بتدور على فرش جديد لبيتك الحالي؟
أو حابب تفرش سكنك الجديد ومحتار في محلات الأثاث؟
في الحالتين هتكون محتاج تعرف أفضل محلات الأثاث في مصر عشان تضمن إن الفرش يكون ملائم للمواصفات اللي بتدور عليها.
في المقال ده هنكلمك عن أهم وأفضل أماكن بيع الأثاث وهنقول لك كمان شوية نصائح تساعدك في اختيار أثاث مناسب ويعيش معاك فترات طويلة.
تخيل معايا إنك بتبدأ من الصفر اختيار قطع الأثاث المناسبة عشان تملأ بيها بيتك، أو حابب تحس بالتغيير فقررت تغيير بعض القطع الموجودة بالفعل في سكنك حاليًا. الموضوع يبدو سهل وبسيط لكنه في الواقع بيحتاج مجهود كبير وترتيب جيد للأفكار لأنه في الآخر بيعبر عن ذوقك الشخصي وشخصيتك بتظهر من خلاله. ومن أهم النصائح اللي هتسهل عليك الاختيار:
· تحديد نوع العفش أو الديكور العام:
بتحديدك لنوع الديكور اللي حابب تفرش بيه بيتك هتكون بتقلل الاختيارات وبتوجه فكرك ناحية نوع معين زي المودرن أو الكلاسيك أو البوهيمي أو أي نوع ملائم ليك. وفي الحالة دي هتكون مركز أكتر وتقلل فرصة الشتات في إعجابك بقطع أثاث من أنواع تانية.
· تحديد احتياجك من القطع اللي هتستخدمها:
بعد تحديد توجهك في نوع الديكور بيجي دور اختيارك لنوع القطع اللي حابب تستخدمها في المكان اللي بتفرشه حسب الأولوية في الاستخدام واحتياجاتك وده هيساعدك تكون محدد في البحث أكتر ومتضيعش وقت في الإعجاب بقطع مش هتحتاجها أو مش هتستخدمها.
· البحث عن أماكن محددة متوفر فيها اختياراتك:
بعد تحديد كل توجاهتك في اختيارك للأثاث المناسب ليك بتكون آخر خطوة هي البحث عن أماكن موثوقة بتوفر القطع اللي انت محتاجها وده هيساعدك على توفير وقتك وجهدك في اللف والبحث في كل محلات الأثاث الممكنة واللي هتلاقي بعضها مفيهوش الأنواع اللي تناسبك. ومهم كمان تكون محلات الأثاث بتبيع منتجات ذات جودة وتعيش معاك وقت أطول. وفي باقي المقال ده هنعرض لك قايمة ببعض أفضل محلات الأثاث واللي هتساعدك تلاقي اختياراتك بشكل أسهل.
أفضل محلات الأثاث في مصر:
محلات الأثاث بتختلف أنواعها واتعددت جدًا خلال وقتنا الحالي، في منها المتخصص في أذواق وأنواع معينة، ومنها اللي بيكون متكامل وبيحتوي على تنوع كبير. أما عن أماكن تواجدها فبتختلف حسب طبيعة كل منها ف هنلاقي منها المعارض الكبيرة، ومنها الشركات ال
لي بتجمع قطع مختلفة من معارض ومصانع وتقدر تشتريها من خلالهم، ومنها المولات الكبيرة اللي بتحتوي على أكتر من محل أو معرض. ومن أهم وأفضل محلات الأثاث اللي بنقدمها ليك في المقال ده:
بيوت فرنيتشر Beyoot furniture:
بيوت فرنيتشر هيكون اختيارك الأمثل لو كنت بتدور على أثاث فاخر. المعرض يعتبر من أفضل محلات الأثاث في مصر وبيقدم مجموعة متنوعة من قطع الأثاث بأذواق وأنواع مختلفة. وتقدر تلقي نظرة على القطع اللي بيوفرها بيوت فرنيتشر عن طريق الموقع الإلكتروني الخاص بيه من هنا.
