لو بتفكر تشتري وحدة في كمبوند جديد، غالبًا هتلاقي صوت جواك بيقولك هو أنا باخد القرار الصح؟ لأن الموضوع مش بسيط زي ما يتقال… إنت مش بس بتشتري وحدة سكنية، إنت بتختار المكان اللي هتصحى فيه كل يوم، الشوارع اللي ولادك هيلعبوا فيها، الجيران اللي هتعيش جنبهم، والمكان اللي هتربط فيه جزء كبير من فلوسك للسنين الجاية، وعشان كده، إنت تستاهل تعرف الحقيقة كاملة مش بس الكلام اللي في الإعلانات ولا الصور اللي في البروشور.
لاش فالي Lush Valley واحد من المشاريع اللي أسمها بيتكرر كتير في القاهرة الجديدة دلوقتي، وممكن تكون شوفت إعلان عنه، أو حد من معارفك اتكلم عنه، أو حتى وكيل عقاري رشحهولك، وطبيعي يكون في دماغك أسئلة كتير عن الموقع والمميزات والعيوب والأسعار، في المقال ده هنعرفك كل التفاصيل الخاصة بالمشروع ده، وهنساعدك تاخد القرار الصح.
إيه هو كمبوند لاش فالي القاهرة الجديدة؟
لاش فالي Lush Valley New Cairo هو مشروع سكني ضخم من تطوير شركة City Edge Developments ، وبيمتد على مساحة 500 فدان كاملة في قلب القاهرة الجديدة.
المشروع ده مش مجرد مجموعة عمارات سكنية جنب بعض، لأن الفكرة الأساسية ليه إنه يكون مجتمع سكني متكامل بكل احتياجات الحياة العصرية، يعني بيتك يكون حواليه حديقة ضخمة ومسابح ونوادي رياضية ومدارس لولادك ومولات للتسوق ومطاعم وكافيهات وعيادات طبية.
الشركة المطورة للمشروع (City Edge) معروفة في السوق المصري بمشاريع زي The Med في التجمع الخامس وPukka في 6 أكتوبر، وده بيدي نوع من الثقة إن المشروع مش هيكون مجرد كلام على ورق.
موقع كمبوند لاش فالي القاهرة الجديدة
الموقع من أهم العوامل اللي بتحدد قيمة أي عقار، والحقيقة إن موقع لاش فالي من أقوى نقاط المشروع، وده موقع الكمبوند بالتحديد:
- الكمبوند بيقع على طريق السخنة (طريق القاهرة – السويس) في منطقة استراتيجية داخل القاهرة الجديدة، وده بيخليه قريب من كل المحاور الرئيسية.
- المشروع موجود على بعد عشر دقايق بالعربية من الجامعة الأمريكية (AUC).
- بيبعد عن العاصمة الإدارية الجديدة بحوالي 15-20 دقيقة، وده خلاه خيار مثالي للموظفين في الحي الحكومي والوزارات، أصحاب الشركات اللي فاتحين مقرات في العاصمة، والمستثمرين اللي عايزين يستفيدوا من النمو السريع في المنطقة، والعائلات اللي عايزة تعيش في مكان هادي وقريب من مركز الأعمال الجديد.
- على بعد دقايق من قلب التجمع وكمبوندات مشهورة زي Katameya Heights.
- بيبعد عن مطار القاهرة الدولي بحوالي 20-25 دقيقة.
خريطة موقع لاش فالي التجمع الخامس
لو بصيت على خريطة الكمبوند هتلاقي إن المنطقة المحيطة بلاش فالي بتشهد تطور عمراني ضخم مش بس الكمبوند اللي بيتبني، كل المنطقة بتتطور بسرعة مع مشاريع البنية التحتية والطرق الجديدة.
ودي خريطة تفصيلية توضح موقع لاش فالي بالنسبة لكل المعالم المحيطة:
مساحة لاش فالي التجمع الخامس
الكمبوند بيمتد على مساحة 500 فدان يعني حوالي 2.1 مليون متر مربع، وده رقم ضخم بيسمح بإن الكمبوند يكون فيه كل حاجة من غير ما يبقى مكدس أو مزدحم، كمان هتلاقي إن المساحات الخضراء والمفتوحة بتمثل أكتر من 80% في الكمبوند وده رقم نادر جدًا في السوق المصري.
