تكاليف إضافية لشراء عقار في مصر لازم تاخدها في الحسبان

أشهر التكاليف الإضافية عند شراء عقار في مصر:

التكاليف الإضافية اللي ممكن تقابلك أثناء شراءك لعقار في مصر في سنة 2024 مختلفة وممكن تكون متغيرة من مشروع للتاني، ممكن تقابل منها واحدة أو اتنين وممكن تقابلهم كلهم. ومن أهمها وأشهرها واللي بيتعرض ليها كتير من العملاء:

·       رسوم تفعيل الخدمات والمرافق في الكمبوندات السكنية:

لو بتشتري عقار في بعض المشروعات الموجودة حاليًا في السوق العقاري ممكن تواجه المطالبة بمبلغ مالي معين مقابل إمداد وحدتك بالخدمات الأساسية زي الكهرباء أو الغاز أو المياه. وهنا لازم تتأكد قبل الشراء هل إمداد وحدتك بالخدمات دي مشمول في سعر الوحدة أو في التكاليف الأساسية ولا هيكون ضمن التكاليف الإضافية. عشان تقدر تضيفه على حساباتك وتقدر تستفيد من تشغيل وحدتك فورا سواء للسكن أو الاستثمار.

·       تكاليف صيانة العقارات في مصر:

في أغلب المشروعات السكنية بيطلب منك البائع دفع مبلغ بيسمى وديعة صيانة وبتكون في الأغلب للصيانة السنوية أو الشهرية المتعارف عليها. لكن اللي ممكن يقابلك كتكلفة إضافية هو رسوم صيانة مختلفة بيطلبها البائع عند التعاقد وبتكون خاصة بعناصر أخرى غير المشمولة في الوديعة السنوية أو الشهرية.

·       رسوم التجهيزات أو التشطيبات:

في حالة كان العقار اللي هتشتريه مش متشطب بالكامل أو لسه ينقصه بعض التجهيزات، لازم تحسب كويس التكلفة اللي هتدفعها في تكملة تجهيز الوحدة بناء على أسعار السوق والمواد اللي هتحتاجها، ويستحسن تسيب هامش بسيط للزيادة المحتملة في الأسعار نظرًا لعدم استقرار حالة السوق.

·       تكاليف التأمين على العقارات في مصر:

بعض المشروعات السكنية بتطلب من العميل مبلغ إضافي للتأمين على الوحدة اللي هيشتريها، وكمان بعض العملاء بيفضل يأمن على وحدته بمجرد شراءها، ففي حالة إذا كنت مهتم بالتأمين على وحدتك لازم تحسب كويس تكاليف التأمين وتضمها لميزانيتك قبل الشراء عشان تكون ضمن معادتلك وتقدر تحققها بشكل ناجح ودقيق.

·       تكاليف إضافية تخص البنية التحتية:

لو بتشتري وحدة سكنية أو تجارية أو إدارية في إحدى المشروعات الجديدة ممكن يقابلك بند إضافي في المصروفات يخص إتاحة أو ربط وحدتك بالطرق الداخلية أو الحدائق الخاصة بالمشروع، ودي بتكون ضروريات عشان تسهل تنقلاتك من وإلى وحدتك أو تميزها بمنظر جمالي أو تزيد من خصوصيتها.

·       رسوم السمسار عند شراء العقار:

معروف عند شراء العقارات في مصر وجود وسيط أو وكيل عقاري بتتم من خلاله عملية شراء  العقار وبتكون أسهل وأضمن في حالة كونه شخص أو مؤسسة موثوقة وذات خبرة، وده لأنه بيكون ملم بكل التفاصيل اللي تخص جودة العقار وصلاحيته من الناحية الرسمية والقانونية. قصاد خدماته في تسهيل عملية الشراء أو البيع بيكون له نسبة بيحصلها من العميل بتتراوح بين من 1 ل 2.5%. ودي من أهم التكاليف الإضافية اللي لازم تاخد بالك منها أثناء ترتيب ميزانيتك لشراء عقار.

·       الرسوم الحكومية عند شراء عقار في مصر:

الإجراءات الحكومية لشراء العقارات في مصر بيتخللها تفاصيل كتير وبتحكمها قوانين مختلفة في جهات مختلفة، ولها رسوم واجب سدادها. قبل شراء العقار لازم تكون ملم بالرسوم والقوانين الخاصة بنوعية العقار اللي هتشتريه وتكون ملم كمان بتحديثاتها لأن منها اللي بيكون متغير حسب عوامل كتير تخص الوضع الاقتصادي في مصر، زي ضريبة القيمة المضافة للعقارات، أو رسوم التسجيل وهكذا.

·       تكاليف نقل ملكية المرافق في العقارات:

في حالة شراءك لعقار من مالك تاني بيكون من أهم الخطوات اللي بتنفذها مباشرة بعد الشراء نقل ملكية الخدمات والمرافق الخاصة بالعقار، زي عدادات الغاز والكهراباء والمياة، وده مهم جدًا عشان تتجنب المسائلة القانونية أو أي خطأ ممكن يحصل نتيجة اختلاف ملكية صاحب العقار عن مالك الخدمات. وفي الحالة دي هتقابلك تكاليف إضافية أثناء نقل الملكية من رسوم حكومية أو رسوم تخص إجراءات روتينية أو تكلفة تعيين محامي لو تطلب الأمر.