بتفكر تسكن في الشيخ زايد؟
بتدور ومحتار في المدينة الكبيرة أي مكان هيكون الأنسب لسكنك؟
دلوقت تقدر تتعرف على أهم الأحياء والمناطق السكنية في الشيخ زايد ومواصفاتها، وكمات تقدر تعرف أهم الخدمات المتاحة هناك وتقدر من خلال المقال ده ترتب أفكارك وتحدد أفضل مكان تسكن فيه في الشيخ زايد.
ليه تسكن في الشيخ زايد؟
الشيخ زايد في غرب القاهرة من أهم المدن حاليًا في مصر، واللي بيسعى للسكن والاستثمار فيها عملاء كتير جدًا وده بيرجع لعدة أسباب بتحقق فيها مدينة الشيخ زايد تفضيلات الفئة دي من السكان واحتياجاتهم. مدينة الشيخ زايد تأسست من سنة 1995، وبمرور السنين بدأت تبقا من أكتر المدن عمارًا ومليانة بالخدمات المختلفة والإقبال عليها من المصريين أو الأجانب. ومن أهم العوامل اللي ممكن بسببها تختار تسكن في الشيخ زايد:
- الموقع:
موقع مدينة الشيخ زايد مناسب واستراتيجي من نواحي مختلفة، بتبعد عن وسط القاهرة حوالي 28 كيلو. وبيربطها بوسط البلد أهم الطرق والمحاور زي محور 26 يوليو، والطريق الدائري ووصلة دهشور، وطريق مصر اسكندرية الصحراوي، ومحور روض الفرج اللي بيربط الشيخ زايد بشمال القاهرة والكورنيش، وطريق الواحات اللي بيسهل الوصول لغرب القاهرة ومحافظات الجنوب. - التقسيم والماستر بلان:
نظرًا لإن مدينة الشيخ زايد مش من المدن القديمة في القاهرة فده اداها فرصة انها تكون مقسمة بطريقة مميزة ومنظمة بعيدة عن العشوائية، بلإضافة لاحتلال المساحات الخضراء مكان أساسي في كل بقعة منها عشان تضيف مناظر جمالية وتحد من التلوث وتوفر طبيعة مريحة لسكانها.
تقسيم مدينة الشيخ زايد لأحياء سكنية ومناطق خدمات بنظام ورقي ساعد على انها تكون مكان يجذب السكان اللي حابين يعيشوا في مستوى جيد من النظام والخصوصية ولو ده من أولوياتك يبقا لازم تكون الشيخ زايد وجهتك! - الخدمات:
لو الخدمات هي العامل الأساسي اللي بتخار عليه مكان سكنك يبقا الشيخ زايد تستحق تكون في مقدمة الأماكن. مدينة الشيخ زايد تعتبر من أثرى المدن بالخدمات وبتجمع بين رقي الخدمات وبين كثرتها. بلإضافة لكونها بتحتوي على كل الخدمات اللي ممكن تحتاجه سواء كانت أساسية ويومية أو ترفيهية.
هتلاقي في الشيخ زايد خدمات تعليمية متمثلة في جامعات ومعاهد ومدارس محلية ودولية، وخدمات صحية زي المراكز الطبية والمستشفيات والعيادات. ولو بتفكر في تجارب تسوق ممتعة ومنجزة هتلاقي أفضل وأكبر المراكز التجارية في القاهرة تابعة للشيخ زايد، وكمان الحدائق ومراكز ترفيهية متنوعة هتلاقيها على بعد مسافات بسيطة من سكنك في الشيخ زايد. - التنوع المعماري:
في مدينة الشيخ زايد كل أنواع الوحدات، ومستوياتها متوفرة. وده بيخليها من الأماكن المميزة لأن أيًا كان النوع المناسب لك فبالتأكيد هتلاقيه وهتلاقي المجتمع الأنسب ليك واللي هتحب تعيش قريب منه وتكون منه صداقات ومعارف تدوم ويكونوا بمثابة أهل ليك.
بلإضافة لتنوع مستويات المعيشة في الشيخ زايد وده بيساعدك بردو تحدد بسهولة المكان المناسب لمستواك المادي والاجتماعي اللي تقدر تعيش فيه براحة وبدون ضغوط يومية. - البنية التحتية:
من أهم عوامل جذب السكان وراحتهم في مكان سكنهم، وكمان من أهم عوامل نجاح الاستثمار واستمراريته هي البنية التحتية الجيدة والحديثة. البنية التحتية يجب أن تكون مصممة على أساس سليم إن كانت المرافق أ, شبكات الطرق لأنها تعتبر أساس سلاسة المعيشة في أي مكان ولو حصل فيها أي خلل بشكل متكرر بتصبح عائق كبير في أبسط الأمور اليومية للسكان. وفي مدينة الشيخ زايد البنية التحتية مضمونة وبتؤهلها تكون مدينة سكنية مريحة ومحدودة المشاكل في بنيتها التحتية ولها شبكة طرق منظمة تسهل عليك تنقلاتك اليومية داخل المدينة وبتربطك بخارجها بشكل جيد.