شرح ماستر بلان كمبوند لاش فالي القاهرة الجديدة
التخطيط العام هو اللي بيحدد شكل الكمبوند وإزاي كل حاجة متوزعة جواه، عشان كده City Edge اشتغلت مع مكاتب استشارية عالمية عشان يطلع التخطيط عملي ومريح مش بس شكل جمالي على الورق، والتخطيط ده مميز بالآتي:
- فصل كامل بين المناطق: هتلاقي إن المناطق السكنية منفصلة عن المناطق الترفيهية، والمولات والخدمات التجارية في مناطق مخصصة بعيدة عن الوحدات، وده بيضمن الهدوء والخصوصية للسكان.
- شبكة طرق داخلية متطورة: فيه طرق رئيسية عريضة، وطرق فرعية لكل مجموعة وحدات، ومسارات منفصلة للمشي وركوب الدراجات، إشارات مرور وعلامات واضحة.
- مداخل متعددة: فيه أكتر من مدخل للكمبوند، وده بيقلل الزحمة في أوقات الذروة، كمان هتلاقي إن كل مدخل فيه بوابة أمنية وكاميرات مراقبة.
- البحيرات الصناعية: موجود بحيرات كبيرة في قلب الكمبوند بتستخدم للمناظر الطبيعية والاستجمام، وبتوفر رطوبة طبيعية للجو وبتلطف الحرارة.
- المساحات الخضراء والـ Landscape: مش مجرد شجر عشوائي، لأن تصميم landscape محترف، وفيه ممرات للمشي وسط الحدائق، وأماكن للجلوس والاستجمام، وإضاءة ليلية في كل المسارات.
- توزيع الخدمات: هتلاقي الكلوب هاوس في موقع مركزي، والمسابح موزعة على أكتر من منطقة، والملاعب الرياضية في أماكن بعيدة عن الوحدات عشان الضوضاء، كمان المدارس والحضانات موجودة في مناطق آمنة.
دي صورة Master Plan كامل بالألوان بيوضحلك توزيع كل عنصر في المشروع:
تصميم كمبوند لاش فالي القاهرة الجدية
التصميم المعماري في لاش فالي بيعتمد على الطراز العصري الأنيق، إضافة لمسات من الفخامة الهادية، والتصميم المعماري للكمبوند مميز بده:
- الواجهات الخارجية: الألوان فيه محايدة ومريحة زي بيج ورمادي فاتح أبيض، ومميزة بالخامات عالية الجودة زي حجر طبيعي ودهانات خارجية مقاومة للعوامل الجوية.
- الشبابيك والإضاءة الطبيعية: المشروع فيه شبابيك كبيرة وواسعة في كل الوحدات، وتصميم بيسمح بدخول إضاءة طبيعية طول النهار، ده بيوفر في استهلاك الكهرباء وبيخلي الوحدة مشرقة ومبهجة.
- الشرفات والمساحات الخارجية: هتلاقي شرفات واسعة في معظم الوحدات، كمان بتطل على المساحات الخضراء أو البحيرات، والأدوار الأرضية بتيجي مع حديقة خاصة، لكن الأدوار الأخيرة فبتيجي مع روف.
- التوزيع الداخلي الذكي: عشان يستغل كل جزء في مساحة المشروع، فمفيش مساحات ضايعة أو ممرات طويلة بدون فايدة، كمان الغرف كلها بمقاسات عملية ومريحة.
- العزل الحراري والصوتي: الحوائط والأسقف فيها عزل حراري قوي، كمان موجود عزل صوتي بين الوحدات، وده بيوفر في فواتير التكييف وبيخلي الحياة أهدى ليك.
- الأمان والخصوصية: هتلاقي في المشروع إن كل وحدة ليها مدخل خاص، وتصميم بيضمن الخصوصية بين الجيران، كمان متركب كاميرات مراقبة عند كل مدخل.