أما لو حابب تتفرج على القطع اللي بيوفرها بيوت فرنيتشر على أرض الواقع ف هيكون عندك 3 فروع تقدر تختار منهم الأنسب ليك واللي موجودين في:
- أكتوبر.
- التجمع التالت.
- هيليوبوليس.
إن هاوس فرنيتشر Inhouse furniture :
إن هاوس فرنيتشر معرض مميز من محلات الأثاث معروفة في مصر، واللي بيقدملك تشكيلة كبيرة من الأثاث المودرن وهتلاقي عنده تنوع كبير في أشكال القطع والديكورات، وتقدر من خلاله تستقر على اختيارات مميزة تخلي بيتك جميل ومميز. تقدر تتواصل مع معرض إن هاوس فرنيتشر عن طريق صفحاتهم على فيسبوك من هنا، وتستفسر أكتر أو تجمع أفكار عن المعروضات والمنتجات الخاصة بيهم.
وبالنسبة لأماكن تواجد فروع إن هاوس فرنيتشر ف تقدر تزورهم في 3 أماكن مختلفة تختار منها الأنسب ليك:
- التجمع الأول.
- مدينة نصر.
- دمياط الجديدة.
رواد فرنتشر Rowad Furniture:
رواد فرنتشر من أهم محلات الأثاث في مصر واختلافها بيكمن في تقديمها لأسعار تنافسية وتوفير تنوع في النتجات في وقت واحد، اشتهر رواد فرنتشر بتعاونهم مع فنادق كبيرة في مصر وتقديم مستوى مميز من الفرش وقطع الأثاث واللي بالتأكيد هتلاقي منهم الذوق اللي بناسبك.
رواد فرنتشر ليهم موقع إلكتروني سهل وواضح تقدر من خلاله تكون أفكار عن منتجاتهم وتقرر إذا كانت مناسبة ليك ولا لأ، وتقدر تزوره من هنا. أما عن الموقع الجغرافي لفرع رواد فرنتشر ف تقدر تزوره في:
- أكتوبر، المنطقة الصناعية.
لا كاسا إيجيبت La Casa Egypt:
لو بتدور على قطع أثاث تدمج بين المودرن والكلاسيك وتضمن جودتها وأناقتها هيكون اختيارك في لا كاسا إيجيبت. لا كاسا إيجيبت بدأ في مصر من 2020 وهتقدر تلاقي عندهم تنوع كبير في الفرش والديكورات وهما منصة بتقدم مجموعة متكاملة من أكبر لأصغر التفاصيل في فرش سكنك.
تقدر تزور موقع لا كاسا إيجيبت وتختار من عليه القطع المناسبة ليك وتطلبها وتوصلك لحد عنوانك اللي هتحدده وتستمتع بخصوماتهم وعروض التقسيط من هنا وقريبًا هيكون ليهم تطبيق عشان يسهل أكتر عملية الشراء. اما لو حابب تزور مكان المعرض وتتفرج على أرض الواقع ف تقدر تزورهم في:
- شيراتون.
منزلي Manzzeli:
من أهم المواقع اللي بتوفر تشكيلة كبيرة ومتنوعة من الأثاث ومن ماركات مختلفة مشهورة أو لا هو موقع منزلي. منزلي بيقدملك قطع مميزة وبيجمع كل الأذواق ولكن بنظام يساعدك تكون محدد في بحثك عن القطع اللي محتاجها. بالإضافة للخصومات والعروض اللي بيقدمها واللي ممكن متكونش متاحة في المصدر الأساسي لقطع الأثاث المعروضة. وتقدر تزور موقع منزلي من هنا وتستمتع باختيار القطع المناسبة ليك.
أما عن مقر منزلي ف هو موجود في:
- القطامية.
