عمرك فكرت إيه السر وراء إحساس الراحة اللي بنشعر بيه في غرف الفنادق؟
الفنادق بتتبع طراز فريد في كل التفاصيل الداخلية الموجهة بشكل دقيق عشان تشعرك بالراحة والاسترخاء والهدوء، وبلمسة من الفخامة تزود إحساسك بالرغبة في البقاء في الفندق وتطول فترة إقامتك فيه. ولكن هل ممكن تجربة وإحاسا الراحة اللي بتشعر بها في الفندق تنتقل لبيتك!
في المقال ده هنكلمك عن تحويل البيت إلى فندق، وازاي تقدر تخلي أثاث بيتك بأسلوب الفنادق الفاخرة.
بالتفكير في الأمر هنلاقي ان أغلب العناصر وقطع الأثاث الفندقية بتكون من مقتنياتنا في المنزل ولكن بتكون متوظفة بشكل مختلف وغير مدروس، وعشان نوصل لتصميم داخلي فندقي فاخر للبيت هنحتاج نركز في الاختلافات اللي بنقابلها في الفنادق واللي منها:
- اختيار ألوان هادية ومتناسقة في الدهانات والفرش.
- الأثاث بيكون مريح وعلى مستوى عالي من الجودة.
- استخدام الإضاءات بتوزيع مدروس وصحيح.
- الاهتمام بالتفاصيل الصغيرة زي اللوحات وشكل الأقمشة وجودتها.
- لمسات الرفاهية في اختيار الخامات الموضوع في كل غرفة.
- الروائح العطرية الهادية والموجودة بشكل دائم.
- تفاصيل تنسيق الحمام على هيئة سبا صغير وإضافات خامات فخمة من الطبيعة.
كل التفاصيل دي إذا أخذناها بعين الاعتبار هنوصل لديكور منزل فخم يحسسك بالراحة والفخامة والهدوء وتحس طول الوقت بإحساس استجمام الفنادق.
نصائح سحرية لتحويل المنزل إلى فندق:
لو حابب تحول ديكور بيتك عشان يشبه الفنادق، أو تصمم سكنك من البداية على طراز الفنادق مهم تتبع شوية نصائح في اختياراتك منها:
اختيار الألوان:
بنلاحظ دايمًا في اختيار الفنادق لألوان الدهانات والفرش للاستقرار على ألوان هادية ومحايدة زي البيج والرمادي والأبيض واللي بنبدأ بيهم خطوة الطابع العام الهادي والمريح. وبعدين يتداخل معاهم لون قوي بشكل أنيق من الألوان الصريحة القوية زي الأخضر الزمردي أو الأزرق الملكي أو الأحمر القاتم ( النبيتي).
بتتداخل الألوان بلمسة بسيطة تبرز جمال اللون المختلف بتناغم مع الألوان الأساسية وده بيدي إحساس بالفخامة بيزيد بإضافة لمسات بسيطة من الذهبي أو الفضي حسب التناسق.
فإذا كنت عاوز سكن يشبه الفنادق فلازم تبدأ باختيار ألوان أساسية محايدة وهادية في بيتك إجمالا وتتبع الإضافات الفخمة حسب ذوقك.
أثاث الفنادق ومواصفاته:
الأثاث في الفنادق بيتم اختياره على أساس مقومين مهمين؛ يكون مريح، وراقي. وجودة الأثاث هي العامل الأساسي اللي بيظهر رقيه وبيضمن راحته، ففي حالة كان الأثاث ردئ هتتفاجئ مع الوقت انه أصبح غير مريح ومتهالك.
في اختيارك لسرير غرفة النوم عشان تشبه الفندق لازم تختار سرير كبير ومريح وتكون أقمشته ملائمة لألوان الدهان والأفضل تكون نفس اللون، ويفضل في اختيارك للأغطية والملايات تختار اللون الأبيض وتبعد عن المفروشات المزخرفة بشكل مبالغ فيه. مع الاهتمام بتوفير وسائد مريحة ومتنوعة في أحجامها.
وعشان يكتمل أثاث غرفة النوم بشكل يشبه الفندق يفضل يكون في كرسي في جانب الغرفة ويكون مريح ويغلب عليه طابع الاحتواء.ومن أهم العناصر الإضافية اللي بتكون متوفرة في أثاث الفنادق هي الترابيزات الجانبية اللي تقدر تحطها جنب السرير أو الكرسي وتستخدمها في وضع كتاب أو مشروبك وقت الاسترخاء.