أنواع ومساحة وحدات لاش فالي القاهرة
من أكتر الحاجات اللي ميزت المشروع هي التنوع الكبير في أنواع الوحدات والمساحات، بحيث كل واحد يلاقي اللي يناسب احتياجه وميزانيته، ودي أنواع الوحدات في الكمبوند:
1. الشقق (Apartments)
الشقق في لاش فالي مناسبة للأفراد والأسر الصغيرة والمتوسطة، ومنها اللي بيطل على الحدائق أو البحيرات الصناعية، وممكن تكون في الدور الأرضي أو الدور الوسط أو الأخير.
مساحات الوحدات المتاحة
- شقق صغيرة: مساحتها بتتراوح بين 120-140 م²، ومكونة من غرفتين نوم + ريسبشن + 2 حمام + مطبخ.
- شقق متوسطة: مساحتها بتتراوح بين 150-180 م²، ومكونة من 3 غرف نوم + ريسبشن + 2-3 حمام + مطبخ.
- شقق كبيرة: ومساحتها بتتراوح بين 200-250 م²، ومكونة من 4 غرف نوم + ريسبشن واسع + 3 حمام + مطبخ + غرفة خادمة.
2. الدوبلكس (Duplex)
الدوبلكس خيار مناسب للأسر الكبيرة أو اللي بتحب المساحات الواسعة والخصوصية الأكبر، لأن غرف النوم بتكون في الدور الأعلى وبعيدة عن الريسبشن، كمان المساحات أكبر عشان تديك إحساس بالاتساع أكتر من الشقق العادية، وأغلب الوحدات اللي في الدور الأرضي فيها حديقة خاصة
مساحات الوحدات المتاحة
- دوبلكس صغير: ومساحتها بتتراوح بين 200-250 م²، ومكونة من (3-4 غرف نوم متوزعين على دورين).
- دوبلكس متوسط: ومساحته بتترواح بين 270-320 م²، ومكون من 4-5 غرف نوم + ريسبشن كبير + صالة علوية.
- دوبلكس كبير: ومساحته بتوصل لحوالي 350 م²، ومكون من 5 غرف نوم + مساحات واسعة.
3. التوين هاوس (Twin House)
التوين هاوس عبارة عن فيلا مزدوجة يعني بيتين ملزقين في بعض من حيطة واحدة، لكن كل واحد مستقل تمامًا، وفيها حديقة خاصة واسعة، وأربع أدوار زي الأرضي والأول والثاني والروف، جراج مخصص لأكتر من عربية، والوحدة دي مناسبة للأسر الكبيرة
اللي عايزين خصوصية أكتر من الشقق، واللي عايزين حديقة لولادهم أو للحيوانات الأليفة.
مساحات الوحدات المتاحة
- توين هاوس صغير: ومساحته بتترواح بين 250-300 م².
- توين هاوس متوسط: ومساحته بتترواح بين 320-370 م².
- توين هاوس كبير: ومساحته بتوصل لحوالي 400 م².
4. الفيلات المستقلة
الفيلات المستقلة في المشروع فيها حديقة ضخمة ، ومميزة بالخصوصية الكاملة والتصميم المعماري الفاخر، وإمكانية عمل مسبح خاص، كمان متوفر جراج لأكتر من 3 عربيات وغرف خدم منفصلة، عشان كده مناسبة للأسر الكبيرة جدًا اللي بيدوروا على أعلى مستوى من الفخامة، واللي عايزين مساحة كبيرة للضيافة والاستقبال
مساحات الوحدات المتاحة
- فيلا صغيرة: ومساحتها بتتراوح بين 350-400 م².
- فيلا متوسطة: ومساحتها بتتراوح بين 450-550 م².
- فيلا كبيرة: ومساحتها بتوصل لحوالي 600 م² أو أكتر من كده.
أسعار كمبوند لاش فالي التجمع الخامس 2026
خلينا نتكلم بصراحة تامة عن أسعار شقق لاش فالي نيو كايرو والوحدات التانية، لأن ده اللي بيهم أغلب الناس:
أسعار الشقق
- بالنسبة للشقق الصغيرة (120-140 م²)، فالسعر بيبدأ من: 2,800,000 – 3,200,000 جنيه، وسعر المتر يبدأ من: 23,000 – 24,000 جنيه.
- الشقق المتوسطة (150-180 م²)، سعرها بيتراوح بين 3,500,000 – 4,500,000 جنيه، وسعر المتر بيتراوح بين 23,000 – 25,000 جنيه.