هومزمارت Homzmart:
هومزمارت أصبح من أشهر المواقع في بيع الأثاث، واللي اكتسب ثقة العملاء وقدم لهم خدمات مميزة وبقا انطباعه عندهم المصداقية الناتجة عن الالتزام بالواقعية في عرض كل تفاصيل القطع والجودة الفعلية وكل شيئ بوضوح بدون تزييف.
هومزمارت بيقدم مجموعة كبيرة من قطع الأثاث والديكور واللي هتلاقي فيها كل حاجة بيتك محتاجها بأسعار مختلفة ومستويات وأذواق متفاوتة. وتقدر من خلاله تستفيد بعروض شبه مستمرة وخصومات كبيرة جدًا. وليهم تطبيق تقدر تستخدمه بشكل أسهل ويساعدك أكتر في ترتيب اختياراتك. هومزمارت كمان اشتهر بتنظيمة وده هيساعدك في انك تلاقي اللي بندور عليه بسهولة بدون تضييع وقت. وتقدر تزور الموقع من هنا.
اما عن مقر هومزمارت هتلاقيهم موجودين في:
- التجمع الخامس.
ده كان بالنسبة لأفضل محلات الأثاث في مصر، أما لو حابب يكون عندك أكبر فرصة من الاختيارات في مكان واحد ف الأفضل هو انك تلجأ للمولات المتخصصة في بيع الأثاث واللي منها:
مول عالم دمياط للأثاث:
المول موجود في مدينة نصر، في عباس العقاد وهتلاقي فيه مجموعة كبيرة من المحلات والمعارض وهتساعدك تلاقي كل الاختيارات اللي محتاجها في وقت واحر.
صن مول:
صن مول الغني عن التعريف واللي بيلجأ له أشخاص كتير جدًا في فترة اختيار الأثاث الخاص بيهم وبيوفرلك اختلاف في عروض الأسعار باختلاف التجار واختلاف في المعروضات. صن مول موجود في منطقة النزهة شارع المطار.
مول دامسون للأثاث الفرع الرئيسي – Damson Furniture:
مول دامسون للأثا كمان هيساعدك تلاقي التنوع اللي بتدور عليه في وقت واحد ويختصر عليك وقت التنقل من معرض لآخر في مناطق بعيدة عن بعض. وتقدر تختار فيه الأثاث المناسب ليك وتطلب تعديلات خاصة. مول دامسون موجود في ميدان المحكمة مصر الجديدة.
بعد اختيار الأثاث المناسب وفرش سكنك بما يتناسب مع شخصيتك وذوقك بيجي دور الحفاظ على الأثاث وجمال وأناقة البيت لأطول فترة ممكنة. وده ممكن يتم عن طريق بعض الخطوات اللي لازم نعملها بانتظام أو بعض القواعد اللي لازم نلتزم بيها واللي بالتأكيد هيساعدنا نحافظ عليه زي:
- التنضيف المنتظم بأدوات مناسبة والبعد عن المواد اللي بتحتوي على كيماويات ممكن تكون شديدة على طبيعة الخامات في الفرش.
- حافظ على الأثاث من الخدوش واستخدم قطع تنضيف متسببش أي تجريح للأثاث.
- اتعامل مع الأثاث بحرص وتجنب الحركات اللي ممكن تسبب كسره.
- خليك حريص على حفظ الأثاث من الرطوبة عشان تزود فترة بقاءه على حاله كأنه جديد.
وده كان مقالنا اللي بيقدم لك قائمة بأفضل محلات الأثاث في مصر وبعض النصائح اللي هتساعدك في الاختيار.
وأخيرًا بنفكرك إن أهم خطوة في اختيارك لفرش سكنك هو إنه يكون متناسب مع ذوقك وفكرك وشخصيتك، لأن السكن هو المكان اللي بينتمي ليه الإنسا وبيحس فيه بكونه حقيقي ولازم يكون بيوفر له الراحة والسكينة، وده بيكون دور التكامل اللي بتحققه في اختيارك لكل قطعة من الأكبر للأصغر واللي دايمًا بتعبر عنك وبتضيف لك إحساس بالخصوصية والتميز.