بتدور على استثمار عقاري ناجح ومجزي ومحتار بين الفرص والاختيارات؟
حابب تستثمر في نوع عقار مميز وسهل ومرن في استخدامه؟
من أفضل أنواع العقار وأسهلهم في الاستثمار وأضمنهم في السوق العقاري حاليًا هو الشقق الاستوديو، وفي المقال ده هنتكلم عن مميزاتها وازاي هتكون أسهل عقار يقدملك استثمار عقاري مضمون ومجزي على مدى قريب أو بعيد.
ليه استثمر في شقة ستوديو؟
الشقق الاستوديو ليها من المميزات حجات كتير بتخلي ليها الأفضلية في نجاح الاستثمار عن غيرها من أنواع العقار الأخرى. ومن أهم المميزات دي:
- كون الشقق الاستوديو أصغر في المساحات بيخليها أقل في الأسعار من الشقق الأكبر، وده هيمكنك من امتلاك ستوديو بسعر أقل، أو تقدر تستغل الميزة دي في امتلاك ستوديو في مشروع لمطور كبير وتعلي فرصة العائد منه فيما بعد.
- الشقق الاستوديو كاستثمار عقاري هتكون الأفضل لأنها الأسهل في الإيجار من الشقق الأكبر والإقبال عليها بيكون شديد من فئات مختلف زي الطلبة أو العمال في مشروعات معينة، او الأجانب اللي بيتواجدوا في مصر لفترات أكبر من المكوث في فندق وأقل من امتلاك عقار.
- من أسهل أنواع العقار في إعادة البيع هي الشقق الاستوديو واللي تقدر تستفيد من إعادة بيعها بسعر أعلى وبسهولة بسبب الإقبال المستمر عليها في حالة انها بتتوافر فيها شروط تميزها هنتكلم عنها في باقي المقال.
- الشخص اللي بيفكر في استثمار عقاري لابد يفكر في مرونة استخدام العقار اللي هيشتريه، وده متوفر في الشقق الاستوديو واللي ممكن تتأجر لفترات طويلة أو قصيرة والإقبال عليها بيكون من فئات مختلفة وفي مواسم مختلفة.
مميزات أحسن ستوديو للإيجار:
عشان تحقق استثمار عقاري ناجح ومضمون من شقة ستوديو لازم تكون حريص على توافر شوية مواصفات فيها، المواصفات دي هتكون سبب في زيادة الإقبال عليها بمرور الوقت وهتحافظ على قيمة رأس مالك وتضمن لك عائد مجزي منها. ومن أهم المواصفات دي:
- قربها من الجامعات والمنشآت التعليمية زي المدارس والمراكز الثقافية والمعاهد. وده هيجذب لك فئة كبيرة من المستأجرين متمثلة في الطلبة اللي حابين يقربوا من أماكن تعلمهم خصوصًا الأجانب والمغتربين من محافظات إقليمية.
- قربها من المناطق الخدمية، زي المولات والسوبر ماركت والمنشآت الطبية، عشان توفر على المستأجر التنقل لأماكن بعيدة عشان يحصل على خدمة معينة ممكن يحتاجها بشكل يومي والأكيد انه المستأجر هيفضل العقار لو قريب من الخدمات.
- وجود الاستوديو في منطقة جديدة نسبيًأ بيديها أفضلية وبيعلي قيمتها كاستثمار عقاري لأنها بتتمتع بمقومات زي البنية التحتية المضمونة والمتطورة ومستوى حداثة بيدور عليه الشباب كتير في الوقت الحالي.
- من أهم مواصفات الاستوديو المميز خصوصًأ لو بهدف الاستثمار العقاري على هيئة تأجير هو مستوى الفرش والأثاث، جودة الأثاث والعناصر التكميلية الموجودة جوا الاستوديو بتلعب عامل كبير جدًأ في الفئة اللي هيجذبها كمستأجرين، وكلما كانت على مستوى عالي كلمها زادت قيمة العائد منها وكلما جذبت فئة أعلى وبتقدر الرقي والجودة.
- من المميزات اللي بتكون إضافة للاستوديو اللي بتعرضه للإيجار هي الخدمات المكملة زي الانترنت والتوصيلات الجيدة للكهربا والمياه، لأن المستأجر لشقة ستوديو بيفضل تكون متكاملة عشان مينشغلش بأي إجراءات أو سعي لتوفير خدمات من النوع ده. وبالتأكيد توافر الخدمات دي بجودة عالية هساهم في رفع قيمة العائد منها ونجاحها كاستثمار عقاري.
أسهل مكان لتأجير الأستوديو:
بعد ما اتكلمنا عن مميزات الاستثمار العقاري في شقة استوديو، واتكلمنا كمان عن أهم المواصفات اللي محتاج توفرها في الاستوديو اللي هتستثمر فيه وتأجره، هنبدأ نوضح لك أمثلة لأسهل الأماكن اللي تقدر تأجر فيها شقة استوديو بسهولة وبعائد مجزي، وتقدر من خلالها تحقق معادلة الاستثمار العقاري الناجحة اللي اتكلمنا عنها قبل كدا في مقال سابق وتقدر تقرأ عنها من هنا.