- أما شقق كبيرة (200-250 م²)، فالسعر بيتراوح بين 5,000,000 – 6,500,000 جنيه، وسعر المتر المتر بيتراوح بين 25,000 – 26,000 جنيه.
أسعار الدوبلكس
- بالنسبة للدوبلكس الصغير (200-250 م²) فالسعر بيتراوح بين 4,500,000 – 6,000,000 جنيه، وسعر المتر بيتراوح بين 22,500 – 24,000 جنيه.
- والدوبلكس المتوسط (270-320 م²) سعره بيتراوح بين 6,200,000 – 8,000,000 جنيه، وسعر المتر بيتراوح بين 23,000 – 25,000 جنيه.
أسعار فيلات لاش فالي City Edge
- بالنسبة للتوين هاوس (250-400 م²)، فالسعر بيبدأ من 7,000,000 جنيه، وبيصل إلى 10,000,000 جنيه، وسعر المتر بيتراوح بين 25,000 – 28,000 جنيه.
- أما الفيلات المستقلة (350-600 م²)، فالسعر بيبدأ من 10,000,000 جنيه، وبيصل إلى 20,000,000 جنيه أو أكثر حسب الموقع والمساحة، وسعر المتر بيتراوح بين 28,000 – 35,000 جنيه.
أنظمة سداد لاش فالي City Edge
من الأمور الجذابة في لاش فالي هي المرونة الكبيرة في أنظمة السداد، ودي ميزة حقيقية لأي حد بيدور على شراء وحدة من غير ضغط مالي كبير في البداية، لأن شركة City Edge بتوفرلك أكتر من نظام دفع علشان تناسب الاحتياجات المختلفة سواء للسكن أو الاستثمار، ودي أشهر أنظمة السداد:
النظام الأساسي
ده أكتر نظام منتشر بتدفع فيه 5% مقدم حجز عند التعاقد وده من أقل المقدمات في السوق، و10% دفعة تانية بعد من 3 إلى 6 شهور، وبتقسط 85% على 8 سنوات بأقساط متساوية.
يعني لو سعر الوحدة 4,000,000 جنيه، هتدفع مقدم 200,000 جنيه، والدفعة التانية هتدفع 400,000 جنيه، والمتبقي هيكون 3,400,000 جنيه، وده هتقسطه على 8 سنين.
نظام السداد البديل
ده بتدفع مقدم أعلى والأقساط بتكون أقل، ونسبة المقدم بتتراوح من 15% إلى 20%، وبتقسط الباقي على 10 سنين، ومميز بإن الأقساط السنوية بتكون أقل مقارنة بالنظام الأساسي.
يعني لو سعر الوحدة 4,000,000 جنيه، هتدفع مقدم 15% حوالي 600,000 جنيه، والمبلغ المتبقي هيبقى 3,400,000 جنيه، وبيتم تقسيطه على عشر سنين.
نظام الدفع الفوري Cash
في حالة الدفع الكاش هتلاقي إن الشركة بتقدم خصومات من 10% إلى 15%، والنظام ده مش منتشر أوى لأن أغلب العملاء بيفضلوا الاستفادة من التقسيط الطويل.
ايه أشهر خدمات كمبوند لاش فالي 2026؟
الخدمات في أي كمبوند مش رفاهية، دي جزء أساسي من تجربة السكن نفسها، لأنها ببساطة اللي بتحدد هتعيش مرتاح ولا لا، وهل هتوفر وقتك ومجهودك ولا هتضطر تخرج بره المشروع عشان تخلص أبسط احتياجاتك، عشان كده الكمبوند بيحاول يوفر بيئة متكاملة تخليك محتاج تخرج أقل وتستمتع بالوقت أكتر، ودي أهم الخدمات الموجودة:
1. الخدمات الترفيهية والرياضية
الكلوب هاوس الرئيسي موجود فيه مساحة ضخمة وصالات رياضية مجهزة بأحدث الأجهزة وصالات لليوجا والإيروبكس وسبا ومركز تجميل وجاكوزي وساونا وغرف بخار وكافيه وصالة استقبال
كمان موجود مسابح أوليمبية للكبار ومسابح أطفال آمنة ومسابح نصف أوليمبية متوزعة على أكتر من منطقة في الكمبوند، وفيه مسارات مخصصة للمشي بطول عدة كيلومترات ومسارات منفصلة لركوب الدراجات وإضاءة ليلية طول المسار، وأماكن للجلوس والراحة على طول المسار
ومناطق ألعاب الأطفال زي Kids Area مجهزة بأحدث الألعاب الآمنة، وألعاب لأعمار مختلفة (من 2 لـ 12 سنة)، وأرضيات آمنة (Rubber flooring)، وفيه بحيرات كبيرة للمناظر الطبيعية، وأماكن للجلوس حوالين البحيرة، وإضاءة ليلية رومانسية، ونوافير مائية.
