كمبوند بارك فالي 2 | كل التفاصيل والمعلومات

بتدور على مشروع عقاري للسكن أو الاستثمار؟

سمعت عن مشروع بارك فالي 2 الشيخ زايد وحابب تعرف معلومات وتفاصيل عنه؟

المقال ده هيوفر لك إجابة السؤالين اللي فاتوا، وكمان هيجاوب على كل التساؤلات اللي بتدور في بالك عن كمبوند Park Valley 2 وهيوضح لك تفاصيل مهمة عنه زي:

موقعه.
مساحته.
خدماته.
أنواع الوحدات المتوفرة فيه ومساحاتها.
أسعاره.
أنظمة سداده.
الشركة المطورة ليه وسابقة أعمالها.
العيوب المحتملة فيه.

موقع كمبوند بارك فالي 2:

كمبوند بارك فالي 2 في الشيخ زايد موجود في موقع من أفضل مواقع غرب القاهرة. موقع استراتيجي بيقربه من أهم الأماكن في المنطقة، وبيسهل عليك تنقلاتك منه وإليه.

يعتبر الكمبوند من سلسلة مشاريع بارك فالي الموجودة في الشيخ زايد ومكانه بالتحديد على حوض 2. موقع المشروع يعتبر سبب رئيسي في تفضيله من عملاء كتير، وده لعدة اسباب أهمها انه هيقربهم من أهم الأماكن اللي ممكن يترددوا عليها بشكل يومي، وده هيساعدهم على توفير وقت ومجهود كبير جدًا، ومن أهم الأماكن اللي بتقع بالقرب من بارك فالي 2 الشيخ زايد:

وصلة دهشور.
طريق مصر اسكندرية الصحراوي.
محور البوليفارد.
مول مصر.
مول العرب.
ميدان الحصري.
محور 26 يوليو.

إذًا موقع كمبوند بارك فالي 2 الشيخ زايد بيضمن لك تنقلات سهلة وقرب من أهم معالم المنطقة وبيساعدك على توفير وقتك اللي بيضيع في الطرق والتنقلات يوميًأ.

خدمات كمبوند بارك فالي 2 الشيخ زايد:

أول حاجة بنستفسر عنها بعد الموقع هي الخدمات المتوفرة في المشروع وجودتها. وفي الجزء ده هنتكلم بالتفصيل عن خدمات بارك فالي 2 زايد.

لو انت حابب تسكن او تستثمر في بارك فالي 2 فالخدمات هتساعدك تاخد قرارك بسهولة لأنها تعتبر خدمات متكاملة وعلى مستوى عالي من الجودة. والشركة المطورة للمشروع بتراعي في تقديمها للخدمات انها توفر الترفيهي والأساسي وتحافظ على جودتهم بنفس المستوى. ومن أهم الخدمات اللي هتكون موجودة في بارك فالي 2 الشيخ زايد:

خدمات الأمن والحراسة المتطورة.
خدمات صحية.
كيدز اريا.
كلوب هاوس.
نادي رياضي متكامل ( جيم وسبا وجاكوزي)
مساحات خضراء ومسطحات مائية.
حمامات سباحة مناسبة لأغلب الأعمار.
مسارات للجري وركوب الدراجات.
منطقة تجاري.
مطاعم وكافيهات.

تقدر تكون مطمئن للخدمات اللي هتكون متوفرة في كمبوند بارك فالي 2 وتثق انها هتلبي احتياجاتك اليومية الأساسية او الترفيهية.

أنواع الوحدات في بارك فالي 2 الشيخ زايد:

لو بتدور على كمبوند يكون هادي وتستمتع فيه بمستوى عالي من الخصوصية هيكون بارك فالي 2 في مقدمة اختياراتك.

بارك فالي 2 الشيخ زايد كمبوند مساحتة 8 فدان. هدفه هو كثافة سكانية قليلة ويغلب عليه طابع الهدوء والخصوصية. وده ظهر في عدد وحداته القليل واللي بيتمثل في 60 وحدة فقط!

الكمبوند يعتبر مخصص للفيلات واتنوعت فيه الفيلات بين:

فيلات مستقلة.
توين هاوس.

أما عن المساحات ف بتبدأ في بارك فالي 2 من 255 متر. مقسمة بطريقة عبقرية وبنسبة هدر قليلة جدًا. وبالرغم من قلة عدد الوحدات إلا ان كل وحدة تعتبر مميزة بشكل منفرد، سواء في تصميمها أو تقسيمتها أو الفيو الخاص بيها.

تصميم الوحدات في كمبوند بارك فالي 2 الشيخ زايد يعتبر تصميم على الطراز الأوروبي وبيضفي جمال وفخامة للمكان بشكل عام. مع الأخذ بالاعتبار عامل الحداثة ومحاكاة الذوق الراقي للعملاء.

طرق السداد والأسعار في كمبوند بارك فالي 2:

بعد ما عرفنا أغلب التفاصيل عن كمبوند بارك فالي 2 الشيخ زايد بيجي دور الأسعار واللي بتحدد بشكل نهائي إذا كان المشروع هو الاختيار الأنسب لينا ولا لا. ولكن مهم جدًا نشوف الأسعار بمبدأ السعر مقابل القيمة، ونحدد هل القيمة اللي بيقدمها المشروع تستحق الأسعار المطروحة أو لا.

كمبوند بارك فالي 2 الشيخ زايد بيقدم في وحداته أسعار تنافسية متناسبة مع الخدمات والتفاصيل الخاصة بيه، وبتبدأ الاسعار في بارك فالي 2 الشيخ زايد من 11 مليون جنيه.

وعشان نحقق معادلة استثمار ناجحة أو نمتلك وحدة سكنية مميزة هنقدر نستعين بنظام السداد اللي بتقدمه الشركة المطورة للمشروع واللي بتمثل في دفع 10% مقدم وتقسيط باقي قيمة الوحدة على فترات تصل ل 10 سنين. وتقدر تستلم وحدتك خلال 3 سنين.

عن شركة إيفيد للتطوير العقاري Efid Development:

شركة إيفيد للتطوير العقاري Efid developments هي شركة من أحدث الشركات على الساحة العقارية واللي قدرت تثبت تميزها في وقت قصير جدًأ وأظهرت براعة وإتقان في اختيار مشروعاتها ومواقعها ومعاونيها. هدف شركة إيفيد للتطوير العقاري هو انها تنشئ مشروعات متطورة وحديثة ومستدامة وتكسب ثقة عملاء بيهدفوا لنفس أسلوب المعيشة وتساعدهم يلاقوا الوحدات المناسبة لسكنهم أو استثمارهم.

العيوب المحتملة لكمبوند بارك فالي 2 الشيخ زايد:

على الرغم من كونها ميزة كبيرة لبعض العملاء، إلا ان اغلب العملاء ممكن يشوفها عيب يبعدهم عن امتلاك وحدة في مشروع بارك فالي 2 الشيخ زايد.

وهي كون وحدات المشروع عبارة عن فيلات فقط. عدم وجود وحدات أخرى في المشروع ممكن يكون مش مناسب لأغلب العملاء اللي حابين يمتلكوا وحدات من نوع آخر زي الشقق السكنية أو الدوبليكس.

أين يقع مشروع كمبوند بارك فالي 2؟