لو بتدور على شركة تطوير عقاري في مصر وسمعت عنMercon Developments، وحاسس إنك محتاج تفهم أكتر قبل ما تاخد قرار الشراء أو الاستثمار، فإنت في المكان الصح.
الحقيقة إن سوق العقارات في مصر مليان شركات، وكل واحدة بتقولك إنها الأفضل، لكن خلينا نكون صريحين.. مش كل شركة تطوير عقاري هتناسبك ومش كل مشروع يستاهل فلوسك.
في المقال ده، هنعرفك كل ما يخص Mercon Developments، وأهم أعمالها والمميزات الحقيقية والعيوب كمان، عشان تقدر تقرر لو الشركة دي تناسب احتياجاتك ولا لا.
مين هي Mercon Developments؟
Mercon Developments هي شركة مصرية متخصصة في التطوير العقاري السكني والتجاري، واتأسست رسميًا في يناير 2019 كشركة مساهمة مصرية، لكن الحقيقة إن الشركة عندها خبرة أكتر من 15 سنة في مجال البناء والتطوير العقاري قبل التأسيس الرسمي.
الشركة مؤسسة على إيد اتنين من رجال الأعمال المصريين اللي ليهم تاريخ في البناء والتطوير وهما: المهندس أحمد إمبابي وده رئيس مجلس الإدارة، ومالك شركة معمار مكة المتخصصة في البناء والتطوير.
والمهندس سامر البيك وده العضو المنتدب ومالك شركة سام ميكس المتخصصة في صناعة الخرسانة الجاهزة للبناء، وبيمتلك شركة نقل كبيرة بها أكتر من 1,500 شاحنة نقل، ومن أهم إنجازات الشركة إنها نفذت أكتر من 70 مشروع في القاهرة، وسلمت أكتر من 840 وحدة سكنية وتجارية، وشاركت في مشاريع ضخمة مع شركة الهندسة الإنشائية الصينية في مصر، كمان ساهمت في تنفيذ البنية التحتية للعاصمة الإدارية، وشاركت في بناء البرج الأيقوني (Iconic Tower) في العاصمة الإدارية.
أهم مشاريع Mercon Developments
الشركة نفذت مشاريع كتيرة معروفة ومميزة، ودي أهمها:
1. كمبوند نوراي (Nurai Compound)
الكمبوند ده يعتبر المشروع السكني الرئيسي للشركة، وبيمتد على مساحة 16 فدان يعني حوالي 70,000 متر مربع، كمان فيه مساحات خضراء ولاند سكيب بنسبة 80% من مساحته الكلية.
موجود فيه أكتر من 400 وحدة سكنية، متمثلين في شقق فقط ومفيش فيلات أو تاون هاوس، ومساحات الوحدات لو شقق غرفة واحدة بتبدأ من 85 متر، ولو شقق غرفتين بتبدأ من 115 متر، ولو شقق 3 غرف بتبدأ من 150 متر
أسعار الوحدات في كمبوند نوراي
الأسعار في كمبوند نوراي بتختلف حسب نوع الوحدة والموقع داخل الكمبوند، فلو شقة غرفة واحدة أسعارها بتبدأ من 5.1 – 5.7 مليون جنيه، ولو شقة غرفتين ومساحتها حوالي 115 متر بتبدأ من 6.3 – 7.6 مليون جنيه، ولو شقة 3 غرف ومساحتها حوالي 150 متر أسعارها بتبدأ من 8.5 – 9.4 مليون جنيه.
أما بالنسبة لمتوسط سعر المتر في الكمبوند فبيتراوح بين 50,000 – 66,000 جنيه حسب الموقع ونوع الوحدة.
موقع كمبوند نوراي
الكمبوند موجود في الجولدن سكوير في قلب التجمع الخامس وقريب من الجامعة الأمريكية بالقاهرة، وشارع التسعين الشمالي والجنوبي، ومحور محمد نجيب، والطريق الدائري، وبعيد عن مدينة نصر بحوالي ربع ساعة.
و الخريطة دي بتوضحلك موقع المشروع بالتفصيل:
2. نوراي ووك مول (Nurai Walk Mall)
ده المول التجاري الملحق بكمبوند نوراي، وبيقدم وحدات تجارية وإدارية وطبية، وبيمتد على مساحة تصل إلى 35,000 متر مربع يعني نصف مساحة المشروع الكلية.
المكان موجود في محلات تجارية وعيادات طبية ومكاتب إدارية، ومساحة المكاتب الإدارية هناك بتبدأ من 23 متر، والعيادات الطبية بتبدأ من 39 متر، والمحلات التجارية بتبدأ من 43 – 60 متر.