2. الخدمات التجارية
موجود في المشروع المول التجاري، وده مول كبير بمساحة آلاف الأمتار، وسوبر ماركت كبير ومطاعم ومقاهي متنوعة (fast food, مطاعم عائلية، كافيهات)، ومحلات ملابس وإكسسوارات، صيدليات، ومكتبات ومحلات إلكترونيات وموبايلات وصالونات حلاقة ومراكز تجميل ومحلات أثاث وديكور.
كمان متوفر فروع بنوك كتيرة عشان تقدم الخدمات البنكية اللازمة، وماكينات ATM منتشرة في كل مكان، ومكاتب بريد وخدمات حكومية.
3. الخدمات التعليمية
الكمبوند فيه مدارس دولية وعالمية بتقدم نظام تعليم أمريكي وبريطاني وحضانات للأطفال الصغار ونوادي أطفال وورش فنية وتعليمية.
4. الخدمات الصحية
المشروع فيه مركز طبي وعيادات تخصصية زي باطنة وأطفال ونساء وتوليد وأسنان وعيون، ومعمل تحاليل ووحدة أشعة وصيدلية ووحدة إسعاف على مدار الساعة في حالات الطوارئ.
5. الخدمات الأمنية
المشروع موجود فيه حراسة أمنية عند كل بوابة وكاميرات مراقبة في كل شارع وكل مدخل وبوابات إلكترونية بنظام Access Control ودوريات أمنية داخلية ونظام إنذار متصل بغرفة العمليات الأمنية، كمان موجود غرفة عمليات مركزية لمراقبة كل الكاميرات ولاستقبال بلاغات الطوارئ، والتنسيق مع الشرطة والإسعاف عند الحاجة.
6. خدمات الصيانة والنظافة
متوفر في الكمبوند فريق صيانة دائم لكل المرافق، وخدمات صيانة دورية للوحدات، وخط ساخن لطلبات الصيانة العاجلة، بالإضافة لخدمات نظافة يومية لكل الشوارع والحدائق، وبيتم جمع القمامة مرتين كل يوم، كمان بيتم تنظيف المسابح والمرافق المشتركة بشكل دوري.
مميزات كمبوند لاش فالي
كمبوند لاش فالي بيوفرلك بيتميز بحاجات كتيرة مش موجودة في أي مشروع تاني، ودي أبرز المميزات:
- الموقع المتميز: لأنه موجود على طريق السخنة وده طريق استراتيجي، وعلى بعد 15 دقيقة من العاصمة الإدارية، وعشر دقايق من الجامعة الأمريكية.
- المساحات الخضراء الضخمة: أكتر من 80% من المشروع عبارة عن مساحات مفتوحة وبحيرات صناعية كبيرة.
- التنوع الكبير في الوحدات: زي الشقق ودوبلكس وتوين هاوس وفيلات، يعني كل واحد هيقدر يلاقي اللي يناسبه.
- أنظمة السداد السهلة: لأنك بتدفع مقدم 5% وبتقسط على 8-10 سنوات، وفيه مرونة في طريقة دفع الأقساط وخصومات للدفع الفوري.
- الخدمات المتكاملة: زي كلوب هاوس ضخم ومسابح متعددة وملاعب رياضية متنوعة ومول تجاري كبير ومدارس دولية ومركز طبي متكامل.
