 3 سنين و6 شهور، وكثافة الفصل بتكون حوالي 25 طالب بحد أقصى. أما عن مصروفات المدرسة الأمريكية الحديثة بتبدأ من 110 الف جنيه مصري.
مدرسة برايم الدولية - Prime International School
مدرسة برايم الدولية لازم تكون في قايمة اختياراتك لو انت بتدور على بيئة تعليمية استثنائية لأولادك، لأن كل مقوماتها بتؤهلها تكون من أفضل المدارس الدولية في التجمع الخامس.
مدرسة برايم الدولية موجودة بالقرب من بوابة 1 الرحاب، وأمام مكسيم مول وده بيخليها قريبة من كمبوندات كتير زي:
- كمبوند ذا جاردن ريزيدنس.
- كمبوند قطامية بلازا.
- كمبوند فيلار.
- كمبوند ذا ووتر واي.
- كمبوند بلاجيو.
- كمبوند لاروزا.
وتقدر تعرف اكتر عن موقع مدرسة برايم الدولية من هنا.
مدرسة برايم الدولية بتدرس منهج الدبلومة الأمريكية باللغة الانجليزية الامريكية وبتقبل طلابها في مرحلة الحضانة من سن 3 سنين و6 شهور وبتبدأ مصروفاتها من 169 الف.
مدرسة الشويفات الدولية - The International School of Choueifat التجمع الخامس
مدرسة الشويفات الدولية تعتبر من أهم مدارس التجمع الخامس واللي ليها تاريخ عريق بدأ في لبنان وممتد لدول كتير من دول الشرق الأوسط وانجلترا. موقع مدرسة الشويفات موقع مميز في مدخل القاهرة الجديدة وامام القطامية هايتس، منطقة حيوية ومش هتخاف على اولادك فيها، وبيقربها من كمبوندات زي:
- كمبوند غرب الجولف.
- كمبوند المشتل.
وتقدر تعرف تفاصيل موقع مدرسة الشويفات الدولية في التجمع من هنا.
مدرسة الشويفات الدولية بتدرس مناهج الدبلومة الأمريكية والشهادة البريطانية ومنهج SABIS، والدراسة بتكون باللغة الانجليزية وبتوفر لغة تانية فرنسية بيتم تدريسها من الصف السادس.
سن القبول لمرحلة الحضانة في مدرسة الشويفات الدولية بيكون 3 سنين و6 شهور وبيبدأ التقديم في شهر نوفمبر، أما عن المصروفات بتبدأ من 89 الف جنيه مصري.
عن أكاديمية حياة الدولية Hayah International Academy
أكاديمية حياة الدولية في التجمع الخامس لازم تكون في قائمة اختياراتك للمدارس الدولية الاستثنائية في التجمع، اتأسست من سنة 2003 وليها فرع في أكتوبر. موقعها في القاهرة الجديدة جنوب أكاديمية الشرطة، موقع آمن واستراتيجي وسهل توصل، وتقدر تعرف عنه أكتر من هنا.
أكاديمية حياة الدولية بتهتم بجودة المناهج والقيمة اللي بتعلمها للطلاب وبتوفرلهم مناج الدبلومة الأمريكية والبكالوريا الدولية IB باللغة الانجليزية الأمركية. أما عن جهات اعتماد أكاديمية حياة الدولية ف هي منظمات دولية عالمية زي:
- Advancing Excellence In Education Worldwide – ADVANC ED
- Council of International Schools-CIS
- The IB World Organization
- The Middle States Association of Colleges and Schools – MSA
أكاديمية حياة الدولية بتقبل الطلاب في مرحلة التمهيدي من 3 سنين وبيبدأ التقديم في شهر اكتوبر، وبداية المصروفات بتكون من 152 الف جنيه مصري.
مدرسة متروبوليتان - Metropolitan School
بجانب حرصها على مستواهم الأكاديمي. موقع مدرسة متروبوليتيان في شارع خالد بن الوليد جنوب الأكاديمية خلاها اتميزت أكتر لأنه موقع مميز، آمن واستراتيجي، وتقدر تشوفه بالتفصيل من هنا.
