لو بتدور على شركة عقارية بتفكر بشكل مختلف وبتحاول تقدم قيمة حقيقية للعميل، فشركة مارجينز للتطوير العقاري Margins Developments هتكون مناسبة جداً ليك.
الشركة دي بتعتبر من الشركات اللي قدرت تلفت الانتباه حواليها في الفترة الأخيرة، لأنها بتركز على تقديم مشروعات عصرية بتجمع بين التصميم العملي والموقع المميز، وده بيخليها خيار مناسب سواء للاستثمار أو السكن.
وفي المقال ده هنتكلم عن أهم مشروعات Margins Developments ومميزاتها ورؤيتها في تقديم تجربة عقارية مختلفة وأنواع الوحدات اللي يتقدمها والأسعار وأنظمة السداد.
مين هي شركة مارجينز للتطوير العقاري Margins Developments؟
شركة مارجينز للتطوير العقاري Margins Developments هي شركة مساهمة مصرية خاصة، تم تأسيسها في سنة 2017، بفضل شراكة بين مجموعة من الشركات الكبيرة في مجال المقاولات والاستثمار العقاري، زي شركة الخليج للمقاولات والتشييد وشركة بنيان للاستثمار العقاري وشركة الشريفين للاستثمار العقاري.
وده معناه إن معتمدة على خبرات سابقة طويلة في مجال البناء والتشييد، لأن الشركات المؤسسة ليها عندها خبرة بتوصل لأكتر من 20 سنة في تنفيذ مشروعات مختلفة داخل مصر وخارجها، والشركة حاولت تستفيد من الخبرة دي عشان تقدم مشروعات حديثة بتصميمات عصرية.
الإدارة والقيادة في الشركة
الشركة بيقودها فريق إداري عنده خبرة في مجال التطوير العقاري والهندسة المعمارية، وعلى رأسهم:
- المهندس محمد الأعصر – رئيس مجلس الإدارة.
- المهندس أشرف شاهين – نائب رئيس مجلس الإدارة والرئيس التنفيذي.
- المهندس أشرف شاهين الحاصل على بكالوريوس هندسة معمارية من جامعة القاهرة.
الإدارة دي بتعلن بشكل مستمر إن هدفها هو التوسع في السوق المصري والوصول لمستوى تنافسي مع كبار المطورين العقاريين في المنطقة.
خبرة Margins Developments
- الشركة عندها خبرة طويلة في مجال التطوير العقاري والمقاولات.
- نفذت أكتر من 130 مشروع عقاري من خلال الشركات الشريكة.
- نفذت مشروعات في دول مختلفة زي مصر والسعودية وسلطنة عمان ورومانيا.
رؤية شركة مارجينز
مارجينز بتسعى إنها تقدم مفهوم حديث للتطوير العقاري، وده ظاهر في مشاريعها اللي عبارة عن مجتمعات متكاملة بتوفر بيئة مناسبة للسكن والعمل والاستثمار مش مجرد مباني تقليدية، والشركة بتركز على:
- تقديم تصميمات معمارية حديثة تناسب أسلوب الحياة الحالي.
- جودة البناء والتشطيب.
- اختيار مواقع استراتيجية في المدن الجديدة.
- تقديم حلول استثمارية مناسبة لفئات مختلفة.
- التوسع في السوق المصري ومنطقة الشرق الأوسط وشمال أفريقيا.
أهم مشروعات مارجينز للتطوير العقاري
1- كمبوند لوسيل ريزيدنس – التجمع السادس
المشروع ده موجود في قلب التجمع السادس على محور محمد نجيب ومحور جمال عبد الناصر، وبالقرب من الطريق الدائري وطريق السويس، وده سهل الوصول لكل المناطق الحيوية بالقاهرة الجديدة، كمان الموقع مميز بقربه من الخدمات الأساسية مثل المدارس والمراكز التجارية والمستشفيات.
مميزات كمبوند لوسيل ريزيدنس
- كثافة المباني قليلة ونسبة المساحات الخضراء عالية، وده بيدي خصوصية وهدوء.
- تصميم مستدام بيقلل استهلاك الطاقة وبيوفر تكاليف المعيشة.
- فيه مساحات خضراء وبحيرات صناعية واسعة عشان تخلي الجو طبيعي ومريح.
- الوحدات متنوعة ومنها شقق ودوبلكس ولوفت واستوديو بمساحات مختلفة عشان تناسب الكل.
- بيئة مثالية للعائلات اللي بتحب الراحة والهدوء بعيد عن الزحمة.