أسعار الوحدات
سعر المتر للوحدات في المنطقة بيبدأ من 82,000 جنيه للمتر، أما بالنسبة لأسعار المكاتب الإدارية فبتبدأ من 3,587,000 جنيه، والعيادات الطبية بتبدأ من 4,555,000 جنيه، المحلات التجارية بتبدأ من 10,608,000 جنيه.
موقع نوراي ووك مول
مول نوراي ووك موجود في منطقة الجولدن سكوير داخل التجمع الخامس بالقاهرة الجديدة، داخل كمبوند نوراي، وقريب من محاور رئيسية زي طريق الـ90 ومحور محمد نجيب، كمان قريب من جامعة AUC ومدينة الرحاب ومدينة المستقبل.
والخريطة دي بتوضح موقع مول نوراي ووك بالتفصيل:
3. برج بافو (Pavo Tower)
البرج ده هو المشروع الأول ل Mercon Developments في العاصمة الإدارية، وبيقدم وحدات تجارية وإدارية في قلب منطقة الأعمال المركزية، وبيمتد على مساحة 4,000 متر مربع يعني حوالي فدان، وبيطل مباشرة على البرج الأيقوني وده أطول برج في أفريقيا والنهر الأخضر.
المشروع فيه وحدات كتيرة زي محلات تجارية فالدور الأرضي والأول والثاني، ومكاتب إدارية من الدور الثالث لحد الـ 13، ومساحة الوحدات دي لو محلات تجارية فبتبدأ من 25 متر، والمكاتب الإدارية بتبدأ من 30 متر.
أسعار الوحدات في المشروع
دلوقتي هنتعرف على تفاصيل الأسعار في برج بافو:
- سعر المتر للمكاتب الإدارية بيتراوح بين 23,700 – 28,500 جنيه.
- سعر المتر للمحلات التجارية بيتراوح بين 50,000 – 62,500 جنيه.
- بالنسبة لإجمالي سعر الوحدة، فبتوصل ل712,500 جنيه للمكاتب الإدارية و5,875,000 جنيه للمحلات التجارية.
كمان المميز في المشروع ده إن الشركة بتوفرلك خيارات كتيرة لأنظمة السداد، زي دفع مقدم 30% + 10% بعد سنة + 10% بعد سنتين، والباقي على 15 سنة.
موقع برج بافو
البرج ده قريب من البرج الأيقوني والنهر الأخضر ومحور الشيخ زايد الشمالي ومحطة المونوريل والسوق الذهبي وفندق الماسة والكاتدرائية ومسجد الفتاح العليم ومنطقة السفارات والوزارات، وعلى بعد ساعة واحدة بالعربية من مطار العاصمة الإدارية.
الخريطة دي هتعرفك الموقع التفصيلي لبرج بافو:
5. كمبوند ريفرتون (Riverton) - التجمع الخامس
ده أحدث انطلاقة عقارية للشركة، وبيتم تطويره بالتعاون مع شركة التميز الكويتية المصرية، وبإدارة فندقية من جيوان للفنادق والمنتجعات، والمشروع بيمتد على مساحة أكتر من 25 فدان، وموجود فيه وحدات كتيرة زي فيلات سكنية فاخرة وشقق سكنية ووحدات فندقية مخدومة.
كمان لازم تعرف إن المشروع ده لسه في مرحلة الإطلاق والبناء، والأسعار وتفاصيل السداد لسه الشركة هتعلن عنها قريب، ومتوقع يبدأ التسليم خلال من 3 – 4 سنين من بداية البناء.
موقع كمبوند ريفرتون (Riverton)
كمبوند Riverton بيقع في قلب التجمع الخامس (New Cairo)، وتحديدًا في منطقة الجامعة الأمريكية (AUC District) على شارع التسعين الشمالي، وقريب من الجامعة الأمريكية (AUC)، وده خلاه من المواقع المميزة الحيوية في القاهرة الجديدة، كمان قريب من Point 90 Mall و Spot Mall و Cairo Festival City Mall.
دي خريطة بتوضح موقع الكمبوند بشكل تفصيلي:
مميزات Mercon Developments
الشركة دي معروفة جداً في السوق المصري، ودي أبرز مميزاتها:
1. اختيار المواقع الاستراتيجية
الشركة فعلاً بتختار مواقع ممتازة زي الجولدن سكوير في التجمع الخامس ودي من أرقى المناطق، ومنطقة داون تاون CBD في العاصمة الإدارية ودي قلب منطقة الأعمال، شارع التسعين الشمالي وده من أحد أكتر الشوارع الحيوية، كمان المواقع دي قريبة من محاور رئيسية ومعالم مهمة، وده بيدي قيمة حقيقية للوحدات.