أما عن أفضل الأماكن لتأجير الاستوديو بعائد مجزي فمنها:
· التجمع الخامس:
من أهم الأماكن اللي عليها إقبال سكني حاليًأ في القاهرة الجديدة هي منطقة التجمع الخامس، وتعتبر من أعلى المناطق في تأجير الشقق الاستوديو لأن فيها كل المقومات اللي بتجذب الفئة اللي بتدور على النوع ده من العقار زي:
- توافر جامعات مهمة ومنشآت تعليمية متنوعة زي الجامعة الأمريكية، واللي بيكون في إقبال شديد على المشروعات السكنية المحيطة بيها أو القريبة منها من الطلبة، خصوصًا المشاريع اللي بتقدم خدمات تناسب الفئة دي من الشباب وتشجعهم على السكن فيها. وتقدر تلاقي عدد كبير من المشروعات دي وتلاقي فيها استوديوهات مناسبة في أماكن زي حي إسكان الجامعة الأمريكية.
- منطقة كايرو فيستيفال سيتي واللي تعتبر من أعلى مناطق الجذب للمستأجرين الأجانب زي الخليجيين، وده لأنها منطقة خدمات مميزة في أفضل الخدمات والمناطق التجارية والترفيهية زي المطاعم والكافيهات والمحلات التجارية الخاصة بالماركات العالمية. وكمان بتقربهم من أهم الطرق والمناطق اللي بيحتاجوا يترددوا عليها خلال اجازتهم. وهتلاقي في المنطقة دي مشروعات سكنية لمطورين كبار تقدر من خلالها تضمن أعلى عائد من إيجار وحدتك.
· 6 أكتوبر:
أكتوبر من أفضل الأماكن في استثمار عقاري في شقة استوديو لأنها من المناطق الحيوية المشهورة اللي بتجذب عدد كبير من المستأجرين في غرب القاهرة واللي بتختلف احتياجاتهم بين القرب من مكان التعليم، او القرب من مكان العمل، او التردد على أماكن السياحة والترفيه. ومن أفضل المناطق تحديدًأ لتأجير الاستوديو الخاص بيك في أكتوبر:
- ميدان الحصري، والغني عن التعريف واللي بتتمحور حواليه كل 6 أكتوبر ويعتبر أهم علامة مميزة فيها، وكل المشروعات السكنية القريبة منه بتجذب السكان بشكل كبيرة لأنها بتقربهم من أكتر الأماكن حيوية ومن أهم الأماكن اللي هيحتاجوا يترددوا عليها بشكل شبه يومي. بالإضافة لتوافر أهم الخدمات قريبة ومتاحة طول الوقت.
- الأحياء الأول والثاني والثالث يعتبروا من أعلى المناطق في جذب المستأجرين للشقق الاستوديو بسبب وجود أغلب الجامعات والجامعات الخاصة والمدراس في محيطهم، وبالتالي فهم عامل جذب للطلاب اللي حابين يسكنوا أقرب ما يكون لمكان تعليمهم اللي هيترددوا عليه بشكل يومي في موسم الدراسة.
- بالإضافة لمحيط الجامعة البريطانية، واللي بالتأكيد هتكون مكان بيلجأ للسكن فيه طلاب كتير جدًأ وهيكون من أفضل الأماكن اللي تقدر تستقبل فيه عائد مجزي من إيجار شقتك الاستوديو.
· الشيخ زايد:
بما ان الشيخ زايد على قائمة أكتر المناطق حيوية في السوق العقاري الحالي، وبيتسابق مطورين كبار على توفير مشروعات منافسة ومميزة فيها، فلابد يكون لها نصيب في نجاح الاستثمار العقاري الخاص بيك. ودي أفضل أماكن ممكن تضمن لك عائد مجزي من إيجار الاستوديو في الشيخ زايد:
- الحي الثاني في الشيخ زايد بيضم عدد كبير من المدارس والجامعات والمعاهد الخاصة وده بيخليه مكان جذاب للطلبة وتقدر تستقبل فيه عائد مميز للاستوديو الخاص بيك لو وفرت فيه أإلب المقومات اللي بيدور عليها الطلبة.
- منطقة مول العرب تعتبر من أهم المناطق الخدمية والترفيهية في الشيخ زايد واللي هيكون عليها إقبال شديد من الأجانب اللي حابين يستأجروا استوديو لفترة مؤقتة بغرض السياحة، وتسمحلهم بالقرب من أهم وأكتر الأماكن حيوية في غرب القاهرة، وهيزيد من تميز المنطقة توافر أرقى المطاعم والكافيهات والمعالم الترفيهية اللي تشجعهم على السكن في المكان.
ودي كانت تجميعة لأهم المقومات والمواصفات اللي محتاج توفرها في الشقة الاستوديو اللي بتدور عليها بغرض استثمار عقاري مضمون، ناجح، ومجزي. وباتباعها وتطبيقها تقدر تضمن لنفسك حفظ رأس مالك ونتيجة استثمار مزهلة على المدى القريب أو البعيد. ولو لسه محتار وحابب تاخد قرار بشكل أسرع في شراء وحدتك العقارية بغرض السكن أو الاستثمار تقدر تتواصل مع فريق سيفا بروبرتيز واللي هيساعدك بأسرع وقت وبأفضل طريقة عشان تلاقي اللي يناسبك وتكون مطمن.