- المطور الموثوق: شركة City Edge Developments من الشركات المعروفة اللي ليها سابقة أعمال قوية وملتزمة بالمواعيد ويتوفر دعم ما بعد البيع
- البنية التحتية القوية: ودي متمثلة في شبكة كهرباء حديثة ومياه وصرف صحي متطور وطرق داخلية واسعة وإنترنت سرعته عالية.
عيوب كمبوند لاش فالي
فيه بعض التحديات والعيوب اللي لازم تعرفها عن لاش فالي القاهرة الجديدة Lush Valley New Cairo:
- الأسعار فوق المتوسط: المشروع مش من الكمبوندات الرخيصة، لأن الأسعار أعلى من كمبوندات تانية في نفس المنطقة، فلو ميزانيتك محدودة، ممكن تلاقي خيارات أرخص.
- المشروع لسه تحت الإنشاء: ومعاد التسليم المتوقع هيكون في 2027، يعني لو محتاج تسكن فورًا، فده مش هيكون الخيار المناسب ليك.
- مخاطر التأخير في التسليم: الكمبوند ده زي أي مشروع تحت الإنشاء، فيه احتمال تأخير لمدة بتتراوح من ست ل12 شهر.
- البعد عن وسط القاهرة: فلو شغلك في وسط البلد أو الزمالك أو المهندسين أو مدينة نصر،هتحتاج تعمل مواصلات يومية كتيرة لمدة كبيرة، وده ممكن يكون متعب على المدى الطويل.
- الزحمة المتوقعة مع الوقت: لأن الكمبوند ده ضخم وهيبقى فيه آلاف السكان ومع اكتمال المشروع، ممكن يحصل ضغط على المسابح والملاعب المولات والمطاعم والطرق الداخلية ومواقف السيارات.
- تكلفة التشطيب النهائي: لو الوحدة نصف تشطيب، هتحتاج ميزانية إضافية، كمان تكلفة التشطيب الكامل ممكن توصل لـ 1,500-2,500 جنيه للمتر الواحد.
إزاي تحجز بأمان في لاش فالي القاهرة الجديدة Lush Valley New Cairo؟
لو قررت إنك عايز تشتري في لاش فالي، فانت محتاج تعرف الطرق الصحيحة والآمنة للحجز، والطرق دي بتتمثل في الآتي:
- تواصل مع القنوات الرسمية: زي مكتب المبيعات الرئيسي لـ City Edge Developments، أو الموقع الإلكتروني الرسمي للشركة.
- زور الموقع: حاول تروح للمشروع وشوف الوحدات المتاحة واتمشى في الكمبوند واسأل عن كل التفاصيل.
- راجع الأوراق: لازم تقرأ العقد كويس جدًا قبل التوقيع وتتأكد من كل البنود زي السعر ونظام السداد وتاريخ التسليم وشروط الإلغاء، ولو مش فاهم حاجة حاول تستشير محامي.
- ادفع المقدم: اللي نسبته 5% من خلال الطرق الرسمية بس وخد إيصال رسمي مختوم.
- التوقيع على العقد: وده بيكون في مكتب رسمي، وبعدها خد نسخة أصلية من العقد واحتفظ بكل الأوراق في مكان آمن.
- التزم بالأقساط: وحاول تدفع الأقساط في مواعيدها، لأن التأخير بيترتب عليه غرامات، وبعدها خد إيصالات بكل دفعة.
في النهاية، دلوقتي بقى عندك خلفية واضحة عن المشروع ومميزاته وعيوبه، فلو شغلك في العاصمة الإدارية وعندك ميزانية مريحة وبتحب الهدوء والمساحات الخضراء، ومستعد تستنى سنتين أو تلاتة لحد التسليم، فلاش فالي هيكون اختيار ممتاز ليك.
لكن لو ميزانيتك محدودة، أو محتاج تسكن بسرعة، أو شغلك بعيد عن المنطقة دي، أو مش مرتاح لفكرة الدفع في مشروع لسه تحت الإنشاء، فالمشروع مش هيكون الخيار الأنسب.
ولو عندك أي استفسار أو عايز تعرف تفاصيل أكتر أو محتاج مساعدة في المقارنة بين المشاريع المختلفة، تواصل معنا وهنساعدك تعرف كل التفاصيل بسهولة.