مدرسة متروبوليتيان بتدرس منهج الدبلومة الأمريكية باللغة الانجليزية الامريكية وجهة اعتمادها هي:
- Advancing Excellence In Education Worldwide – ADVANC ED
بتقبل المدرسة الطلاب في مرحلة التمهيدي من سن 3 سنين وبيبدأ التقديم فيها في شهر نوفمبر، ومصروفات مدرسة متروبوليتيان بتبدأ من 115 الف جنيه مصري.
مدرسة مصر الحديثة 2000 Modern School Of Egypt 2000 – MSE
جنوب أكاديمية الشرطة هو موقع مدرسة مصر الحديثة 2000 المميز، واللي بيخليها محاطة بمنطقة استراتيجية وآمنة تمامًا، تقدر تعرف مكان مدرس مصر الحديثة 2000 من هنا.
مدرسة مصر الحديثة 2000 فيها قسم انترناشيونال بتدرس فيه مناهج الدبلومة الأمريكية بالانجليزي والفرنسي ، وبتوفر كمان قسم الدمج للأطفال اللي بيكون ليهم متطلبات خاصة. مدرسة مصر الحديثة 2000 معتمدة من جهات عالمية زي:
- Advancing Excellence In Education Worldwide – ADVANC ED
سن القيول في مدرسة مصر الحديثة 2000 بيبدأ من 3 سنين في مرحلة التمهيدي، وبيبدأ التقديم من شهر نوفمبر. أما عن المصروفات ف بتبدأ من 57 الف جنيه مصري.
مدرسة ليسيه بالزاك الدولية Lycée International Balzac
مدرسة ليسيه بالزاك الدولية تعتبر من افضل مدارس التجمع الخامس، بتهتم بالجانب الفكري للطلاب مع الجانب الأكاديمي وبتهتم اهتمام شديد بإتقان الطلاب للغات الأم في المدرسة.
مدرسة ليسيه بالزاك الدولية موجودة في شارع التسعين الشمالي واللي يعتبر اكتر الأماكن حيوية في التجمع الخامس. وتقدر تشوف موقع مدرسة ليسيه بالزاك الدولية تحديدًا من هنا.
مدرسة ليسيه بالزاك الدولية بتدرس المناهج الرسمية لوزارة التربية والتعليم الفرنسية، تأهيلًا للطلاب انهم يحصلوا على البكالوريا الفرنسية BAC. اللغة الأم للدراسة في ليسيه بالزاك الدولية هي الفرنسية، ومعاها كلغة ثانية الانجليزية والعربية. اما عن جهات اعتماد مدرسة ليسيه بالزاك الدولية ف هي:
- Mission Laique Francaise – MLF
مدرسة ليسيه بالزاك الفرنسيه بتقبل الطلاب في مرحلة التمهيدي من سن 3 سنين، وفي مرحلة الحضانة من سن 4 سنين، وبتبدأ مصروفات مدرسة ليسيه بالزاك الدولية من 77 الف جنيه مصري.
الكلية البريطانية الدولية بالقاهرة British International College of Cairo – BICC
الكلية البريطانية الدولية بالقاهرة مدرسة مميزة من مدارس التجمع الخامس بتؤهل طلابها للحياة الجامعية من سن مبكر عشان يتخرجوا متطلعين للحياة العملية وسابقين بخطوات. موقعها في الحي الخامس المنطقة الأولى موقع جيد وآمن وتقدر تعرف عنه بالتفصيل من هنا.
الكلية البريطانية الدولية بتدرس مناهج الشهادة البريطانية باللغة الانجليزية البريطانية ومعاها لغات ثانية زي الالماني والفرنسي بيدرسهم الطلاب بداية من الصف الأول. أما عن جهات اعتماد الكلية البريطانية الدولية ف هي:
- Britsh Council
- Cambridge Assessment International Education
- Council of British International Schools (COBIS)
سن القبول في الكلية البريطانية الدولية في مرحلة التمهيدي هو سنتين و6 شهور، وبتكون كثافة الفصل حوالي 17 طالب بحد أقصى. وبتبدأ الرسوم من 115 الف جنيه مصري.
