خلاص 2024 على وشك الانتهاء، يا ترى ايه كان شكل الاستثمار العقاري في مصر خلال السنة؟ ايه الفرص والتحديات؟
في المقال ده هنعرف كل التفاصيل دي وأكتر، وهنتكلم عن أهم المتغيرات اللي حصلت خلال العام زي:
- نسب الزيادة الخاصة بأسعار العقارات في مصر، والاستثمار العقاري في مصر من 2023 ل 2024.
- أفضل مناطق الاستثمار العقاري في مصر 2024.
- مستقبل العقارات في مصر 2024 .
- الفرص والتحديات اللي بتواجه السوق العقاري المصري.
تقرير عام عن الاستثمار العقاري في مصر 2024:
القطاع العقاري في مصر من أهم القطاعات المساهمة في الناتج المحلي بنسبة حوالي 17%، وتعتبر النسبة دي نسبة كبيرة مقارنة بقطاعات أخرى. وللسبب ده مهم نعرف أكتر عن التغيرات اللي شهدها السوق العقاري خلال السنة وازاي نقدر نتوقع من خلاله أنسب طريقة لاستثمار عقاري ناجح ومضمون. ونفهم من خلالها توجه القطاع العقاري ومدى تطوره.
ودي أهم النسب اللي محتاج تعرفها عن القطاع العقاري 2024 وفقًا للتقارير الرسمية من وزارة الإسكان، والبنك المركزي، وكبرى شركات الاستشارات العقارية:
معدلات نمو السوق العقاري:
السوق العقاري في 2024 شهد نسبة نمو بتتراوح بين 7% ل 9%. نسبة معقولة سببها الرئيسي هو التوسع في المشروعات العقارية وتهيئة الفرص للمطورين عشان يوفروا عدد أكبر من المشاريع المتنوعة تساعد على الزيادة المستمرة في السوق العقاري والاستثمار فيه.
الاستثمارات الأجنبية:
السوق العقاري في مصر في 2024 كان عامل جذب للاستثمارات الأجنية بنسبة زيادة حوالي 15% عن العام الماضي. وده كان راجع للتسهيلات القانونية اللي وفرتها الحكومة للأجانب في امتلاك وإجراء الاستثمارات في مصر في مختلف المناطق. وكان النسبة الأكبر للمستثمرين الأجانب من دول الخليج واللي قدروا يخطوا خطى ثابتة في الاستثمار العقاري في مصر 2024.
ارتفاع الأسعار:
من أهم النسب اللي لازم تعرفها عن أي قطاع حابب تستثمر فيه هو اتجاه الأسعار، خصوصًا بعد التقلبات الاقتصادية اللي بتواجه العالم كله. خلال 2024 ارتفعت أسعار العقارات بنسبة من 20% ل 30%. نسبة ضخمة جدًا مقارنة بالفترة الزمنية اللي تغيرت فيها. والسبب الرئيسي في الزيادة الكبيرة في أسعار العقارات 2024 كان أزمة التضخم واللي نتج عنها كمان زيادة في أسعار البناء والمواد الخام.
زيادة الطلب على العقارات:
من النسب المشجعة على الاستثمار العقاري في مصر في 2024 هي نسب زيادة الطلب على العقارات، واللي ارتفعت بمعدل من %10 ل 12% خلال السنة. وبالنظر لحال السوق فكان المسبب الرئيسي لتغير النسبة دي هو تسهيلات الدفع اللي بتقدمها شركات التطوير العقاري بخصوص مشروعاتها الجديدة، واللي بتساعد العملاء وتشجعهم أكتر على امتلاك وحداتهم في شتى المناطق.
زيادة العقارات التجارية:
من أهم النسب اللي أظهرت تغير في الاستثمار العقاري في مصر في 2024 هي نسبة ظهور العقارات التجارية، واللي ارتفعت بمقدار يتراوح بين 8% ل 10% خلال السنة دي. ويبدو ان السبب الأكبر في التغير ده هو زيادة المشروعات من النوعية دي في المناطق الواعدة زي العاصمة الإدارية. وده راجع لكونها مدينة جديدة كليًا بتحتاج لوفرة من المشروعات التجارية عشان تكتمل خدماتها، وبالمثل في كل المدن الجديدة.
