حابب تسكن في التجمع الخامس وبتدور على أفضل المناطق للسكن؟
محتار بين أفضل مناطق للسكن في التجمع الخامس ومحتاج تعرف تفاصيل أكتر عنهم؟
في المقال ده هنتكلم عن أفضل مناطق السكن في التجمع الخامس بالتفصيل، ونشرح كل مميزاتها وأهم خدماتها واللي منها:
- إيه اللي بيميز كل منطقة؟
- موقعها.
- أهم الخدمات فيها.
- أهم المشاريع السكنية الموجودة فيها.
لو حابب تعرف أهم التفاصيل عن المناطق دي تابع قراءة المقال.
ليه تسكن في التجمع الخامس؟
التجمع الخامس إجمالًأ يعتبر من أرقى المناطق في القاهرة للسكن أو الاستثمار، باختلاف أحياؤه وطبيعتها، ولكن بيجتمعوا كلهم على الحداثة والرقي وجودة الخدمات. يعتبر التجمع مش من أحدث المناطق حاليًأ في القاهرة ولكنه محتفظ برونقه ومازال عامل جذاب لمعظم الباحثين عن مكان يجمع لهم بين الرقي وتوافر الخدمات المختلفة. وفي التجمع هتلاقي اختلافات بين الأحياء في طبيعتها؛ فهتلاقي منها الهادئ، ومنها التعليمي، ومنها المزدحم وسط الخدمات وعوامل الترفيه، وكل منها له الساكن اللي بيفضلها عن غيرها من الأحياء. في باقي المقال هنتكلم عن أفضل مناطق السكن في التجمع الخامس، واللي من خلالها تقدر تحدد الأفضل من وجهة نظرك للسكن أو الاستثمار.
شارع التسعين:
التسعين يعتبر من أشهر الشوارع في التجمع الخامس، سواء كان التسعين الشمالي أو الجنوبي. ويعتبر شارع التسعين من أفضل مناطق السكن في التجمع لأنه من أكتر الأماكن حيوية واستراتيجي جدًا في موقعه. ولو انت من محبي الهدوء والرقي هتلاقي احتياجك في التسعين الجنوبي، أما لو حابب تسكن وسط أكبر مجمعات خدمية، فالأنسب ليك هيكون التسعين الشمالي.
من أهم مميزات شارع التسعين هو أهميته في الوصول لكل مناطق التجمع والقاهرة الجديدة لأنه بيربط بينهم بشكل مميز والتنقل من خلاله بيكون أسهل سواء بعربيتك الخاصة أو بالمواصلات العامة. أما بالنسبة للخدمات الموجودة في منطقة شارع التسعين:
- مولات تجارية زي جاليريا 40، ومول نايل سيتي سنتر.
- مطاعم عالمية ومحلية بكافة الأذواق.
- منشآت تعليمية زي الجامعة الأمريكية ومدرسة بريتانيا.
- منشآت طبية زي مستشفى تبارك، والمستشفى الجوي، وكايرو ميديكال سنتر.
- مجمع البنوك بالكامل واللي بيحتوي على أفرع لأهم البنوك في مصر.
- كمبوندات سكنية بتحتوي على تنوع معماري مميز من أهمها كمبوند ميفيدا، وفيفث سكوير المراسم، وجاليريا مون فالي.
حي النرجس:
حي النرجس من أهم وأفضل مناطق السكن في التجمع بتقيم السكان لعدة أسباب، أهمها كونه في قلب التجمع الخامس وبيخليك قريب من كل مكان ممكن تروحه، وبيجي بعد موقعه في الأهمية كونه حي عائلي وبيتسم بالهدوء ومناسب للسكن في أمان وخصوصية. حي النرجس بيحتوي كمان على تنوع في الوحدات ومساحاتها وبالتأكيد بتختلف في أسعارها فبيهيألك فرصة كبيرة إنك تلاقي الوحدة المناسبة بالنسبة ليك.
ولو هدفك الاستثمار على المدى القريب أو البعيد فحي النرجس هيكون من أفضل الاختيارات لأنه من أهم الأماكن اللي أسعارها في تزايد مستمر بسبب تميزها وجودة خدماتها. ومن أهم الخدمات الموجودة في حي النرجس واللي بتؤهلة يكون من أفضل مناطق السكن في التجمع:
- مولات تجارية زي مول النرجس.