مدرسة القاهرة الجديدة البريطانية الدولية New Cairo British International School – NCBIS
مدرسة القاهرة الجديدة البريطانية الدولية في التجمع الخامس من أميز مدارس التجمع الدولية، المدرسة بتستقبل فقط الطلاب الأجانب او اللي بيحملوا جنسية مزدوجة. موقع مدرسة القاهرة الجديدة البريطانية الدولية موجود في شارع 17 الحي الأول المنطقة التالتة، خلف سعودي ماركت، وتقدر تعرف موقعها تحديدًا على الخريطة من هنا.
مددرسة القاهرة الجديدة البريطانية الدولية بتتيح لطلابها منهح الشهادة البريطانية والبكالوريا الدولية باللغة الانجليزية البريطانية، واللغة الثانية في مدرسة القاهرة الجديدة البريطانية الدولية هي اللغة الهولندية.
جهات اعتماد مدرسة القاهرة الجديدة البريطانية الدولية هي:
- British Schools in the Middle East (BSME)
- British Schools Overseas – BSO
- Cambridge Assessment International Education
- Council of British International Schools (COBIS)
- Council of International Schools-CIS
- Pearson – Edexcel
- The IB World Organization
بتقبل مدرسة القاهرة الجديدة البريطانية الدولية الطلاب في مرحلة التمهيدي من 3 سنين وكثافة الفصل بتكون 22 طالب بحد أقصى. أما عن مصروفات مدرسة القاهرة الجديدة البريطانية الدولية ف بتبدأ من 147 الف جنيه مصري.
المدرسة الكندية الدولية Canadian International School of Egypt
المدرسة الكندية الدولية في التجمع الخامس موجودة في الحي الرابع منكقة رقم 6- خلف مجلس المدينة. موقعها مميز وفي منطقة حيوية تقدروا تشوفوه بالتفصيل من هنا.
المدرسة الكندية الدولية بتدرس مناهج الدبلومة الكندية باللغة الانجليزية الكندية وبتتيح لطلابها دراسة اللغة الفرنسية من الصف الأول، المدرسة الكندية معتمدة من the Ontario Ministry of education. وبتبدأ تستقبل طلابها في مرحلة التمهيدي من 3 سنين و6 شهور.
مصروفات المدرسة الكندية لدولية بتبدأ من145 الف جنيه مصري.
مدارس كابيتال الدولية Capital International Schools
مدارس كابيتال الدولية في التجمع الخامس هتكون اختيار مميز واستثنائي لو بتدور على التميز الأكاديمي والمهاري لأولادك. موقع مدارس كابيتال الدولية هو منطقة 17 – النرجس، في موقع حيوي وآمن وسط المساكن هيخليك مطمن على أولادك. وتقدر تعرف أكتر عن موقع مدارس كابيتال الدولية من هنا.
مدارس العاصمة الدولية في التجمع الخامس بتقدم مناهج الدبلومة الأمريكية والشهادة البريطانية باللغة الانجليزية، وبتوفر لغات ثانية زي الألماني والفرنسي وبيدرسها الطلاب من الصف الأول.
مدارس كابيتال الدولية معتمدة من جهات عالمية زي:
- Cambridge Assessment International Education
- Oxford International (AQA) Examinations
- Pearson – Edexcel
- Advancing Excellence In Education Worldwide – ADVANC ED
سن القبول في مدارس كابيتال الدولية في التجمع الخامس لمرحلة التمهيدي بيكون سنتين و6 شهور، وبتكون كثافة الفصل حوالي 22 طالب بحد أقصى.
أما عن مصروفات مدارس العاصمة الدولية بالتجمع الخامس ف بتبدأ من 123 الف جنيه مصري.
مدرسة مصر البريطانية الدولية Egypt British International School – EBIS
مدرسة مصر البريطانية الدولية في التجمع الخامس فتحت أبوابه في سنة 2006 واتميزت بإخراج أجيال على قدر عالي من الثقافة والتميز الأكاديمي. موقع مدرسة مصر البريطانية الدولية في الحي الخامس- البنفسج منطقة 1 هو موقع مميز وآمن هيخليك مطمئن على أولادك، وتقدر تشوف موقعها بالتفصيل على الخريطة من هنا.