أفضل مناطق الاستثمار العقاري في مصر 2024:
في الجزء ده هنتكلم عن معدل الزيادة في الإقبال على أهم مناطق الاستثمار العقاري في مصر خلال السنة دي، ومتوسط أسعار العقارات فيها ومن أهم المناطق دي:
القاهرة الجديدة:
من أهم المناطق اللي شهدت تغير في نسب الإقبال على العقارات خلال 2024 هي القاهرة الجديدة والمناطق التابعة ليها زي التجمع والمستقبل سيتي. شهدت القاهرة الجديدة بالتالي نسبة ارتفاع في الاسعار بتوصل لحوالي 95% وده بسبب تطور المشروعات وخدماتها ونجاح كتير منها زي مشروع At East، ومشروع The Crest.
أما عن متوسط الأسعار في القاهرة الجديدة خلال 2024 فبيتراوح بين من 35 ل 45 ألف جنيه للمتر بالنسبة للوحدات السكنية، و من 7 ل 15 مليون جنيه للفيلات حسب مكان تواجدها والمشروع ومميزاته.
6 أكتوبر:
ارتفعت نسبة المبيعات في العقارات في غرب القاهرة في 2024 وبالأخص في مدينة 6 أكتوبر بنسبة حوالي 83% عن السنة اللي فاتت. وده بسبب توفير مشروعات متكاملة على الصعيد التجاري والتعليمي كانت عامل جذب لفئة كبيرة من العملاء وساعدت في زيادة الطلب على العقارات في أكتوبر.
وبتتراوح أسعار العقارات في 6 أكتوبر في 2024 بين 25 ل 30 الف جنيه للمتر بالنسبة للوحدات السكنية، ومن 5 ل 12 مليون جنية بخصوص الفيلات بمساحاتها ومواقعها المختلفة.
العاصمة الإدارية الجديدة:
في العاصمة الإدارية لاحظنا زيادة سنوية في البيع وصلت لحوالي 25%، وده راجع لزيادة الاستثمارات في العاصمة الإدارية خلال 2024 وإقبال المطورين على توفير مشروعات جديدة وبدء التشغيل في العاصمة.
واختلفت الأسعار في العاصمة الإدارية السنة دي عن سنة 2023 وأصبح متوسط الأسعار فيها من 30 ل 50 الف جنية للمتر في الوحدات السكنية، ومن 18 ل 20 مليون جنيه للفيلات حسب موقعها ومساحتها وباقي مواصفاتها.
العلمين الجديدة:
الوجهة المميزة لسنة 2024 في الاستثمار العقاري هي مدينة العلمين الجديدة واللي زادت فيها نسبة الاستثمارات بشكل ملحوظ بعد دخول الاستثمارات الأجنية وجهود الحكومة في تسليط الضوء عليها.
وأسعار العقارات في العلمين الجديدة في 2024 بتتراوح بين من 35 ألف ل 55 الف جنيه للمتر بالنسبة للوحدات السكنية. ومن 6 ل 20 مليون جنيه للفيلات.
الساحل الشمالي:
الساحل الشمالي حقق زيادة ملحوظة في 2024 في العقارات الساحلية، وكان تنافس المشروعات على الفخامة والتكامل سبب دفع عملاء كتير لاغتنام الفرص في الاستثمار العقاري في الساحل الشمالي السنة دي. وبالتالي زاد الطلب على مختلف الوحدات من مشروعات مختلفة كلها مميزة ومتكاملة.
واختلفت الاسعار في الساحل الشمالي للعقارات في 2024 وبتتراوح بين من 40 ل 70 الف جنيه للمتر. ومن 8 ل 30 مليون جنيه للفيلات والشاليهات الفاخرة حسب قربها من البحر والخدمات وموقعها.
دي كانت أهم الأماكن اللي شهدت تطور في قطاع العقارات السنة دي وتقدر تعرف عنها بالتفصيل وعن مميزاتها ومقوماتها من خلال مقالنا عن أفضل مناطق الاستثمار العقاري في مصر 2024.
التحديات والفرص في قطاع العقارات 2024:
مع التغير الكبير اللي بيحصل كل يوم في العالم من حولنا وفي مصر بالخصوص كان لازم نتكلم عن التحديات والفرص اللي واجهت مجال العقارات في مصر 2024. ونستغلها في مساعدتنا على فهم السوق والتوجهات المستقبلية للاستثمار العقاري.