أحياء ومناطق الشيخ زايد السكنية:
المناطق السكنية في الشيخ زايد متنوعة وكلها ليها طابع مميز على الرغم من اختلافاتها. منها الراقي أو الفاخر، ومنها المتوسط، ومنها فوق المتوسط، ولكن بتتفق كل المناطف في نظامها والعوامل الأساسية اللي ذكرناها في أول الشيخ زايد. وومن أهم الأحياء التابعة لكل فئة من الفئات المذكورة:
أحياء فاخرة:
- الحي السابع والحي الثامن:
يعتبر الحي السابع والثامن في الشيخ زايد من أرقى الأحياء وفيهم فيلات ومباني ذات تصاميم ومستوى فاخر جدًا وبتتمتع بمساحات خضراء شاسعة وبنية تحتية ذات جودة عالية. وتقدر تلاقي فيها فيلات بمساحات كبيرة. - منطقة الربوة:
منطقة الربوة بتحتوي على فيلات فاخرة وبتروق للفئات العليا وبيقبلوا على السكن فيها.
مناطق فوق متوسطة:
- الحي التاسع والعاشر:
من الأحياء اللي هتلاقي فيها تنوع بين الشقق السكنية والفيلات، وهتقدر تحصل فيها على الخدمات بأسعار أقل من المناطق الفاخرة اللي ذكرناها مسبقًا. والخدمات فيها متوفرة بشكل مناسب وكمان مساحات الوحدات فيها تنوع كبير. - منطقة زايد 2000:
تعتبر زايد 2000 من المناطق المفضلة لأغلب السكان لأنها أقرب للمرافق والخدمات وفيها تنوع في الوحدات السكنية بين فيلات وشقق متوسطة وفوق متوسطة وبالتأكيد هتلاقي فيها السكن المناسب اللي بتدور عليه.
مناطق متوسطة:
- الحي الأول:
حي مناسب للعائلات اللي بتحب تعيش حياة مريحة وهادئة ومناسبة ماديًا. فيه بتتوافر الخدمات بشكل مناسب وبأسعار معقولة وفيه شقق سكنية تناسب الفئة المتوسطة. - الحي الثالث والرابع:
من أكتر الأحياء شعبية في الفئة المتوسطة ووحداتها بتتميز بأسعارها المعقولة، وكمان بتحتوي على وفرة من الخدمات. - الحي الخامس:
من الأحياء المتوسطة اللي بتجذب السكان وبتساعدهم بتوافر خدمات ومرافق ووحدات بأسعار ميسورة.
أهم الخدمات والمرافق في الشيخ زايد:
من أهم العوامل اللي بتساعدك تاخد القرار هي الخدمات في مكان السكن خصوصًا الخدمات اللي ممكن تحتاجها بشكل يومي ومن أهم الخدمات اللي هتلاقيها في مدينة الشيخ زايد:
خدمات تعليمية:
الخدمات التعليمية في الشيخ زايد جيدة جدًا وتقدر تعتمد عليها من اليوم الأول لطفلك أو حتى لو هتنتقل وعندك أولاد في مراحل تعليمية مختلفة. هتقدر تلاقي كل أنواع المنشئات التعليمية بكل التوجهات وتختار بينهم المناسب لك ولأولادك ومن أهم المعالم التعليمية في الشيخ زايد:
- الجامعة الكندية.
- أكاديمية زويل.
- جامعة النيل.
- جامعة مصر للعلوم والتكنولوجيا.
- جامعة أكتوبر.
خدمات صحية:
لا غنى عن الرعاية الصحية الجيدة والموثوقة في مكان السكن. وتعتبر الشيخ زايد من أكتر الأماكن اللي تقدر تلاقي فيها منشئات طبية مختلفة وتساعدك في أوقات الطوارئ وأشهرها كان:
- مستشفى الشيخ زايد التخصصي.
- مستشفى الشيخ زايد العام.
- مستشفى دار الفؤاد.
خدمات تجارية:
المستلزمات اليومية وتوافرها بشكل مناسب من أهم عوامل الراحة اللي بيدور عليها السكان، وحصولهم على احتياجاتهم بشكل بسيط تعتبر غاية بترفع من قيمة محل السكن دايمًا. وفي الشيخ زايد هتلاقي أكبر وأشهر المناطق التجارية والمولات واللي بتحتوي على كافة المنتجات وبأحسن الماركات المحلية والعالمية ومنها:
- مول العرب.
- مول مصر.
- هايبر وان.
- أركان بلازا.
خدمات ترفيهية:
بعد الإطمئنان على توافر وجودة الخدمات الأساسية، مهم نتأكد من وجود بعض عوامل الترفيه اللي تساعدنا على شحن طاقتنا عشان نستمر في حياتنا اليومية بشكل أفضل. في مدينة الشيخ زايد هتلاقي أماكن مختلفة تقدر ترفه فيها عن نفسك وهتلاقي تنوع وأفكار مختلفة بيجيلها الناس من أماكن مختلفة عشان يستمتعوا بيها. وبتتنوع بين نوادي وحدائق وكيدز اريا ومناطق العاب ومطاعم وكافيهات بأذواق مختلفة. ومن أشهر المناطق الترفيهية في الشيخ زايد:
- نادي الشيخ زايد الرياضي.
- مدينة الشيخ زايد الترفيهية.
- جزيرة الأطفال في مول العرب.
نتمنى في نهاية المقال تكون عرفت أهم المعلومات عن مدينة الشيخ زايد وأحياءها، وتقدر ترتب أفكارك وتحدد وجهتك لو بتفكر تنتقل ليها. وتقدر تتواصل مع فريق سيفا بروبرتيز اللي هيساعدك بخصوص أسعار الوحدات وأنواعها وأفضل المشاريع اللي تقدر تسكن فيها في الشيخ زايد بناء على خطتك واحتياجاتك وإمكانياتك.