اختيار المفروشات:
المفروشات في الفنادق بتكون من أهم العوامل المؤثرة في الطابع الفخم وإحاسا الهدوء في ذات الوقت، فمثلا اختيار الستائر مهم يكون من أقمشة ثقيلة من المخمل (القطيفة) على سبيل المثال وأقمشة خفيفة من الحرير أو الشيفون عشان تساعد على تحكم أكتر في الضوء خلال الليل والنهار، ولابد تكون الستائر منسدلة للأرض بدون طول زائد عشان تاخد شكل مشدود ومنسدل بأناقة. أما عن السجاد فلو حابب يكون سجاد منزلك زي الفنادق لازم تختار سجاد سميك بألوان محايدة هادية زي ألوان الدهانات.
ومن أهم العوامل اللي بتضيف لمسة أناقة في مفروشات الفندق بتكون الوسائد الصغيرة ( الكوشنز) وقطع المفارش الصغيرة الخاصة بالسرير أو الكنب ( رانر). اختيار أقمشة العناصر دي من خامات فخمة زي المخمل والجلد بنقشات متناسقة مع الألوان العامة بيضيف لمسة رقي وفخامة لكل الجوانب في المنزل.
إضاءة منزلية تشبه الفنادق:
لو عاوز تعيش أجواء الفندق في منزلك لازم تهتم جدًأ بتوزيع الإضاءة ودراستها بشكل صحيح، وإنارة كل ركن بالقطع المناسبة له. فمثلًا إضاءة غرفة المعيشة أو غرفة السفرة لابد تكون باستخدام قطع فخمة وظاهرة وتوفر إضاءة قوية. على عكس غرف النوم اللي بتعتمد على الإضاءات الهادية واللي تقدر تتحكم في مستوياتها عشان توفر لك شعور أكبر بالراحة والاسترخاء.
بالإضافة لإضاءات جانبية زي مصابيح القراءة والإضاءات المخفية اللي بتدي شعور بالهدوء والاسترخاء. والاهتمام بإضافة الأباليك في الطرقة والممرات، وإضافة أباجورات على جانبي السرير. وكلما تنوعت الإضاءة كلما زودت إحساسك بالراحة وكانت أكتر شبه بالفنادق.
حمام فندقي أنيق بأجواء من الطبيعة:
من أهم العناصر المميزة في الفنادق بيكون تصميم الحمام. في حالة تصميم بيتك على طراز فندقي لازم تاخد بالك من تفاصيل تصميم الحمام واللي مهم تلجأ فيها لمواد من الطبيعة زي الخشب أو الرخامة واللي بيضيفوا لمسات الفخامة في المكان. والتفصيلة التانية هتكون المرايا، مهم تكون المرايا مناسبة لحجم الحائط ومتناسقة مع باقي الديكور.
أما عن التفاصيل البسيطة اللي بتكمل أناقة حمام الفندق فهي الزرع الطبيعي أو الديكورات الرخامية البسيطة، مع تنسيق أماكن المناشف، والاهتمام بالشموع العطرية وتنسيق أماكن تخزين أدوات العناية الشخصية اللي بنحتاجها في الداخل.
تفاصيل إضافية عشان يكون بيتك على طراز فندقي:
مهم جدًا تهتم بالمساحات الفاضية والأركان وتديرها بشكل كويس عشان تكون أقرب للفنادق، وده عن طريق انها متحتويش على زحام ولا تكدس في العناصر الغير مهمة، ويكون فيها مساحات تخزين عشان تضم اي حاجة محتاجينها وتحد من الفوضى.
ومن التفاصيل الإضافية المهمة في الأسلوب الفندقي هو التعطير القائم على الشموع أو الزيوت العطرية اللي بتضيف روائح هادية وبتكون مستمرة طول الوقت وبتدي احساس بالراحة والاسترخاء.
في نهاية المقال نتمنى تكون قدرت تلاقي النصائح المناسبة اللي تقدر بيها تخلي بيتك على طراز فندقي، وتساعدك تحقق هدوء وأناقة في كل تفاصيل سكنك. لكن السكن الأنيق مش هيكمل إلا بامتلاكك وحدة مناسبة في مشروع مميز تكمل تجربة إحساسك بالهدوء والراحة برا الوحدة وجواها، وتضمن من خلالها كل التفاصيل الخاصة بالمكان اللي هتسكن فيه، وفريق سيفا بروبرتيز هو اللي هيساعدك تلاقي وحدة أحلامك بالمواصفات اللي تناسبك، اتواصل معاهم دلوقت وحقق حلمك في حياة هادية ومريحة.