2. نسبة المساحات الخضراء العالية
في كمبوند نوراي هتلاقي إن 80% من المساحة مخصصة للاندسكيب والمساحات المفتوحة و20% بس مخصصة للبناء، وده رقم كويس جدًا ونادر إنك تلاقيه في السوق المصري.
3. تصميمات معمارية معاصرة
تصميمات المشاريع في الشركة بتميل للطابع العصري النظيف مع اهتمام واضح بالتفاصيل، لأن الشركة بتتعاون مع استشاريين معماريين كبار زي JLL و Hany Saad Hafez Consults وHassan Allam والمهندس أسعد سلامة.
4. أنظمة سداد مرنة
الشركة بتقدم تسهيلات حقيقية فهتلاقي إن المقدم بيكون قليل يعني حوالي 10% -30% حسب المشروع، وفترات تقسيط بتكون طويلة جدًا بتمتد من 6 لـ 15 سنة حسب المشروع، كمان الأقساط متساوية من غير فوائد، وبتقدم خصومات للدفع الكاش بتوصل لحد 50% في بعض المشاريع
5. تنوع المشاريع والوحدات
الشركة بتقدم خيارات كتيرة زي مشاريع سكنية (نوراي، ريفرتون)، ومشاريع تجارية (G7، نوراي ووك)، ومشاريع إدارية (بافو تاور)، كمان هتلاقي وحدات بمساحات مختلفة تناسب كل الميزانيات.
6. خبرة حقيقية في البناء
رغم إن الشركة دي لسه جديدة كشركة تطوير عقاري جديدة، لكن المؤسسين عندهم خبرة 15 سنة فعلية في البناء والتطوير، وسلموا 840 وحدة و70 مشروع، وده بيدي ثقة أكبر في قدرتهم على التنفيذ.
7. شراكات قوية
الشركة عندها شراكات مع جهات كبيرة معروفة زي شركة الهندسة الإنشائية الصينية في مصر وشركة جيوان للفنادق وشركة التميز الكويتية المصرية.
8. استهداف فئة فوق متوسطة
الشركة بتستهدف عملاء بيدوروا على مستوى معيشي فوق المتوسط، وهتلاحظ إن ده بينعكس على مستوى السكان وجودة الخدمات الموجودة في المشاريع.
عيوب ونقاط لازم تاخد بالك منها في Mercon Developments
قبل ما تمضي أو تدفع مقدم في وحدة أو مشروع تابع للشركة، فيه نقاط وعيوب مهمة مينفعش تتجاهلها، ودي أبرزها:
1. الشركة لسه جديدة نسبيًا في السوق
Mercon Developments مش من الشركات اللي ليها تاريخ طويل زي شركات تانية عملاقة في السوق المصري، وده معناه إنك لازم تتأكد من سجل التسليم والالتزام بالمواعيد قبل ما تحجز.
2. مشاريع محدودة لحد دلوقتي
الشركة معندهاش عدد كبير من المشاريع المسلمة، وده بيخلي تقييم الأداء الفعلي صعب شوية، فلو بتدور على شركة ليها سجل حافل، ممكن ده يكون نقطة تخليك تعيد التفكير.
3. الأسعار مش الأرخص في السوق
لو بتقارن مشاريع الشركة مع مشاريع تانية في نفس المناطق، هتلاقي إن أسعار Mercon Developments فوق المتوسط، وده مش عيب في حد ذاته، لكن لازم تتأكد إن الخدمات الموجودة والجودة يستاهل الفرق في السعر.
4. معلومات محدودة عن سجل التسليم
للأسف مفيش معلومات كتير متاحة عن مشاريع سابقة اتسلمت في مواعيدها أو تقييمات من عملاء سابقين، وده بيخلي عنصر المخاطرة موجود، خصوصًا للي بيشتري على الورق.
5. المصاريف الإدارية والصيانة
زي أي مشروع فخم لازم تحط في اعتبارك إن المصاريف الشهرية للصيانة والخدمات هتكون عالية نسبيًا، وممكن توصل لـ 10 – 15 جنيه للمتر كل شهر أو أكتر.
6. الصعوبة في إعادة البيع
ممكن تلاقي صعوبة في إعادة بيع الوحدة بسعر كويس لو قررت تبيع قبل التسليم أو في السنوات الأولى لأن الشركة دي جديدة، والسوق بيفضل الشركات المعروفة أكتر في حالة إعادة البيع.