- مطاعم متنوعة وبأذواق مختلفة.
- مدرسة كابيتال الدولية، وكلية نارمر.
- أندية راقية زي تجمع هايتس، قطامية بتروسبورت، نادي النرجس.
- مسجد فاطمة الشربتلي.
حي اسكان الجامعة الأمريكية:
لو انت طالب جامعي أو ولي أمر لطلبة فأنسب حي تسكن فيه من أفضل مناطق السكن في التجمع هو حي إسكان الجامعة الأمريكية. واللي هيوفرلك أفضل بيئة تعليمية يخدمها الهدوء والرقي وجودة الخدمات المتوفرة فيه. وفي المقابل طبعًا هتكون أسعاره أعلى نسبيًا عن باقي المناطق أو الأحياء، لأنه بيوفر مستوى معيشي مرتفع لسكانه.
حي إسكان الجامعة الأمريكية كمان بيتميز بالعصرية في تصماميم مبانيه، ودايمًا هتلاقي فيه أحدث التصميمات وده عشان يجذب الفئة المستهدفة من الشباب. ومن أهم الخدمات اللي هتلاقيها في حي إسكان الجامعة الأمريكية:
- كمبوندات سكنية على مستوى عالي زي بالم هيلز، وميدتاون، وزيزينيا، ولاتيرا.
- مولات تجارية زي مول ذا سبوت و ميدتاون مول.
- منشآت تعليمية مهمة زي الجامعة الأمريكية ومدرسة برينستون.
- أندية راقية زي نادي القاهرة الجديدة.
منطقة المستثمرين الجنوبية:
من أهم المناكق المعروفة في التجمع الخامس واللي اسمها بيتردد علينا بشكل مستمر. وتعتبر من أفضل مناطق السكن في التجمع عشان هي منطقة حيوية جدًا وقريبة من الخدمات وبتحتوي على عدد كبير من الكمبوندات لشركات مرموقة وليها وزن في السوق العقاري. وده بيخليها كمان من أهم المناطق للاستثمار واللي بتتزايد قيمتها بمرور الوقت.
منطقة المستثمرين الجنوبية هتقدملك أفضل تجربة للسكن وتوفرلك أميز الخدمات اللي ممكن تكون محتاجها واللي منها:
- كمبوندات مميزة زي كمبوند المصراوية، كمبوند الريتاج، وكمبوند مينا ريزيدنس.
- مولات تجارية كبيرة زي كونكورد بلازا.
- أندية راقية زي نادي الزهور.
- منشآت تعليمية منها مدرسة صلاح الدين الدولية.
- بنوك مهمة زي بنك مصر و بنك CIB.
حي الدبلوماسيين:
من اسمه تتوقع انه من أرقى أحياء التجمع الخامس، وكمان أفضلهم في الخصوصية والأمان والهدوء. لو بتدور على مستوى عالي من كل الحجات دي يبقا هيكون اختيارك بين أفضل مناطق السكن في التجمع الخامس هو حي الدبلوماسيين.
حي الدبلوماسيين هيقدملك مستوى مميز من الرقي في الخدمات اللي هتكون موجودة فيه أو بالقرب منه وهيساعدك تعيش في أمان ويحيط بيك جيران مميزين وراقيين. ومن أهم الخدمات الموجودة في حي الدبلوماسيين:
- منشآت طبية زي مستشفى دار الصحة.
- بنوك زي بنك ال CIB.
- مناطق تجارية زي بريميم ماركت ومول أرابيلا بلازا.
- كمبوند الدبلوماسيين.
بعد ما اتكلمنا عن أفضل مناطق السكن في التجمع الخامس نتمنى تكون قدرت تكون نظرة شاملة عن المميزات والاختلافات بين كل منطقة والتانية. ويساعدك المقال في اتخاذ قرارك بخصوص تحديد وجهتك للسكن في التجمع. وبناء على تفضيلاتك تختار المكان الأنسب ليك وتلاقي فيه الوحدة المناسبة. وتقدر تتواصل مع فريق سيفا بروبرتيز واللي هيساعدوك أكتر على تحديد وجهتك ويفضلوا معاك خطوة بخطوة لحد ما تاخد قرارك وتمتلك وحدتك للسكن أو الاستثمار في التجمع الخامس.