- قريب من كل الطرق الرئيسية، وده خلى عملية الوصول لأي مكان سهلة جدًا.
أسعار الوحدات وأنظمة السداد في لوسيل ريزيدنس
الأسعار تقريبًا بتبدأ من حوالي 5,760,000 جنيه للوحدة الصغيرة، وبتزيد حسب نوع الوحدة وعدد الغرف والمساحة، فمثلاً لو شقق غرفة واحدة هتلاقي الأسعار بتبدأ من حوالي 5.7 مليون جنيه، ولو شقق 2 أو 3 أو 4 غرف فهتبدأ من 6.8 – 12 مليون جنيه تقريبًا.
الأسعار دي ممكن تختلف شوية حسب حالة التشطيب وموقع الوحدة داخل الكمبوند.
أما بالنسبة لطرق السداد فبتتمثل في دفع 5% مقدم وتسديد الباقي على 6 سنوات، أو 10 % مقدم وتقسيط الباقي على7 سنوات، وفيه كمان خيار 15% مقدم وتقسيط على 8 سنوات.
2- كمبوند شيراتون ريزيدنس – المستقبل سيتي
المشروع ده موجود في قلب مدينة المستقبل سيتي على الطريق الأوسطي، وده موقع استراتيجي لأنه قريب من العاصمة الإدارية والمناطق المهمة.
مميزات المشروع
- أول كمبوند لشيراتون في الشرق الأوسط، وده بيدي قيمة استثمارية كبيرة.
- مخصص للفلل الفندقية اللي بتدي خصوصية وفخامة.
- تصميم حديث ومريح في كل وحدة سكنية.
- فلل مستقلة وتوين هاوس وتاون هاوس بمساحات مختلفة لكل الاحتياجات.
- محاط بالخدمات الفندقية والمرافق الراقية.
- موقع ممتاز بيخلي الاستثمار فيه مضمون والعائد المتوقع كبير.
أسعار الوحدات
الأسعار بتبدأ تقريبًا من 23,000,000 جنيه للفلل الصغيرة أو الدوبلكس، وممكن توصل لحوالي 70,000,000 – 76,000,000 جنيه في الوحدات الكبيرة الفاخرة، والسعر ده الطبيعي في المشاريع الراقية اللي بتقدم فلل مستقلة وتاون هاوس وتوين هاوس.
أما بالنسبة لأنظمة السداد، فالشركة بيقدم خطط سداد مرنة، وأشهرها إنك تدفع مقدم 5%، وتقسط الباقي على عشر سنين.
3- مول زيا بيزنس كومبلكس – العاصمة الإدارية الجديدة
المول ده موجود في الداون تاون بالعاصمة الإدارية، وقريب من محطات المونوريل والـ LRT، وبيطل على فندق الماسة، والموقع ده مميز جدًا للشركات والعيادات والمكاتب.
مميزات المشروع
- تصميم حديث ومعتمد على معايير WELL الأمريكية للصحة والراحة.
- وحدات متنوعة بين مكاتب ومحلات وعيادات بمساحات مرنة.
- موقع مركزي بيسهل الوصول لكل الأماكن الحيوية.
- بيئة عمل متكاملة لكل المستثمرين وأصحاب المكاتب والعيادات.
4- مول أوكس إيجيبت تاور – العاصمة الإدارية الجديدة
المول ده موجود في الداون تاون بالعاصمة الإدارية، وقريب من المرافق الحكومية والفنادق الكبرى، ومكانه استراتيجي جدًا للأعمال والاستثمار.
مميزات المشروع
- أغلب مساحة المشروع مخصصة للمساحات الخضراء.
- التصميم بيجمع بين الوحدات التجارية والفندقية.
- مكان جذاب للمستثمرين المحليين والأجانب.
- بيجمع بين العائد الإيجاري القوي والفخامة في التصميم والخدمات.
أهم مميزات مارجينز للتطوير العقاري
1- شراكات دولية فعلية مش بس كلام
اللي بيميز مارجينز إنها بتتعاون مع أسماء كبيرة فعلاً:
- شيراتون العالمية في مشروع شيراتون ريزيدنس بالمستقبل سيتي.
- ماينور هوتيلز Minor Hotels اللي بتدير أكتر من 530 فندق في 54 دولة، وده في مشروع أوكس العاصمة الإدارية.
- كمان حصلت على شهادة WELL الأمريكية من International Well Building Institute لمشروع زيا بيزنس كومبلكس، وده أول مبنى تجاري في مصر يحصل على الشهادة دي.