Mercon Developments أفضل للسكن ولا الاستثمار؟
الشركة كويسة للسكن لو بتدور على مكان تسكن فيه وعندك ميزانية فوق المتوسط، وبتحب التصميمات العصرية والمساحات الخضراء الواسعة، ومشروع زي نوراي ممكن يكون اختيار كويس ليك.
لكن خلي بالك إنك لازم تتأكد إن الموقع قريب من شغلك أو اهتماماتك، وتتأكد من مواعيد التسليم المتوقعة ونسبة الإنجاز، وزور المشروع على الطبيعة لو تقدر تعمل ده متعتمدش على الصور بس.
بالنسبة للاستثمار في مشاريع Mercon Developments، فده ممكن يكون مجدي لكن لو المشروع في مواقع استراتيجية زي التجمع الخامس والعاصمة الإدارية لأنها بتشهد طلب مستمر.
مين يختار Mercon Developments؟
الشركة هتبقى خيار مناسب ليك في الحالات دي:
- لو عندك ميزانية فوق المتوسط وبتدور على مستوى معيشي راقي.
- أو بتحب التصميمات العصرية والمساحات الخضراء الواسعة.
- مستعد تتحمل نسبة مخاطرة مقابل أسعار أفضل من الشركات الأقدم.
- مش مستعجل على التسليم وعندك مرونة في الوقت.
- بتدور على وحدة في التجمع الخامس أو العاصمة الإدارية وعايز خيارات جديدة.
لكن لو محتاج تسليم فوري أو في خلال سنة وميزانيتك محدودة وبتدور على أرخص الأسعار ومش عايز تخاطر ومحتاج شركة ليها سجل طويل ومضمون أو بتشتري بهدف إعادة البيع السريع، فالشركة مش هتكون خيار كويس ليك.
إيه الفرق بين Mercon Developments وشركات التطوير العقاري الكبرى؟
بالنسبة ل Mercon Developments فتعتبر شركة حديثة في السوق العقاري المصي، وأسعارها أقل بحوالي 10% – 15%، وليها مشاريع محدودة في التجمع والعاصمة بس، وسجل تسليم محدود.
لكن شركات التطوير العقاري الكبرى زي سوديك وبالم هيلز وأراب ديفلوبرز، فدي شركات عريقة عندها خبرة بتوصل ل40 سنة، وأسعارها أعلى، وبتوفر مشاريع متنوعة في مناطق كتير، وعندها سجل تسليم طويل وموثوق، والاختيار بين Mercon Developments والشركات دي بيعتمد على ميزانيتك ومدى استعدادك للمخاطرة.
عايز تستكشف المشاريع المتاحة؟
لو حاسس إن مرجان ممكن تكون اختيار مناسب ليك، وعايز تستكشف المشاريع المتوفرة، ممكن تعمل الإجراءات دي:
- اتصل بالشركة مباشرة واطلب تفاصيل أكتر عن الوحدات والخدمات والأسعار وأنظمة التقسيط.
- زور المشروع على الطبيعة سواء كمبوند نوراي أو مول G7 أو برج بافو.
- قابل ممثلي المبيعات واسألهم أسئلة تفصيلية عن كل حاجة.
- اطلب رؤية العقد قبل ما تدفع أي حجز، ومتنساش تقارن مع بدائل تانية قبل ما تاخد القرار النهائي بالسكن أو الاستثمار
قرار شراء وحدة عقارية مش خطوة بسيطة… ده قرار ممكن يحدد مستوى معيشتك أو شكل استثمارك لسنين طويلة قدام، وعشان كده مينفعش يتبني على كلام تسويقي بس أو كلام جذاب من غير ما يكون فيه تقييم حقيقي لكل التفاصيل.
Mercon Developments عندها مميزات حقيقية زي مواقع كويسة وتصميمات حلوة وأنظمة سداد مرنة ومساحات خضراء واسعة، لكن في نفس الوقت، هي شركة جديدة ومحتاجة تثبت نفسها بالتسليم الفعلي والالتزام بالمواعيد.
في النهاية، القرار بيرجع لاحتياجاتك، ميزانيتك، ومدى استعدادك تتحمل نسبة المخاطرة مقابل المميزات المعروضة، ولو لسه محتار ومش عارف تحدد إذا كانت الأنسب ليك ولا لا، فممكن تتواصل معانا وهنساعدك تقارن بموضوعية بينها وبين الشركات التانية.