التحديات:
بيواجه السوق العقاري تحديات مختلفة بسبب عوامل خاصة وعامة لكنها بتؤثر بشكل ملحوظ على مؤشرات الاستثمار وسلوك القطاع، ومن أهم التحديات دي:
التضخم العالمي:
ساهم التضخم في إحباط فئة كبيرة جدًا من العملاء في تحقيق استثمار عقاري ناجح في 2024، وده بسبب زيادة أسعار العملات وانهيار الجنيه المصري، واللي على أساسه اختلفت الطبقات الاجتماعية وتغيرت الأولويات لأغلب الشباب في السنين الأخيرة.
التقلبات الإقتصادية:
التقلبات الاقتصادية للسوق بالكامل صعبت أمر الاستثمار العقاري في مصر 2024 على أغلب العملاء بسبب استمرار زيادة الأسعار في فترات قصيرة جدًا، مع ثبات الأجور، وده أدى لبعد الهدف الاستثماري الخاص بكل عميل وعدم القدرة على اللحاق بيه بسبب عدم تكافؤ سرعة الزيادة في أسعار العقارات مع مقدار اللإدخار اللي قدر عليه العملاء خلال نفس الفترة.
المنافسة بين المشاريع:
التنافس الكبير بين شركات التطوير العقاري وسعيهم لتطوير أفضل مشروعات عقارية في سنة 2024 أدى لزيادة المنافسة في الأسعار وزيادة حيرة العملاء بين المشروعات المختلفة وأصبح زيادة المشروعات بتمثل تحدي أكتر من كونه فرصة في زيادة العائد من القطاع العقاري.
الفرص:
ساهمت الفرص المتجددة الخاصة بالقطاع العقاري في مصر في معادلة التجربة الاستثمارية وساعدت في زيادة النسب للسنة دي ومن أهم الفرص دي:
وجود مناطق جديدة:
المناطق الجديدة هي دايمًا فرصة في خلق مساحة مختلفة من السوق تجذب فئات مختلفة من العملاء وتوفر مشروعات أكتر بإمكانيات مختلفة.
دخول الاستثمارات الأجنبية:
الاستثمارات الأجنية شجعت عملاء كتير جدًا على الاستثمار في القطاع العقاري في 2024، وساعدت أكتر في تشجيع المطورين على تطوير مشروعاتهم ورفع إمكانياتهم عشان تتكافء المنافسة.
التنوع العقاري:
تنوع العقارات بين سكني وتجاري وإداري وكثرة المشاريع في الاتجاهات المختلفة ساهم في جذب فئة أكبر هدفها أكتر من وحدة سكنية وساعد في تقليل الركود في الحركات الاستثمارية. وأصبح الأنواع المختلفة من العقارات بتخلق أنواع جديدة من الاستثمار المستمر خلال السنة بين بيع وشراء وإيجار.
دليل الاستثمار العقاري في مصر 2024 اللي بتقدمهولك سيفا بروبرتيز بالنسب والأرقام بيساعدك تفهم أكتر عن القطاع العقاري وأنسب طرق للاستثمار فيه، ومن هنا كان مهم جدًا نفهم أكتر عن التوجهات المستقبلية اللي رايح ناحيتها السوق العقاري واللي منها الاستدامة، وبسبب التوجه ليها أصبحت المشروعات بتتنافس في تحقيقها وتنفيذ مشروعات صديقة للبيئة. ومن التوجهات المستقبلية الواضحة في السوق العقاري هي زيادة التسهيلات على العقارات في المشاريع المختلفة واللي بتلجأ ليها شركات التطوير العقاري عشان تواجه التحديات وتكسب عملاءها من جديد.
في نهاية المقال نتمنى تكون قدرت تكون صورة متكاملة عن الاستثمار العقاري في مصر في 2024، والفرصة لسه أدامك عشان تحقق استثمارك العقاري الناجع السنة دي واللي هيساعدك فيه فريق سيفا بروبرتيز بخبرة كبيرة وفهم واعي للسوق من كافة النواحي، اتواصل معانا دلوقت وهنساعدك تلاقي اللي بتدور عليه.