2- اختيار مواقع استراتيجية
مارجينز كل مشروعاتها في مناطق حيوية وعليها طلب حقيقي زي التجمع السادس والمستقبل سيتي والداون تاون بالعاصمة الإدارية، وده بيعكس اهتمام الشركة باختيار مواقع استراتيجية ومميزة.
3- تصميمات عصرية
جميع مشروعات مارجينز مميزة بتصميمها العصري والعملي، لأن الشركة بتهتم بالتفاصيل الصغيرة عشان تدي للعميل تجربة متكاملة سواء للسكن أو للاستثمار.
4- معايير جودة عالمية
الشركة دايمًا بتحرص على تطبيق المعايير العالمية للجودة في كل مشروع، سواء في اختيار المواد أو التصميم أو الخدمات المحيطة بالمباني، وده بيخلي كل مشروع مش بس مكان للسكن، لكن تجربة حياة كاملة.
5- مرونة في خيارات السكن والاستثمار
الشركة بتقدم وحدات بمساحات مختلفة وتصاميم متنوعة تناسب كل الاحتياجات، والوحدات دي سكنية وتجارية وإدارية عشان تناسب كل الفئات.
6- اهتمام بالمساحات الخضراء والخدمات المحيطة
مشروعات الشركة دايمًا فيها مساحات خضراء، ومناطق ترفيهية ونوادي، وكمان خدمات أساسية زي محلات ومطاعم، عشان توفر للسكان بيئة متكاملة.
مشروعات الشركة القديمة من خلال شركاتها الأم
شركة مارجينز قدرت تنفذ مشاريع كتيرة من خلال شركة الخليج للمقاولات وشركة بنيان زي:
- أكتر من 38 مشروع من أبراج وفيلات في محافظات الدلتا.
- مشروعات في التجمع السادس ومصر الجديدة والقاهرة الجديدة والشروق ومدينة نصر.
- مشروعات في السعودية وعمان.
إيه هي أنواع الوحدات اللي بتقدمها مارجينز؟
- شقق سكنية: واستوديو وشقق غرفتين وتلت غرف و4 غرف، عشان تناسب الأفراد والعائلات بردو.
- دوبلكس ولوفت: للأشخاص اللي بيحبوا التصميمات المختلفة والمساحات المفتوحة.
- فلل (تاون هاوس – توين هاوس – ستاند ألون): زي الموجودة في مشروع شيراتون ريزيدنس بالتحديد.
- وحدات تجارية: سواء المحلات أو المساحات التجارية في الداون تاون اللي بتتناسب مع الشركات والعلامات التجارية.
- وحدات إدارية: ودي عبارة عن مكاتب مناسبة للشركات الناشئة والكبيرة.
نصائح قبل الاستثمار في مارجينز للتطوير العقاري
- افهم السوق قبل ما تدخل: قبل ما تستثمر في أي مشروع من مشاريع Margins Developments، لازم تشوف اتجاهات السوق في المنطقة اللي هتشتري فيها، وتشوف الطلب على الوحدة السكنية أو الاستثمارية هناك.
- اختار نوع الوحدة بعناية: فسواء كنت بتدور على سكن أو استثمار، حاول تختار نوع الوحدة (شقة، دوبليكس، تجاري) اللي هتناسب هدفك، لأن دا بيفرق جدًا في عائد الاستثمار.
- راجع خطة السداد: وحاول تختار اللي بيناسب إمكانياتك.
- اقرأ تفاصيل التشطيب والمواصفات: واتأكد من مستوى التشطيبات اللي الشركة بتقدمه، لأن ده بيأثر بعدين على القيمة السوقية بمرور الوقت.
الخلاصة
شركة مارجينز للتطوير العقاري بتقدم تجربة مختلفة في السوق المصري، لأنها بتوفر مجتمعات متكاملة تناسب السكن والاستثمار.
ولو بتفكر تستثمر أو تشتري وحدة سكنية في الشركة، يبقى لازم تتواصل معانا وهنساعدك تعرف كل الوحدات المتاحة وأنظمة السداد والأسعار.
أسئلة تهمك عن شركة مارجينز للتطوير العقاري
أيوة، لأن الشركة بتختار مواقع استراتيجية وعندها شراكات عالمية، وده بيخلي قيمة العقار تزيد مع الوقت.
مارجينز بتقدم خطط سداد مرنة منها 5٪ مقدم وتقسيط على 6-10 سنوات حسب المشروع.
أيوة، لأنها بتوفر شقق استوديو ودوبلكس ولوفت وفلل مستقلة وتوين هاوس وتاون هاوس ووحدات تجارية وإدارية.