مدرسة مصر البريطانية الدولية في التجمع الخامس بتوفر مناهج الشهادة البريطانية باللغة الانجليزية البريطانية وبتوفر لغات تانية زي الألماني والفرنسي وبيتم تدريسهم من الصف الأول.
جهات اعتماد مدرسة مصر البريطانية الدولية هي منظمات دولية عالمية موثوقة زي:
- British Schools in the Middle East (BSME)
- British Schools Overseas – BSO
- Cambridge Assessment International Education
- Council of British International Schools (COBIS)
- Pearson – Edexcel
سن القبول في مدرسة مصر البريطانية الدولية لمرحلة التمهيدي بيبدأ من 3 سنين و6 شهور وبتبدأ المصروفات من 120 الف جنيه.
كلية نارمر الامريكية Narmer American College – NAC
كلية نارمر الأمريكية في التجمع الخامس تأسست سنة 2000، وبتحتوي على قسم بريطاني وقسم أمريكي وقسم بكالوريا دولية يقدر الطلاب يدرسوه من الصف العاشر.
الدراسة في كلية نارمر الأمريكية بتكون باللغة الانجليزية الأمريكية أو البريطانية، واللغات الثانية بيتم تدريسها من الصف الأول وبتكون ألماني أو فرنسي أو اسباني.
موقع كلية نارمر الأمريكية هو 20 منطقة خدمات النرجس، وهو موقع آمن وسهل الزصلو ليه وتقدروا تعرفوا عنه أكتر من خلال الخريطة من هنا.
كلية نارمر الأمريكية بتحتوي على قسم للدمج، وجهات اعتماد الكلية جهات عالمية مميزة زي:
- Advancing Excellence In Education Worldwide – ADVANC ED
- Cambridge Assessment International Education
- The IB World Organization
- The Middle States Association of Colleges and Schools – MSA
سن القبول في كلية نارمر الأمريكية في مرحلة التمهيدي بيكون 3 سنين ونصف، وبتبدأ المصروفات من 97 الف جنيه مصري.
مدرسة ايليت الدولية The International School of Elite Education:
مدرسة ايليت الدولية في التجمع الخامس مدرسة مميزة بتحتوي على تنوع في أقسام المناهج الدولية عشان توفر لك اختيارات اكتر. موقع مدرسة ايليت الدولية هو شارع 90 خلف مجمع المصراوية، منطقة حيوية جدًا وقريبة من كمبوندات كتير منها:
- كمبوند صن رايز.
- كمبوند جراند سيزر.
- كمبوند جراند ريزيدنس.
- كمبوند عربية.
وتقدر تعرف اكتر عن موقع مدرسة ايليت الدولية والأماكن القريبة منها من هنا.
مدرسة ايليت الدولية بتوفر مناهج الدبلومة الأمريكية، والشهادة البريطانية، والبكالوريا الدولية من الصف العاشر. والدراسة بتكون باللغة الانجليزية الامريكية او البريطانية، وبتتيح تدريس اللغة التانية من الصف الاول زوبتكون أسباني أو فرنسي او عربي.
مدرسة ايليت الدولية في التجمع الخامس معتمدة من جهات عالمية زي:
- Cambridge Assessment International Education
- Oxford International (AQA) Examinations
- Pearson – Edexcel
- Cognia
سن القبول في مدرسة ايليت الدولية في مرحلة التمهيدي هو 3 سنين و3 شهور، والمصروفات في مدرسة ايليت الدولي بتبدأ من 91 الف جنيه مصري.
مدرسة الخليج بالقاهرة Gulf English School Cairo
مدرسة الخليج الدولية في التجمع الخامس هتكون اختيار مميز لو حابب اولادك يلتحقوا بمدرسة على قدر عالي من الاهتمام بكل الجوانب في حياة الطلاب الدراسية والاجتماعية والمهارية. موقعها في شارع 55 الحي الثاني موقع سهل الوصول ليه ووسط منطقة سكنية هادية تخليك مطمئن على أولادك، وتقدر تعرف اكتر عن موقع مدرسة الخليج الدولية من هنا.
مدرسة الخليج الدولية تم تأسيسها في سنة 2018، وبدأت توفر للطلاب مناهج الشهادة البريطانية باللغة الانجليزية، ووفرت دراسة اللغة الفرنسية كلغة ثانية من سن مبكر. مدرسة الخليج الدولية معتمدة من جهات عالمية منها:
- Cambridge Assessment International Education
اما عن سن القبول في مدرسة الخليج الدولية في مرحلة التمهيدي ف بيبدأ من 3 سنوات و6 شهور، وكثافة الفصول بتكون 25 طالب و30 بحد اقصى. وبتبدأ مصروفات مدرسة الخليج الدولية في التجمع الخامس من 72 الف جنيه مصري.
مدارس التربية الحديثة Modern Education Schools – MES
مدارس التربية الحديثة من أفضل المدارس الدولية في التجمع الخامس، موقعها هو شارع 2- الحي الاول المنطقة الرابعة، موقع مميز واستراتيجي تقدر تعرف عنه اكتر من هنا.
مدارس التربية الحديثة الدولية في التجمع الخامس بتوفر مناهج الدبلومة الأمريكية والشهادة البريطانية باللغة الانجليزية الامريكية او البريطانية، وبتوفر دراسة لغات ثانية من سن مبكر زي الالماني والفرنسي والعربي. وبتحتوي مدارس التربية الحديثة على قسم للدمج.
مدارس التربية الحديثة الدولية في التجمع معتمدة من جهات عالمية زي:
- Advancing Excellence In Education Worldwide – ADVANC ED
- Cambridge Assessment International Education
- Northwest Evaluation Association – NWEA
- Partner der Zukunft
- Pearson – Edexcel
- سن القبول في مدارس التربية الحديثة الدولية في التجمع الخامس بيبدأ من سنين و 10 شهور، وكثافة الفصول بتكون طالب بحد أقصى. أما عن مصروفات مدارس التربية الحديثة الدولية ف بتبدأ من 67 الف جنيه مصري.
مدارس جيت واي مونتيسوري الدولية Gateway Montessori international school
مدارس جيت واي مونتيسوري الدولية هي اول مدرسة في مصر تسعى لاعتماد مونتيسوري، ونظامها المميز في التعليم هتساعد أولادك يفهموا العالم من حوالهم ويستفيدوا من قدراتهم.
موقع مدرسة جيت واي مونتيسوري الدولية في القطامية جاردنز التجمع الخامس، وتقدر تعرف عنه اكتر من هنا.
مدرسة جيت واي مونتيسوري الدولية بتقدم منهج الدبلومة الأمريكية والبكالوريا الدولية باللغة الانجليزية الأمريكية. ومتوفر في المدرسة قسم للدمج.
مدرسة جيت واي مونتيسوري الدولية معتدة من جهات عالمية زي:
- Advancing Excellence In Education Worldwide – ADVANC ED
- The IB World Organization
بتقبل مدرسة جيت واي مونتيسوري الدولية الأطفال في مرحلة التمهيد من سن سنتين و 6 شهور، وبتبدأ مصروفاتها من 116 الف جنيه مصري.
مدرسة كونكورديا الفرنسية الدولية Concordia Lycée International Français en Egypte:
مدرسة كونكورديا الفرنسية الدولية في التجمع الخامس موجودة في البنفسج 1 بجوار مستشفى أحمد عكاشة، موقع استراتيجي مميز تقدر توصل له بسهولة جدًأ.
المدرسة بتقدم مناهج البكالوريا الفرنسية وبتؤهل الطلاب ليها باللغة الأم الفرنسية وبتساعدهم على تكوين شخصيات قادرة تواكب الحياة ما بعد المدرسة بخطى ثابتة وناجحة.
مدرسة كونكورديا الفرنسية الدولية بتحدد كثافة فصولها ب 25 طالب كحد أقصى، وبتبدأ مصروفاتها من 120 الف جنيه مصري.
بعد م اتكلمنا عن أهم المدارس الدولية في التجمع الخامس ومواصفاتها الأساسية، تقدر تحدد بشكل مبدأي المدرسة المناسبة لأولادك عشان يكونوا في بيئة تعليمية استثنائية ويعيشوا مراحلهم التعليمية في مكان موثوق ويساعدهم على بناء أنفسهم بشكل سوي وعلى مستوى عالي من الثقافة والوعي.
